HOME » NEWS » Life » RELUCTANCE TO EXPOSE IN FRONT OF PARTNER DUE TO OBESITY SWPB

'പങ്കാളിക്ക് മുൻപിൽ വിവസ്ത്രനാകാൻ വിമുഖത.. കാരണം അമിത വണ്ണം'; യുവാവിന്റെ ആശങ്കയ്ക്ക് സെക്സോളജിസ്റ്റിന്റെ മറുപടി

എന്റെ പങ്കാളിയുടെ മുന്നിൽ പൂർണ്ണമായും നഗ്നനാകുന്ന ഘട്ടങ്ങളിലും ഈ ചിന്ത എന്നിലെത്തും. രസകരമെന്നു പറയട്ടെ, അവരാരും ഇത് പ്രശ്‌നകരമാണെന്ന് പറഞ്ഞിട്ടില്ല. പക്ഷെ..എനിക്ക് എപ്പോഴും അങ്ങനെ തോന്നുന്നുണ്ട്.

News18 Malayalam | news18-malayalam
Updated: December 30, 2020, 11:00 PM IST
'പങ്കാളിക്ക് മുൻപിൽ വിവസ്ത്രനാകാൻ വിമുഖത.. കാരണം അമിത വണ്ണം'; യുവാവിന്റെ ആശങ്കയ്ക്ക് സെക്സോളജിസ്റ്റിന്റെ മറുപടി
പ്രതീകാത്മക ചിത്രം
  • Share this:
ചോദ്യം: ഹായ്, ഞാൻ അമിതവണ്ണമുള്ളയാളാണ്. ഇതുകാരണം ഒട്ടനവധി പ്രശ്നങ്ങൾ നേരിടുന്നു. എങ്കിലും അതിന്റെ പേരിൽ എന്റെ പങ്കാളികൾ‌ ഒരിക്കലും എനിക്ക് ഒരു പ്രയാസവും നൽകിയിട്ടില്ല. പക്ഷേ എനിക്ക് പലപ്പോഴും സ്വയം വൃത്തികെട്ട ശരീരമായി തോന്നുന്നു. വാസ്തവത്തിൽ, ഒരിക്കലും ആകർഷകമല്ല അല്ലെങ്കിൽ‌ മനോഹരമായി കാണപ്പെടില്ല എന്ന ആഴത്തിലുള്ള ബോധമാണ് എന്നെ പിന്തുടരുന്നത്. നിങ്ങൾക്ക് അറിയണമെങ്കിൽ എനിക്ക് ഇതിനെക്കുറിച്ച് കൂടുതൽ പറയാൻ കഴിയും. എന്റെ പങ്കാളിയുടെ മുന്നിൽ പൂർണ്ണമായും നഗ്നനാകുന്ന ഘട്ടങ്ങളിലും ഈ ചിന്ത എന്നിലെത്തും. രസകരമെന്നു പറയട്ടെ, അവരാരും ഇത് പ്രശ്‌നകരമാണെന്ന് പറഞ്ഞിട്ടില്ല. പക്ഷെ..എനിക്ക് എപ്പോഴും അങ്ങനെ തോന്നുന്നുണ്ട്. എന്നാൽ എന്റെ ശരീരപ്രകൃതം പങ്കാളിയുമായുള്ള ശാരീരിക അടുപ്പത്തെ ബാധിക്കുമെന്ന് ഞാൻ കരുതുന്നുമില്ല.

ഉത്തരം: പലപ്പോഴും ഞാൻ ഉദ്ധരിക്കുന്ന പ്രിയപ്പെട്ട വാക്യങ്ങളിലൊന്ന് - "സൗന്ദര്യം കാഴ്ചക്കാരന്റെ കണ്ണിലാണ് കുടികൊള്ളുന്നത്". എന്ത് നിറമാണ്, അല്ലെങ്കിൽ നിങ്ങളുടെ ഉയരം എത്രയാണ്, ആകർണമുണ്ടോ ഇല്ലയോ എന്നൊന്നും നോക്കിയല്ല നിങ്ങളിലെ സൗന്ദര്യം ഇരിക്കുന്നത്. നിങ്ങളെ നോക്കുന്ന വ്യക്തിക്ക് നിങ്ങൾ സുന്ദരരാണെന്ന് തോന്നുകയാണെങ്കിൽ പിന്നെ വേറെ പ്രശ്നമില്ലല്ലോ. ലൈംഗിക പങ്കാളികളാരും നിങ്ങൾ ആകർഷകമല്ലെന്ന് പറഞ്ഞിട്ടില്ലെന്ന് നിങ്ങൾ തന്നെ പരാമർശിക്കുന്നു. അവർ നിങ്ങളോടൊപ്പമുണ്ടാകാനും നിങ്ങളെ സ്നേഹിക്കാനും മുന്നോട്ടുവന്നവരാണ്. കാരണം അവർക്ക് നിങ്ങളിൽ ആകർഷണം തോന്നുന്നു. അവർ നിങ്ങളെ സ്നേഹിക്കുന്നതിലൂടെയോ നിങ്ങളുമായി ലൈംഗിക ബന്ധത്തിൽ ഏർപ്പെടുന്നതിലൂടെയോ നിങ്ങൾക്കായി ഉപകാരം ചെയ്യാൻ തയാറായതല്ല. അവർക്ക് അത് വേണ്ടതുകൊണ്ടാണ് അതിന് തയാറായത്.

ഒരു ഷർട്ട് വാങ്ങാൻ നിങ്ങൾ ഒരു ടെക്സ്റ്റൈൽ ഷോപ്പ് സന്ദർശിച്ച സമയത്തെക്കുറിച്ച് ചിന്തിക്കുക. റാക്കുകളിൽ ലഭ്യമായ എല്ലാ ഷർട്ടുകളും നിങ്ങൾ നോക്കി, നിങ്ങൾക്ക് ശരിക്കും ഇഷ്ടപ്പെട്ട ഒരു നീല നിറം തെരഞ്ഞെടുത്തു. ഇത് വളരെ മനോഹരവും സ്റ്റൈലിഷുമാണെന്ന് നിങ്ങൾ കണ്ടെത്തിയതിനാലാണ് നിങ്ങൾ ഇത് വാങ്ങിയത്. ഇപ്പോൾ നിങ്ങൾ സ്റ്റോറിൽ ഉപേക്ഷിച്ച ഷർട്ടുകളെക്കുറിച്ച് ചിന്തിക്കുക. നിങ്ങൾ പ്രത്യേകിച്ച് വെറുത്ത ഒരു മഞ്ഞ ഷർട്ട് ഉണ്ടെന്ന് സങ്കൽപ്പിക്കുക: "ഓ മൈ ഗോഡ്, എന്തൊരു മോശം ഡിസൈൻ! സ്റ്റോർ എനിക്ക് സൗജന്യമായി നൽകുകയും അത് എടുക്കാൻ എനിക്ക് പണം വാഗ്ദാനം ചെയ്യുകയും ചെയ്താലും ഞാൻ ഈ ഷർട്ട് വാങ്ങില്ല! " തീർച്ചയായും നിങ്ങൾ മുമ്പ് ഒരു ഷർട്ടെങ്കിലും മാറ്റി വച്ചിട്ടുണ്ട്. ഒരു നിമിഷം ചിന്തിക്കുക. റാക്കിൽ മഞ്ഞ ഷർട്ട് ഉണ്ടെന്ന് നിങ്ങൾ കരുതുന്നത് എന്തുകൊണ്ട്? എന്തുകൊണ്ടാണ് നിങ്ങൾ വാങ്ങിയ ഷർട്ടിന് തുല്യമായ വില? നിർമാതാവിൽ നിന്ന് ഈ മഞ്ഞ ഷർട്ട് വാങ്ങാൻ കടയുടമ പണം ചെലവഴിച്ചത് എന്തുകൊണ്ട്?

Also Read- 'ലൈംഗികാഭിലാഷങ്ങളെക്കുറിച്ചുള്ള തുറന്നുപറയൽ വിഷലിപ്തമായ ബന്ധങ്ങളെ ഇല്ലാതാക്കുമോ?'

കടയിലേക്ക് വരുന്ന മറ്റാരെങ്കിലും അതേ റാക്കിലുള്ള ഷർട്ടുകൾ നോക്കുകയും ഈ മഞ്ഞ ഷർട്ട് കണ്ടിട്ട്, 'എത്ര മനോഹരമായ തിളക്കമുള്ള ഷർട്ട്. എനിക്ക് അത് വാങ്ങണം! "- നിങ്ങൾ ഇഷ്ടപ്പെട്ട് നീല ഷർട്ട് വാങ്ങിയതുപോലെ അവർ സന്തോഷത്തോടെ ആ മഞ്ഞ ഷർട്ട് വാങ്ങും, ധരിക്കും, അത് അവർക്ക് നന്നായി യോജിക്കും. വാസ്തവത്തിൽ, നിങ്ങൾക്ക് മുൻപ് കടയിലെത്തിയ ആരെങ്കിലും നീല ഷർട്ട് കണ്ടിരിക്കാം. "അയ്യോ! എനിക്ക് സൗജന്യമായി നൽകിയാലും ഞാൻ ആ ഷർട്ട് വാങ്ങില്ല! "- എന്ന് ആ നീല ഷർട്ട് കണ്ട് പറഞ്ഞിരിക്കാം.

സ്റ്റോറിലെ ഓരോ ഷർട്ടും വാങ്ങാൻ ഓരോ ആൾക്കാർ ഉള്ളതുപോലെ, നിങ്ങളെ ആകർഷകമായി തോന്നുന്നവരും അല്ലാത്തവരുമുണ്ട്. സാർവത്രികമായി ആകർഷകമായ ശരീരമോ സാർവത്രികമായി വൃത്തികെട്ട ശരീരമോ ഇല്ല.

Also Read- 'അവൾ സെക്സിൽനിന്ന് അകന്നു നിൽക്കുന്നു, ഞാൻ എന്തു ചെയ്യണം?'

സൗന്ദര്യം കാഴ്ചക്കാരന്റെ കണ്ണുകളിൽ ഉണ്ടെന്ന ആശയം നിങ്ങളുടെ കണ്ണുകൾക്കും ബാധകമാണ്. നിങ്ങൾ സ്വയം നോക്കുമ്പോൾ നിങ്ങൾ ഒരു സുന്ദരിയെ കാണുന്നുണ്ടോ? ഇല്ലെങ്കിൽ, എന്തുകൊണ്ട്? നിങ്ങൾക്ക് കൂടുതൽ ആകർഷകമാകുമെന്ന് നിങ്ങൾ കരുതുന്ന ഒരുതരം ശരീരമോ പ്രത്യോകതകളോ ഉണ്ടോ? അങ്ങനെയാണെങ്കിൽ, അതിൽ പ്രവർത്തിക്കുക. മാറ്റങ്ങൾ വരുത്തുക. സ്വയം ആകർഷിക്കാൻ ആഗ്രഹിക്കുന്നതിനാൽ വസ്ത്രധാരണം ചെയ്യുക, മേക്കപ്പ് ഇടുക, അല്ലെങ്കിൽ ജിമ്മിൽ പോകുക. നിങ്ങൾ സുന്ദരി, അല്ലെങ്കിൽ സുന്ദരനാണെന്ന് സ്വയം പറയുക. സെക്സി ആയി തോന്നുക. നിങ്ങളുടെ ശരീരത്തെ അഭിനന്ദിക്കുക, ചെറിയ വിജയങ്ങൾക്ക് സ്വയം പ്രതിഫലം നൽകുക. നിങ്ങൾ നിങ്ങളുടെ സ്വന്തം സുഹൃത്താണെന്ന് ഓർമ്മിക്കുക.
Published by: Rajesh V
First published: December 30, 2020, 11:00 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories