• HOME
  • »
  • NEWS
  • »
  • life
  • »
  • ഇരട്ട പെണ്‍കുഞ്ഞുങ്ങള്‍ മരിച്ച അതേ ദിവസം ഇരട്ട പെണ്‍കുഞ്ഞുങ്ങള്‍ പിറന്ന് ദമ്പതികള്‍; സങ്കടവും സന്തോഷവുമായി ഒരേ ദിനം

ഇരട്ട പെണ്‍കുഞ്ഞുങ്ങള്‍ മരിച്ച അതേ ദിവസം ഇരട്ട പെണ്‍കുഞ്ഞുങ്ങള്‍ പിറന്ന് ദമ്പതികള്‍; സങ്കടവും സന്തോഷവുമായി ഒരേ ദിനം

ആദ്യ ഇരട്ട പെണ്‍കുഞ്ഞുങ്ങളെ നഷ്ടപ്പെട്ട അതേ ദിവസം പിന്നീട് അവര്‍ക്ക് സമ്മാനിച്ചതും ഇരട്ട പെണ്‍കുഞ്ഞുങ്ങളെ തന്നെയായിരുന്നു

  • Last Updated :
  • Share this:
    വിശാഖപ്പട്ടണം: സെപ്റ്റംബര്‍ 15, അപ്പല രാജുവിനും ഭാര്യ ഭാഗ്യലക്ഷ്മിയ്ക്കും സമ്മാനിച്ചത് നികത്താനാവാത്ത സങ്കടവും അളക്കാനാവാത്ത സന്തോഷവുമാണ്. രണ്ട് വര്‍ഷം മുന്‍പ് ഗോദാവരി നദിയിലുണ്ടായ ബോട്ടപകടത്തില്‍ തങ്ങളുടെ ആദ്യ ഇരട്ട പെണ്‍കുഞ്ഞുങ്ങളെ രാജുവിനും ഭാഗ്യലക്ഷ്മിയ്ക്കും നഷ്ടപ്പെട്ടിരുന്നു. എന്നാല്‍ ഇപ്പോള്‍ ഇതേ ദിവസം തന്നെ രണ്ട് ഇരട്ട പെണ്‍കുഞ്ഞുങ്ങള്‍ക്ക് ജന്മം നല്‍കിയിരിയ്ക്കുകയാണ് ഈ ദമ്പതികള്‍.

    വിശാഖപട്ടണത്തിലെ ഗ്ലാസ് നിര്‍മ്മാണ സ്ഥാപനത്തിലെ ജീവനക്കാരനാണ് അപ്പല രാജു.2019ല്‍ അദ്ദേഹത്തിന്റെ അമ്മയ്ക്കും മക്കള്‍ക്കൊപ്പം തെലുങ്കാനയിലെ രാമക്ഷേത്രത്തിലേയ്ക്ക് പോവുന്നതിനിടയ്ക്കാണ് അപകടം സംഭവിച്ചത് ദുരന്തത്തില്‍ മക്കള്‍ക്കൊപ്പം രാജുവിന്റെ അമ്മയും മരിച്ചിരുന്നു.

    പിന്നീട് കഴിഞ്ഞ വര്‍ഷം ചികിത്സക്കായി ആശുപത്രിയെ സമീപിച്ചെങ്കിലും കോവിഡ് മഹാമാരി പ്രതികൂലമായി. തുടര്‍ന്ന് ഐ.വി.എഫ് ചികിത്സയിലൂടെ ഭാഗ്യലക്ഷ്മി ഗര്‍ഭം ധരിയ്ക്കുകയായിരുന്നു.

    ഈ മാസം 15ന്, ബോട്ടപകടത്തില്‍ മക്കള്‍ മരിച്ച് രണ്ട് വര്‍ഷം തികഞ്ഞ അതേ ദിവസം ഭാഗ്യലക്ഷ്മി ഇരട്ടപെണ്‍കുഞ്ഞുങ്ങള്‍ക്ക് തന്നെ ജന്മം നല്‍കി. 1.9, 1.6 കിലോഗ്രാം തൂക്കമുള്ള കുഞ്ഞുങ്ങള്‍ സുഖമായിരിക്കുന്നു.

    Also Read- മകന്റെ ചികിത്സയ്ക്ക് പണയം വയ്ക്കാനായി കരുതിയ മോതിരം അഴുക്കുചാലില്‍ നഷ്ടപ്പെട്ടു; കൈത്താങ്ങായി പൊലീസ് ഉദ്യോഗസ്ഥ

    തൃശൂര്‍: അസുഖം ബാധിച്ച മകനെ ആശുപത്രിയില്‍ കാണിക്കാന്‍ പണം കണ്ടെത്തുന്നതിനായി കയ്യിലണിഞ്ഞിരുന്ന മോതിരം പണയം വയ്ക്കാനായി ചാവക്കാട് ടൗണിലേക്ക് പുറപ്പെട്ടതായിരുന്നു യുവതി. നടത്തത്തിനിടയില്‍ വിരലില്‍ നിന്നും ഊരി മോതിരം നടപ്പാതയിലെ കോണ്‍ക്രീറ്റ് സ്ലാബിനിടയിലൂടെ അഴുക്കുചാലിലേക്ക് വീഴുകയായിരുന്നു.

    തുടര്‍ന്ന് മോതിരം നഷ്ടപ്പെട്ട വിവരം യുവതി അവിടെ നിന്നും ചാവക്കാട് പോലീസ് സ്റ്റേഷനില്‍ എത്തി അറിയിച്ചു. സ്റ്റേഷനില്‍ ഡ്യൂട്ടിയിലുണ്ടായിരുന്ന ജനമൈത്രി സീനിയര്‍ സിവില്‍ പോലീസ് ഓഫീസര്‍ സൗദാമിനി യുവതിയെ ആശ്വസിപ്പിച്ച ശേഷം കാര്യങ്ങള്‍ ചോദിച്ചറിഞ്ഞു.

    ഉടന്‍ തന്നെ പോലീസ് ഓഫീസര്‍ സൗദാമിനി യുവതിയേയും കൂട്ടി മോതിരം നഷ്ടപ്പെട്ട സ്ഥലത്തേക്ക് പോയി. അഴുക്കുചാലിനു മീതെ കോണ്‍ക്രീറ്റ് സ്ലാബുകള്‍ ഇട്ട വിടവിലൂടെ സ്വര്‍ണമോതിരം നഷ്ടപ്പെട്ട സ്ഥലം പോലീസുദ്യോഗസ്ഥയ്ക്ക് യുവതി കാണിച്ചു കൊടുത്തു.

    ചാവക്കാട് നഗരത്തിലൂടെ പോകുന്ന ഒരു അഴുക്കുചാലായിരുന്നു അത്. അതിനുമീതെ കാല്‍നടക്കാര്‍ക്ക് പോകുന്നതിനുവേണ്ടി വളരെ കനത്തിലാണ് കോണ്‍ക്രീറ്റ് സ്ലാബുകള്‍ ഇട്ടിരിക്കുന്നത്. സ്ലാബുകള്‍ നീക്കി, നഷ്ടപ്പെട്ട മോതിരം കൈകൊണ്ടെടുക്കുക പെട്ടെന്ന് സാധ്യമല്ല. അതുവഴി പോയ ഒരു JCB സൗദാമിനിയുടെ ശ്രദ്ധയില്‍പ്പെട്ടു. കൈകാണിച്ച് നിര്‍ത്തിച്ച ശേഷം ഡ്രൈവറോട് സഹായം അഭ്യര്‍ത്ഥിച്ചു. ജെസിബി കൊണ്ട് സ്ലാബ് ഉയര്‍ത്തിത്തരാമെന്ന് അയാള്‍ സമ്മതിച്ചു.

    ഒറ്റനോട്ടത്തില്‍ മോതിരം അവിടെ കാണുന്നുണ്ടായിരുന്നില്ല. മോതിരം നഷ്ടപ്പെട്ട യുവതി ആകെ വിഷമിച്ചു. ''നമുക്ക് വഴിയുണ്ടാക്കാം...'' എന്ന് സൗദാമിനിയുടെ ആശ്വസവാക്ക്.

    അവിടേക്ക് എത്തിയ ഒരാളോട് സഹായമഭ്യര്‍ത്ഥിച്ചു. അഴുക്കുചാലില്‍ ഒഴുക്കുണ്ടായിരുന്നില്ല. അതിനാല്‍ മോതിരം വീണ ഭാഗത്ത് കെട്ടിക്കിടന്നിരുന്ന വെള്ളവും ചെളിയും ഒരു ബക്കറ്റില്‍ കോരി പുറത്തെടുത്ത് പരിശോധിച്ചു. മോതിരം കിട്ടി. നഷ്ടപ്പെട്ടു എന്നു കരുതിയ അരപ്പവന്‍ വരുന്ന സ്വര്‍ണമോതിരം തിരിച്ചു ലഭിച്ച സന്തോഷത്തില്‍ പോലീസുദ്യോഗസ്ഥയെ കെട്ടിപ്പിടിച്ച് യുവതി കരഞ്ഞു. ''വിഷമിക്കേണ്ട, പോയ്‌കോളൂ.. കുട്ടിയുടെ അസുഖം വേഗം ഭേദമാകട്ടെ'' യുവതിയോട് സൗദാമിനിയുടെ സാന്ത്വനവാക്കുകള്‍.
    Published by:Karthika M
    First published: