HOME » NEWS » Life » THE WORLDS MOST EXPENSIVE DRUG IS NEEDED TO SUSTAIN THE LIFE OF THIS THREE YEAR OLD

ഈ മൂന്നു വയസുകാരന്‍റെ ജീവൻ നിലനിർത്താൻ ലോകത്തെ ഏറ്റവും വില കൂടിയ മരുന്ന് വേണം; 16 കോടി കണ്ടെത്താൻ ഒരു മാതാപിതാക്കൾ

മുലയൂട്ടുന്ന സമയത്ത് അയാൻഷിന്റെ കഴുത്ത് മറുവശത്തേക്കു ചരിയുന്നത് കണ്ടതോടെയാണ് കുട്ടിയുടെ അസുഖകരമായ അവസ്ഥ ശ്രദ്ധയിൽപ്പെടുന്നത്. പിന്നീട് നടത്തിയ പരിശോധന ഫലം ഞെട്ടിക്കുന്നതായിരുന്നു.

News18 Malayalam | news18-malayalam
Updated: April 15, 2021, 8:43 AM IST
ഈ മൂന്നു വയസുകാരന്‍റെ ജീവൻ നിലനിർത്താൻ ലോകത്തെ ഏറ്റവും വില കൂടിയ മരുന്ന് വേണം; 16 കോടി കണ്ടെത്താൻ ഒരു മാതാപിതാക്കൾ
ayansh_FightSMA
  • Share this:
മൂന്നു വർഷം മുമ്പാണ് രൂപാൽ ഗുപ്തയ്ക്കും ഭർത്താവ് യോഗേഷ് ഗുപ്തയ്ക്കും ഒരു മകൻ ജനിച്ചത്, അവന് അവർ അയാൻഷ് എന്ന് പേരിട്ടു. വളരെയധികം വാൽസല്യത്തോടെയാണ് അയാൻഷിനെ മാതാപിതാക്കൾ വളർത്തിയത്. എന്നാൽ താമസിയാതെ അവന് ചില ആരോഗ്യപ്രശ്നങ്ങളുണ്ടെന്ന് മനസിലായി. മുലയൂട്ടുന്ന സമയത്ത് അയാൻഷിന്റെ കഴുത്ത് മറുവശത്തേക്കു ചരിയുകയും ഇത് ഗുരുതരമായ ആശങ്കകൾ ഉയർത്തുകയും ചെയ്തു. ഇതോടെ അയാൻഷിനെ ആശുപത്രിയിൽ കാണിച്ചു. വിദഗ്ദ്ധ പരിശോധനകൾക്ക് ഒടുവിൽ കുട്ടിക്ക് സ്പൈനൽ മസ്കുലർ അട്രോഫി (എസ്‌എം‌എ) ബാധിച്ചതായി കണ്ടെത്തി.

എസ്‌എം‌എ ഒരു മാരകമായ രോഗമാണ്, ഇത് കുട്ടിയുടെ ആയുർദൈർഘ്യം 4-5 വർഷമായി കുറയ്ക്കുന്നു. ആർക്കും ഊഹിക്കാവുന്നതുപോലെ, ഈ വാർത്ത മാതാപിതാക്കളെ ഞെട്ടിച്ചു, വളരെക്കാലമായി, ഇത് എങ്ങനെ കൈകാര്യം ചെയ്യണമെന്ന് അവർക്കറിയില്ല. അയാൻഷിന്റെ പിതാവ് ന്യൂസ് മിനിറ്റിന് നൽകിയ അഭിമുഖത്തിലാണ് ഇത് പറഞ്ഞത്.

എസ്‌എം‌എ ചികിത്സയിലെ ഏറ്റവും വലിയ തടസ്സം മരുന്നുകളുടെ ഉയർന്ന വിലയാണ്. ചികിത്സയുടെ ഭാഗമായി, അയാൻ‌ഷിന് സോൽ‌ജെൻ‌സ്മ എന്ന മരുന്ന് ആവശ്യമാണ്, യു‌എസിൽ മാത്രം വിൽക്കുന്ന ആ മരുന്നിന് വില 16 കോടി രൂപയിലേറെയാണ്. ഇതിനുപുറമെ അധികമായി 6 കോടി രൂപ നികുതിയായി നൽകുകയും വേണം.

ഇത് ദമ്പതികൾക്ക് സങ്കൽപ്പിക്കാനാവാത്തവിധം വലിയ തുകയാണ് അത്. അയാൻ‌ഷിനെ പരിപാലിക്കുന്നതിനായി രൂപാൽ ജോലി ഉപേക്ഷിച്ചതിനാൽ കുടുംബത്തിൽ സമ്പാദ്യമുള്ള ഒരേയൊരു അംഗം യോഗേഷാണ് - കുട്ടിയുടെ നിലവിലെ ചികിത്സ തന്നെ ശരിക്കും ചെലവേറിയതാണ്.

അവർക്ക് പ്രതീക്ഷ നഷ്ടപ്പെട്ടിട്ടില്ല, എന്നാൽ അവരുടെ കുട്ടിയുടെ ചികിത്സയ്ക്കു ആവശ്യമുള്ള പണം ലഭിക്കുമെന്ന പ്രതീക്ഷയിലാണ് രൂപാലും യോഗേഷും. സോഷ്യൽ മീഡിയ വഴിയും മറ്റുമുള്ള ക്രൌഡ് ഫണ്ടിങിലൂടെ അവർക്ക് ഇതിനകം 4.27 കോടി ഡോളർ ലഭിച്ചു, അയൻഷിന്റെ ജീവൻ രക്ഷിക്കാൻ സാധ്യതയുള്ള ചികിത്സയ്ക്കായി സംഭാവന നൽകണമെന്ന് സർക്കാരിനോടും എൻ‌ജി‌ഒകളോടും ജനങ്ങളോടും രൂപാലും യോഗേഷും അഭ്യർത്ഥിക്കുന്നു.

അമേരിക്കയിലെ ടീറ എന്ന കുട്ടിയുടെ മാതാപിതാക്കളുമായും ഇവർ ബന്ധപ്പെടുന്നുണ്ട്, എസ്‌എം‌എ ബാധിച്ച ടീറയുടെ ചികിത്സാർത്ഥം സോൽ‌ജെൻ‌സ്മ എന്ന മരുന്ന് വാങ്ങിയപ്പോൾ ആറു കോടി രൂപ നികുതി സർക്കാർ എഴുതിത്തള്ളിയിരുന്നു.

നിരന്തരമായ ഈ ദുരിതാവസ്ഥയിൽ ദമ്പതികളെ കാണുന്നത് ഹൃദയഹാരിയാണ്, നിങ്ങൾ സംഭാവന നൽകാൻ ആഗ്രഹിക്കുന്നുവെങ്കിൽ, സാധ്യമായ വിധത്തിൽ അവരെ സഹായിക്കാൻ, ഈ മാർഗങ്ങൾ നിങ്ങൾക്ക് ഉപയോഗിക്കാം. കൂടാതെ ഈ വിവരം പരമാവധി ആളുകളിലേക്ക് എത്തിക്കാനും ശ്രമിക്കുക.

1. സംഭാവന നൽകാൻ ഈ വെബ്സൈറ്റ് സന്ദർശിക്കുക: - Impact Guru 

2. Paytm വഴി സംഭാവന നൽകാൻ (Android ഉപയോക്താക്കൾ):  Impact Guru

3. NEFT / IMPS / RTGS (ഇന്ത്യൻ ബാങ്കുകളിൽ നിന്ന് മാത്രം)

അക്കൗണ്ട് നമ്പർ: 700701717157379

അക്കൗണ്ട് നാമം: അയൻഷ് ഗുപ്ത

IFSC കോഡ്: YESB0CMSNOC

4. യു‌പി‌ഐ: supportayaansh1 @ yesbankltd

5. GooglePay / UPI / PhonePe (Android മാത്രം): - Impact Guru 





കഴിയാവുന്ന സംഭാവന എത് അത്ര ചെറുതായാലും അയാൻഷ് ഗുപ്ത എന്ന മൂന്നു വയസുകാരന്‍റെ ജീവൻ നിലനിർത്താനായി നൽകാം...
Published by: Anuraj GR
First published: April 15, 2021, 8:43 AM IST
കൂടുതൽ കാണുക
അടുത്തത് വാര്‍ത്തകള്‍

Top Stories