World Heritage Day | നാളെ ലോക പൈതൃക ദിനം: യുനെസ്കോ തിരഞ്ഞെടുത്തിട്ടുള്ള ഇന്ത്യയിലെ പൈതൃക കേന്ദ്രങ്ങൾ
യുനെസ്കോ തിരഞ്ഞെടുത്ത ഇന്ത്യയിലെ ചില പൈതൃക സൈറ്റുകളുടെ പട്ടിക ചുവടെ
യുനെസ്കോ തിരഞ്ഞെടുത്ത ഇന്ത്യയിലെ ചില പൈതൃക സൈറ്റുകളുടെ പട്ടിക ചുവടെ
- News18 Malayalam
- 1-MIN READ
- Last Updated :
- New Delhi
എല്ലാ വര്‍ഷവും ഏപ്രില്‍ 18 ലോക പൈതൃക ദിനമായിട്ടാണ് ആചരിക്കുന്നത്. മനുഷ്യന്റെ നേട്ടങ്ങളെ ബഹുമാനിക്കുന്നതിനും ലോകത്തിലെ സാംസ്‌കാരികവും പ്രകൃതിദത്തവുമായ വിഭവങ്ങളുടെ സംരക്ഷണം പ്രോത്സാഹിപ്പിക്കുന്നതിനുമാണ് ഈ ദിനം ആഘോഷിക്കുന്നത്.
എല്ലാ ചരിത്ര സ്ഥലങ്ങളും നാഗരികതയുടെ പുരോഗതിക്കും മനുഷ്യ വളര്‍ച്ചയ്ക്കും ആവശ്യമായ ഒരു ചരിത്ര രേഖയായിട്ടാണ് വര്‍ത്തിക്കുന്നത്. ഇതിന് പുറമെ അവ ഭൂതകാലത്തിന്റെ ഓര്‍മ്മപ്പെടുത്തലായും വര്‍ത്തിക്കുന്നു. പൈതൃകം എന്നത് കാലങ്ങളായി കൈമാറ്റം ചെയ്യപ്പെട്ട ഊര്‍ജ്ജസ്വലമായ സംസ്‌കാരങ്ങള്‍, പാരമ്പര്യങ്ങള്‍, പുരാവസ്തുക്കള്‍, കെട്ടിടങ്ങള്‍, ആചാരങ്ങള്‍ എന്നിവയെയാണ് സൂചിപ്പിക്കുന്നത്. ഇന്ത്യയിലുടനീളമുള്ള പൈതൃകങ്ങളുടെ പ്രാധാന്യം മനസിലാക്കാനും ആസ്വദിക്കാനും പരിശോധിക്കാനുമുള്ള മികച്ച അവസരങ്ങളിലൊന്നാണ് ലോക പൈതൃക ദിനമെന്നത് ശ്രദ്ധേയമാണ്.
ലോക പൈതൃക ദിനം 2023: ചരിത്രവും പ്രാധാന്യവും
ഇന്റര്‍നാഷണല്‍ കൗണ്‍സില്‍ ഓണ്‍ മൊമന്റ്‌സ് ആന്റ് സൈറ്റ്‌സ് (ICOMOS) 1982-ലാണ് ലോക പൈതൃക ദിനമെന്ന ആശയം കൊണ്ടുവന്നത്. 1983-ല്‍ യുഎന്‍ ജനറല്‍ അസംബ്ലി ഇതിന് അംഗീകാരം നല്‍കി. തുടര്‍ന്ന് ഏപ്രില്‍ 18, 1982-ല്‍ ലോക സാംസ്‌കാരിക പ്രകൃതി പൈതൃക സംരക്ഷണത്തിനായുള്ള കണ്‍വെന്‍ഷന്‍ യുനെസ്കോ അംഗീകരിച്ചതിന്റെ വാര്‍ഷികമായാണ് ഈ ദിവസം ആഘോഷിക്കുന്നത്.
സാംസ്‌കാരിക പൈതൃകത്തിന്റെ പ്രത്യേക വശം ഉയര്‍ത്തിക്കാട്ടുന്നതിനായി ഓരോ വര്‍ഷവും ഒരോ വിഷയമാണ് ലോക പൈതൃക ദിനത്തിന്റെ ഭാഗമായി തീരുമാനിക്കുന്നത്.’പൈതൃക മാറ്റങ്ങള്‍’ എന്നതാണ് 2023-ലെ വിഷയം.
യുനെസ്കോ തിരഞ്ഞെടുത്ത ഇന്ത്യയിലെ ചില പൈതൃക സൈറ്റുകളുടെ പട്ടിക ചുവടെ:
- ആഗ്ര കോട്ട, ഉത്തര്‍പ്രദേശ്
- അജന്ത ഗുഹകള്‍, മഹാരാഷ്ട്ര
- മധ്യപ്രദേശിലെ സാഞ്ചിയിലെ ബുദ്ധ സ്മാരകങ്ങള്‍
- ചമ്പാനര്‍-പാവഗഡ് ആര്‍ക്കിയോളജിക്കല്‍ പാര്‍ക്ക്, ഗുജറാത്ത്
- ഛത്രപതി ശിവജി ടെര്‍മിനസ് (മുമ്പ് വിക്ടോറിയ ടെര്‍മിനസ്),
- മഹാരാഷ്ട്ര
- ഗോവയിലെ പള്ളികളും കോണ്‍വെന്റുകളും
- എലിഫന്റ ഗുഹകള്‍, മഹാരാഷ്ട്ര
- എല്ലോറ ഗുഹകള്‍, മഹാരാഷ്ട്ര
- ഫത്തേപൂര്‍ സിക്രി, ഉത്തര്‍പ്രദേശ്
- ഗ്രേറ്റ് ലിവിംങ് ചോള ക്ഷേത്രങ്ങള്‍, തമിഴ്നാട്
- കര്‍ണാടകയിലെ ഹംപിയിലെ സ്മാരകങ്ങൾ
- തമിഴ്‌നാട്ടിലെ മഹാബലിപുരത്തെ സ്മാരകങ്ങളുടെ കൂട്ടം
- കര്‍ണാടകയിലെ പട്ടടക്കലിലെ സ്മാരകങ്ങൾ
- രാജസ്ഥാനിലെ കുന്നിന്‍ കോട്ടകള്‍
- ഗുജറാത്തിലെ അഹമ്മദാബാദ് ചരിത്ര നഗരം
- ഹുമയൂണിന്റെ ശവകുടീരം, ഡല്‍ഹി
- ജയ്പൂര്‍ സിറ്റി, രാജസ്ഥാന്‍
- ജന്തര്‍ മന്തര്‍, രാജസ്ഥാന്‍
- കാസിരംഗ നാഷണല്‍ പാര്‍ക്ക്, അസം
- കിയോലാഡിയോ നാഷണല്‍ പാര്‍ക്ക്, രാജസ്ഥാന്‍
- ഖജുരാഹോ ഗ്രൂപ്പ് ഓഫ് മോണുമെന്റ്‌സ്, മധ്യപ്രദേശ്
- ബിഹാറിലെ ബോധഗയയിലെ മഹാബോധി ക്ഷേത്ര സമുച്ചയം
- പശ്ചിമ ബംഗാളിലെ ഡാര്‍ജിലിംഗ് ഹിമാലയന്‍ റെയില്‍വേ
- ഉള്‍പ്പെടെ, ഇന്ത്യയുടെ മൗണ്ടന്‍ റെയില്‍വേ
- നന്ദാദേവി ആൻഡ് വാലി ഓഫ് ഫ്‌ലവേഴ്സ് നാഷണല്‍ പാര്‍ക്ക്, ഉത്തരാഖണ്ഡ്
- നീലഗിരി മൗണ്ടന്‍ റെയില്‍വേ, തമിഴ്നാട്
- രാജസ്ഥാനിലെ കൊട്ടാരങ്ങള്‍
- കുത്തബ് മിനാറും സ്മാരകങ്ങളും, ഡല്‍ഹി
- റാണി-കി-വാവ്, ഗുജറാത്ത്
- റെഡ് ഫോര്‍ട്ട് കോംപ്ലക്‌സ്, ഡല്‍ഹി
- മധ്യപ്രദേശിലെ ഭീംബേട്കയിലെ റോക്ക് ഷെല്‍ട്ടറുകള്‍
- സുന്ദര്‍ബന്‍സ് നാഷണല്‍ പാര്‍ക്ക്, പശ്ചിമ ബംഗാള്‍
- താജ്മഹല്‍, ഉത്തര്‍പ്രദേശ്
- ചണ്ഡിഗഡിലെ ലെ കോര്‍ബ്യൂസിയറിന്റെ വാസ്തുവിദ്യാ പ്രവര്‍ത്തനം
- മുംബൈയിലെ വിക്ടോറിയന്‍ ആന്‍ഡ് ആര്‍ട്ട് ഡെക്കോ എന്‍സെംബിള്‍
- പശ്ചിമഘട്ടം: മഹാരാഷ്ട്ര, കര്‍ണാടക, കേരളം, തമിഴ്നാട്
- മുംബൈയിലെ വിക്ടോറിയന്‍ ഗോതിക്, ആര്‍ട്ട് ഡെക്കോ എന്‍സെംബിള്‍സ്
ഏറ്റവും വിശ്വാസ്യതയുള്ള വാർത്തകള്‍, തത്സമയ വിവരങ്ങൾ, ലോകം, ദേശീയം, ബോളിവുഡ‍്, സ്പോർട്സ്, ബിസിനസ്, ആരോഗ്യം, ലൈഫ് സ്റ്റൈൽ വാർത്തകൾ ന്യൂസ് 18 മലയാളം വെബ്സൈറ്റിൽ വായിക്കൂ.
Tags: UNESCO, World Heritage
