അക്സെഞ്ച്വർ 19000 ജീവനക്കാരെ പിരിച്ചുവിടും; സാമ്പത്തിക വളർച്ച മന്ദഗതിയിലെന്ന് സൂചന

ന്യൂഡൽഹി: പ്രമുഖ ഐടി സ്ഥാപനമായ അക്സെഞ്ച്വർ ഉടൻതന്നെ 19000 ജീവനക്കാരെ പിരിച്ചുവിടും. ആഗോള സാമ്പത്തികമാന്ദ്യവും മന്ദഗതിയിലുള്ള വരുമാന വളർച്ചയുമാണ് കൂട്ട പിരിച്ചുവിടലിന് കാരണം. ഇന്നാണ് 19000 പേരെ പിരിച്ചുവിടുമെന്ന പ്രഖ്യാപനം കമ്പനി നടത്തിയത്. 2023 സാമ്പത്തിക വർഷത്തിന്റെ രണ്ടാം പാദത്തിലെ ത്രൈമാസ ഫലങ്ങൾ പുറത്തുവിട്ടുകൊണ്ടാണ് ഇക്കാര്യം വ്യക്തമാക്കിയത്.

2024 സാമ്പത്തിക വർഷത്തിലും അതിനുശേഷവും തങ്ങളുടെ ചെലവുകൾ കുറയ്ക്കുന്നതിനുള്ള നടപടികളും സ്വീകരിച്ചുവരുകയാണെന്ന് കമ്പനി അറിയിച്ചു. വലിയ വളർച്ചാ അവസരങ്ങൾ ഉണ്ടാകുമെന്ന് ഉറപ്പായതോടെ കമ്പനിയിലേക്കുള്ള നിക്ഷേപം വർദ്ധിക്കുകയാണെന്ന് ചെയർ ആൻഡ് സിഇഒ, ജൂലി സ്വീറ്റ് ഒരു പ്രസ്താവനയിൽ പറഞ്ഞു.

കമ്പനിയുടെ വരുമാനം 15.8 ബില്യൺ ഡോളറാണ്, ഇത് യുഎസ് ഡോളറിൽ 5 ശതമാനം വർധിച്ചു. പുതിയ ബുക്കിംഗുകൾ 13 ശതമാനം വർധിച്ച് 22.1 ബില്യൺ ഡോളറായി. 2023 സാമ്പത്തിക വർഷത്തിന്റെ രണ്ടാം പാദത്തിൽ, പ്രവർത്തനങ്ങൾ കാര്യക്ഷമമാക്കുന്നതിനും ബില്ലുചെയ്യാത്ത കോർപ്പറേറ്റ് പ്രവർത്തനങ്ങൾ മാറ്റുന്നതിനും ചെലവ് കുറയ്ക്കുന്നതിന് ഓഫീസ് ഏകീകരിക്കുന്നതിനുമുള്ള പ്രവർത്തനങ്ങൾ ആക്‌സെഞ്ചർ ആരംഭിച്ചു.

രണ്ടാം പാദത്തിൽ കമ്പനി 244 മില്യൺ ഡോളർ ചെലവ് രേഖപ്പെടുത്തി, 2024 സാമ്പത്തിക വർഷത്തോടെ ഏകദേശം 1.5 ബില്യൺ ഡോളറിന്റെ മൊത്തം ചെലവ് രേഖപ്പെടുത്തുമെന്ന് പ്രതീക്ഷിക്കുന്നു. “ആക്‌സെഞ്ചർ 1.2 ബില്യൺ ഡോളർ ജീവനക്കാരെ ഒഴിവാക്കുന്നതിനും ഓഫീസ് ഏകീകരിക്കുന്നതിന് 300 മില്യൺ ഡോളറും ചെലവ് കണക്കാക്കുന്നു” കമ്പനി പ്രസ്താവനയിൽ പറഞ്ഞു.