• HOME
  • »
  • NEWS
  • »
  • money
  • »
  • Kerala Lottery | മഴയിൽ ഹുസൈന്റെ വീട് വീണു; നാലു മാസം കഴിഞ്ഞ് 80 ലക്ഷത്തിനൊപ്പം സമ്മാനപ്പെരുമഴ

Kerala Lottery | മഴയിൽ ഹുസൈന്റെ വീട് വീണു; നാലു മാസം കഴിഞ്ഞ് 80 ലക്ഷത്തിനൊപ്പം സമ്മാനപ്പെരുമഴ

കാരുണ്യ ഭാഗ്യക്കുറിയുടെ ഒന്നാം സമ്മാനമായ 80 ലക്ഷം രൂപയും 8,000 രൂപ വീതമുള്ള നാല് സമാശ്വാസ സമ്മാനങ്ങളുമാണ് ഹുസൈനെ തേടിയെത്തിയിരിക്കുന്നത്.

  • Share this:
    കോതമംഗലം: കഴിഞ്ഞ ഒക്ടോബറിൽ പെയ്ത മഴയിൽ കുട്ടംപുഴ സ്വദേശിയായ നൂറേക്കർ തെങ്ങുവിള ടിആർ ഹുസൈന്റെ (42) ഓടുമേഞ്ഞ വീടിന്റെ മുൻഭാഗം ഇടിഞ്ഞു വീണിരുന്നു. ഓട്ടോ ഡ്രൈവറായ ഹുസൈൻ സുഹൃത്തുക്കളുടെ സഹായത്തോടെയാണ് വീടിന്റെ താത്കാലിക പണികൾ തീർത്തത്.

    കടബാധ്യതകളെല്ലാം തീർത്ത് പുതിയ വീട് വെക്കണമെന്നാണ് ആഗ്രഹമെങ്കിലും അതിനുള്ള പണമായിരുന്നു പ്രശ്നം. ഇപ്പോഴിതാ ഭാഗ്യം 'കാരുണ്യ' ഭാഗ്യക്കുറിയുടെ (karunya lottery)രൂപത്തിൽ കടാക്ഷിച്ചിരിക്കുകയാണ് ഹുസൈനെ. കാരുണ്യ ഭാഗ്യക്കുറിയുടെ ഒന്നാം സമ്മാനമായ 80 ലക്ഷം രൂപയും 8,000 രൂപ വീതമുള്ള നാല് സമാശ്വാസ സമ്മാനങ്ങളുമാണ് ഹുസൈനെ തേടിയെത്തിയിരിക്കുന്നത്.

    Also Read-Karunya KR-535 Kerala Lottery Results | കാരുണ്യ കെആര്‍-535 ലോട്ടറി ഫലം പ്രഖ്യാപിച്ചു; 80 ലക്ഷം രൂപ ഒന്നാം സമ്മാനം ലഭിച്ച ഭാഗ്യവാന്‍ ആര്?

    ഹുസൈൻ ശനിയാഴ്ച്ചയെടുത്ത പിഡബ്ല്യൂ 749886 എന്ന നമ്പർ ലോട്ടറിക്കാണ് ഒന്നാം സമ്മാനം ലഭിച്ചത്. വല്ലപ്പോഴും മാത്രം ലോട്ടറിയെടുക്കുന്ന ഹുസൈനെ ഭാഗ്യദേവത അറിഞ്ഞു തന്നെ അനുഗ്രഹിച്ചിരിക്കുകയാണിപ്പോൾ.

    എത്രയും വേഗം കടബാധ്യതകൾ തീർത്ത് പുതിയ വീട് വെക്കുകയാണ് ഹുസൈന്റെ സ്വപ്നം. കുട്ടംപുഴ ഫെഡറൽ ബാങ്ക് ശാഖയിൽ തിങ്കളാഴ്ച്ച ലോട്ടറി ഏൽപ്പിക്കും. കുട്ടംപുഴ പ്ലാത്തിക്കാട് രാജനിൽ നിന്ന് വാങ്ങിയ പുന്നേക്കാട് ബികെ ലോട്ടറി ഏജൻസിയുടെ ഭാഗ്യക്കുറികളാണ് സമ്മാനാർഹമായത്.
    Published by:Naseeba TC
    First published: