'ഗബ്ബർ സിങ് ടാക്സിന്' മൻമോഹനിൽനിന്ന് പുരസ്ക്കാരം വാങ്ങി ജെയ്റ്റ്ലി; കോൺഗ്രസിനെ ട്രോളി ബിജെപി

ന്യൂഡൽഹി: GST വിജയകരമായി നടപ്പാക്കിയതിന് ജി.എസ്.ടി കൌൺസിലിന് ബിസിനസ് ലൈൻ- ചേഞ്ച് മേക്കർ ഓഫ് ദ ഇയർ പുരസ്ക്കാരം. മുൻ പ്രധാനമന്ത്രിയിൽനിന്ന് ധനമന്ത്രി അരുൺ ജെയ്റ്റ്ലി പുരസ്ക്കാരം ഏറ്റുവാങ്ങി. ഈ ചിത്രം ഉപയോഗിച്ച് ട്വിറ്ററിലൂടെ കോൺഗ്രസിനെ ട്രോളുകയാണ് ബിജെപി. ജി.എസ്.ടിയെ ഗബ്ബർ സിങ് ടാക്സ് എന്ന് രാഹുൽ ഗാന്ധി പരിഹസിച്ചത് ചൂണ്ടിക്കാട്ടിയാണ് ബിജെപിയുടെ ട്രോൾ. ഇപ്പോൾ ജി.എസ്.ടിയെക്കുറിച്ച് എന്തു പറയുന്നുവെന്നും ട്വീറ്റിൽ ബിജെപി ചോദിക്കുന്നു. ബിജെപിയുടെ ട്രോൾ ഇതിനോടകം ട്വിറ്റർ ലോകത്ത് ചൂടേറിയ ചർച്ചയായികഴിഞ്ഞു. നിരവധിയാളുകളാണ് റീട്വീറ്റുകളിലൂടെ കോൺഗ്രസിനെയും ബിജെപിയെയും അനുകൂലിച്ച് രംഗത്തെത്തുന്നത്.

Today GST COUNCIL got BUSINESS LINE-CHANGE MAKER OF YEAR AWARD. Presented to Finance Minister Shri @arunjaitley by Dr Manmohan Singh.

Gabbar Singh Tax, Rahul Gandhi? pic.twitter.com/TZO0gMT2e3

— BJP (@BJP4India) 15 March 2019

രാഹുൽ ഗാന്ധിക്ക് പുറമെ മൻമോഹൻ സിങും ജി.എസ്.ടിയെ വിമർശിച്ചിരുന്നു. നോട്ടുനിരോധനവും ജി.എസ്.ടിയും തലതിരിഞ്ഞ പരിഷ്ക്കാരമാണെന്നായിരുന്നു മൻമോഹൻ സിങും രാഹുൽ ഗാന്ധിയും പറഞ്ഞിരുന്നത്. വിമർശിച്ച ആളിൽനിന്ന് പുരസ്ക്കാരം ഏറ്റുവാങ്ങിയതാണ് ബിജെപി സമൂഹമാധ്യമങ്ങളിൽ ആഘോഷമാക്കി മാറ്റിയത്.

പ്രചാരണത്തിൽ ബഹുദൂരം മുന്നിൽ: LDF മൂന്നുദിവസം കൊണ്ട് 25000 കുടുംബസംഗമം നടത്തും

ജി.എസ്.ടി കൌൺസിലിന് പുറമെ സ്വവർഗ ലൈംഗികത കുറ്റകരമായി പരിഗണിച്ചിരുന്ന ഐപിസി 377-ാം വകുപ്പ് റദ്ദാക്കുന്നതിലേക്ക് നയിച്ച ഹർജിക്കാരും ചേഞ്ച് മേക്കർ ഓഫ് ദ ഇയർ പുരസ്ക്കാരം പങ്കുവെച്ചു. വിവിധ രംഗങ്ങളിലെ പ്രമുഖർ ഉൾപ്പടെ 200ഓളം പ്രതിനിധികളുടെ സാന്നിദ്ധ്യത്തിലാണ് പുരസ്ക്കാരദാന ചടങ്ങ് നടന്നത്.