നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • money
    • »
    • Amazonന്റെ ഇ-കൊമേഴ്സ് പോർട്ടൽ റദ്ദാക്കണം; കർശന നടപടി ആവശ്യപ്പെട്ട് CAIT

    Amazonന്റെ ഇ-കൊമേഴ്സ് പോർട്ടൽ റദ്ദാക്കണം; കർശന നടപടി ആവശ്യപ്പെട്ട് CAIT

    ആമസോണിന്റെ ലംഘനങ്ങൾ വ്യാപാരികൾക്ക് വൻതോതിൽ നാശനഷ്ടം വരുത്തിയെന്ന് സിഎഐടി

    amazon

    amazon

    • Share this:
      ന്യൂഡൽഹി: അമേരിക്കൻ ഇ-കൊമേഴ്‌സ് ഭീമനായ ആമസോണിന്റെ (Amazon) ഇ-കൊമേഴ്‌സ് പോർട്ടൽ (e commerce portal) താൽക്കാലികമായി നിർത്തിവയ്ക്കാൻ ആവശ്യപ്പെട്ട് കേന്ദ്രസർക്കാരിനോട് കോൺഫെഡറേഷൻ ഓഫ് ഓൾ ഇന്ത്യ ട്രേഡേഴ്‌സ് (CAIT) ഞായറാഴ്ച ആവശ്യപ്പെട്ടു. കോംപറ്റീഷൻ കമ്മീഷൻ ഓഫ് ഇന്ത്യ (CCI) ആമസോണിന് 202 കോടി രൂപ പിഴ ചുമത്തുകയും ഫ്യൂച്വർ കൂപ്പണുകളുമായുള്ള ഇടപാടിനുള്ള അനുമതി താൽക്കാലികമായി നിർത്തിവച്ച് രണ്ട് ദിവസത്തിന് ശേഷമാണ് കേന്ദ്രത്തിന് വ്യാപാരികളുടെ സംഘടനയുടെ കത്ത്.

      "ആമസോണിന്റെ നടപടി ഫെമ, എഫ്ഡിഐ ചട്ടങ്ങളുടെ ലംഘനമാണ്. സിസിഐ ഉത്തരവിന്റെ രൂപത്തിൽ തെളിവുകൾ മുന്നിലുണ്ട്, അതിനാൽ എൻഫോഴ്സ്മെന്റ് ഡയറക്ടറേറ്റ് ആമസോണിനെതിരെ ഉടൻ നടപടിയെടുക്കണം," സിഎഐടി കത്തിൽ‌ ആവശ്യപ്പെട്ടു. "സർക്കാരിന് നടപടിയെടുക്കുന്നതിന് റെഗുലേറ്റർ ബോഡിയായ സിസിഐയുടെ ഉത്തരവ് മതിയാകും."- കത്തിൽ ചൂണ്ടിക്കാട്ടുന്നു.

      സർക്കാർ നിയമങ്ങളെയും നയങ്ങളെയും മറികടക്കാനുള്ള ബോധപൂർവമായ ശ്രമങ്ങളിൽ കമ്പനി നിരന്തരം മുഴുകിയിരിക്കുകയാണെന്നതിന്റെ സ്ഥിരീകരണമാണിതെന്ന് സിഎഐടി പറഞ്ഞു. ആമസോണിന്റെ ലക്ഷ്യം ഇ-കൊമേഴ്‌സ് കൊമേഴ്‌സ് മാത്രമല്ല ഓഫ്‌ലൈൻ റീട്ടെയിൽ കൊമേഴ്‌സും നിയന്ത്രിക്കുകയും ആധിപത്യം സ്ഥാപിക്കുകയും ചെയ്യുക എന്നതാണ്.

      Also Read- ആമസോണിന് 200 കോടി പിഴ; ഫ്യൂച്വർ കൂപ്പൺസുമായുള്ള 2019ലെ കരാർ CCI റദ്ദാക്കി

      ആമസോണിന്റെ ലംഘനങ്ങൾ വ്യാപാരികൾക്ക് വൻതോതിൽ നാശനഷ്ടം വരുത്തിയെന്ന് സിഎഐടി കൂട്ടിച്ചേർത്തു, "ആമസോൺ, ബ്രാൻഡ് കമ്പനികൾ, സർക്കാർ ബാങ്കുകൾ ഉൾപ്പെടെയുള്ള വിവിധ ബാങ്കുകൾ എന്നിവ ഉൾപ്പെടുന്ന ദുഷിച്ച ത്രികക്ഷി സഖ്യം" കാരണം പ്രധാനമായും രണ്ട് ലക്ഷത്തിലധികം ഷോപ്പുകൾ അടച്ചുപൂട്ടേണ്ടിവന്നുവെന്നും സിഐഐടി ചൂണ്ടിക്കാട്ടുന്നു.

      “ആമസോണിന് 202 കോടി പിഴ ചുമത്താനുള്ള സിസിഐ ഉത്തരവ് ഇ-കൊമേഴ്‌സ്, റീട്ടെയിൽ വ്യാപാരം നിയന്ത്രിക്കാനുള്ള വഞ്ചനാപരവും നികൃഷ്ടവുമായ ശ്രമങ്ങളെ തുറന്നുകാട്ടുന്നു. സിസിഐ ഉത്തരവിന് ശേഷം കൂടുതൽ തെളിവുകൾ ആവശ്യമില്ല, ”- സിഎഐടി ജനറൽ സെക്രട്ടറി പ്രവീൺ ഖണ്ഡേൽവാൾ ട്വീറ്റിൽ പറഞ്ഞു.

      ''ഇന്ത്യൻ കോർപറേറ്റുകളുമായി ഞങ്ങൾക്ക് അഭിപ്രായവ്യത്യാസങ്ങളുണ്ട്, എന്നാൽ ആഭ്യന്തര മത്സരം ഇല്ലാതാക്കാൻ ഒരു വിദേശ സ്ഥാപനത്തെയും ഞങ്ങൾ അനുവദിക്കില്ല. ഇക്കാര്യത്തിൽ ഇന്ത്യൻ കമ്പനികൾക്കെതിരെയും സിഎഐടി നടപടിയെടുക്കും, ”- സിഎഐടി ദേശീയ പ്രസിഡന്റ് ബിസി ഭാരതിയും സെക്രട്ടറി ജനറൽ പ്രവീൺ ഖണ്ഡേൽവാളും ഇന്ന് സംയുക്ത പ്രസ്താവനയിൽ പറഞ്ഞു.

      സിഎഐടി നിലപാട് സുപ്രീം കോടതിയും സിസിഐയും ശരിവച്ചു. പിശകുകൾ, തെറ്റിദ്ധാരണകൾ, തെറ്റായ വ്യാഖ്യാനങ്ങൾ, വഞ്ചനാപരമായ പ്രവൃത്തികൾ തുടങ്ങിയവയ്‌ക്ക് സിസിഐ പിഴ ചുമത്തിയതോടെ ആമസോൺ കുറ്റക്കാരാണെന്ന് തെളിയിക്കപ്പെട്ടു.

      വഞ്ചന, ക്രിമിനൽ വിശ്വാസ വഞ്ചന, സത്യസന്ധമല്ലാത്ത പ്രേരണ, വസ്തുതകൾ മറച്ചുവയ്ക്കൽ തുടങ്ങിയ പ്രവൃത്തികൾ ബോധപൂർവമായ നടപടികളുടെ പശ്ചാത്തലത്തിൽ ആമസോൺ ചെയ്യുന്നതിനാൽ, ബിസിനസ് താൽക്കാലികമായി നിർത്തിവച്ച് അടിയന്തര നടപടി സ്വീകരിക്കണമെന്ന് CAIT കേന്ദ്ര സർക്കാരിനോട് ശക്തമായി ആവശ്യപ്പെട്ടിട്ടുണ്ട്. ആമസോൺ ഇ-കൊമേഴ്‌സ് പോർട്ടൽ പ്രവർത്തനങ്ങൾ താൽക്കാലികമായി റദ്ദ് ചെയ്യണമെന്നും സിഎഐടി ആവശ്യപ്പെട്ടു.
      Published by:Rajesh V
      First published: