'വൈറസിനൊപ്പം ജീവിക്കാൻ നമ്മൾ പഠിക്കണം'; ഇപ്പോൾ സമ്പദ്‌വ്യവസ്ഥ തുറക്കുന്നതിൽ സർക്കാർ ശ്രദ്ധിക്കണം: പ്രമുഖ നിക്ഷേപകൻ രാകേഷ് ജുൻജുൻവാല

കോവിഡ് -19 സൃഷ്ടിച്ച പ്രതിസന്ധി തുടരുന്നുണ്ടെങ്കിലും വൈകാതെ ഓഹരി വിപണി തിരിച്ചുവരുമെന്ന് പ്രമുഖ നിക്ഷേപകൻ രാകേഷ് ജുൻജുൻവാല. “ഞാൻ വിപണിയിൽ വളരെ ബുള്ളിഷ് ആണ്, പൂർണമായും നിക്ഷേപം തുടരാനാണ് ആഗ്രഹിക്കുന്നത്,” ജുഞ്ജുൻവാല സി‌എൻ‌ബി‌സി-ടിവി 18 നോട് പറഞ്ഞു. അതേസമയം തൊഴിൽമേഖലയിലെ പരിഷ്ക്കരണ നടപടികൾ മന്ദഗതിയിലാണെന്നത് നിരാശയുണ്ടാക്കുന്ന കാര്യമാണെന്ന് രാകേഷ് ജുൻജുൻവാല പറഞ്ഞു. ബിസിനസ്സ് എളുപ്പമാക്കുന്നതിലാണ് ഇന്ത്യ അടിയന്തിരമായി ശ്രദ്ധിക്കേണ്ടത്. ഇതുവഴി മാത്രമാണ് നമുക്ക് തിരിച്ചുവരാൻ സാധിക്കുക ”- അദ്ദേഹം പറഞ്ഞു.