Gold Price Today | നാല് ദിവസത്തിനു ശേഷം സ്വർണവില കൂടി; ഈ മാസത്തെ ഏറ്റവും ഉയർന്ന നിലയിൽ

തിരുവനന്തപുരം: നാല് ദിവസം മാറ്റമില്ലാതെ തുടർന്നതിനു ശേഷം സംസ്ഥാനത്ത് സ്വർണവില (Gold Price)ഈ മാസത്തെ ഏറ്റവും ഉയർന്ന നിലയിൽ. ഒരു പവന് 36,160 രൂപയും ഗ്രാമിന് 4520 രൂപയുമാണ് ഇന്നത്തെ വില. ഇന്നലെ വരെ ഒരു പവൻ സ്വർണത്തിന് 36,080 രൂപയും ഗ്രാമിന് 4510 രൂപയുമായിരുന്നു വില.

പവന് 80 രൂപയും ഗ്രാമിന് 10 രൂപയുമാണ് ഇന്ന് കൂടിയത്. ഫെബ്രുവരി മൂന്നിനാണ് ഇതിനു മുമ്പ് സ്വർണവില മാറിയത്. പവന് 160 രൂപയും ഗ്രാമിന് 20 രൂപയുമാണ് അന്ന് കൂടിയത്. ഇതിനുശേഷം വിലയിൽ മാറ്റമില്ലാതെ നാല് ദിവസം പിന്നിടുകയായിരുന്നു.

ഫെബ്രുവരി മാസത്തിലെ സംസ്ഥാനത്തെ സ്വർണവില പവന്-

ഫെബ്രുവരി 1- 35,920
ഫെബ്രുവരി 2- 35,920
ഫെബ്രുവരി 3- 36,080
ഫെബ്രുവരി 4- 36,080
ഫെബ്രുവരി 5- 36,080
ഫെബ്രുവരി 6- 36,080
ഫെബ്രുവരി 7- 36,160

Also Read-Fuel price | പ്രധാന നഗരങ്ങളിലെ പെട്രോൾ, ഡീസൽ വില; ഇന്നത്തെ നിരക്കുകൾ

കേരളത്തിൽ സ്വർണവിലയിലെ പ്രതിദിന ചലനത്തിന് നിരവധി കാരണങ്ങളുണ്ട്. ലോഹത്തിനുള്ള അന്താരാഷ്ട്ര ഡിമാൻഡാണ് ഇതിൽ ഏറ്റവും വലുത്. സംസ്ഥാനത്ത് സ്വർണത്തിന് ആവശ്യം കുറയുന്നത് നാം നിരന്തരം കണ്ടുവരുന്നു. ഇത് വില ഡിമാൻഡ് കുറയുന്നതിന് കാരണമായി. കേരളത്തിലെ സ്വർണ്ണ വിലയെ ബാധിക്കുന്ന മറ്റൊരു ഘടകം രൂപയുടെ മൂല്യത്തിലുള്ള വ്യത്യാസമാണ്. ഡോളറിനെതിരെ രൂപയുടെ മൂല്യം ഇടിയുമ്പോൾ, സ്വർണ വില കുറയുന്നു.

അന്താരാഷ്‌ട്ര വിപണിക്ക് അനുസൃതമായാണ് കേരളത്തിലെ സ്വർണവില പ്രധാനമായും മാറുന്നത്. അതിനാൽ, അന്താരാഷ്ട്ര വില ഉയരുകയാണെങ്കിൽ, കേരളത്തിൽ സ്വർണ വില ഉയരും, തിരിച്ചും. അതുപോലെ രാജ്യാന്തര വിപണിയിൽ സ്വർണവില കുറഞ്ഞാൽ കേരളത്തിലും വില കുറയും.