Gold Price Today| ഇന്നും സ്വർണവില കുറഞ്ഞു; രണ്ടുദിവസത്തിനിടെ കുറഞ്ഞത് പവന് 600 രൂപ

കൊച്ചി: സംസ്ഥാനത്ത് സ്വർണവില (Gold price in kerala) തുടർച്ചയായ രണ്ടാം ദിവസവും കുറഞ്ഞു. ഇന്ന് ഒരു ഗ്രാമിന് 35 രൂപയും ഗ്രാമിന് 280 രൂപയുമാണ് കുറഞ്ഞത്. ഇതോടെ സംസ്ഥാനത്ത് ഒരു ഗ്രാം സ്വർണത്തിന് 4515 രൂപയും പവന് 36,120 രൂപയുമായി. വ്യാഴാഴ്ച ഗ്രാമിന് 40 രൂപയും പവന് 320 രൂപയും കുറഞ്ഞിരുന്നു. രണ്ടു ദിവസത്തിനുള്ളിൽ പവന് 600 രൂപയാണ് കുറഞ്ഞത്.

ബുധനാഴ്ച ഒരു പവൻ സ്വർണത്തിന് 120 രൂപ കൂടിയിരുന്നു. പവന് 36,720 രൂപയുമായിരുന്നു ബുധനാഴ്ചത്തെ വില. ഈ മാസത്തെ ഏറ്റവും ഉയർന്ന നിരക്കായിരുന്നു ഇത്. ജനുവരി 10നായിരുന്നു ഈ മാസത്തെ ഏറ്റവും കുറഞ്ഞ നിരക്ക്. അന്ന് പവന് 35,600 രൂപയായിരുന്നു സ്വർണവില. രണ്ടു ദിവസമായി മാറ്റമില്ലാതെ തുടർന്ന സ്വർണവില ചൊവ്വാഴ്ച വർധിച്ചിരുന്നു. 200 രൂപയാണ് ചൊവ്വാഴ്ച പവന് കൂടിയത്. ശനി, ഞായർ, തിങ്കൾ ദിവസങ്ങളിൽ സ്വർണവില പവന് 36,400 രൂപയിൽ തുടരുകയായിരുന്നു.

മൾട്ടി കമ്മോഡിറ്റി എക്‌സ്‌ചേഞ്ചിൽ, സ്വർണ ഫ്യൂച്ചറുകൾ 10 ഗ്രാമിന് 47,956 രൂപയിലാണ് വ്യാപാരം നടക്കുന്നത്. കഴിഞ്ഞ ദിവസത്തെ അപേക്ഷിച്ച് 46 രൂപയാണ് ഇന്ന് വർധിച്ചത്. വെള്ളി വില 92 രൂപ ഉയർന്ന് കിലോയ്ക്ക് 62,036 രൂപയായി. സ്‌പോട്ട് ഗോൾഡ് ഔൺസിന് 1,796.41 ഡോളറിലും യുഎസ് ഗോൾഡ് ഫ്യൂച്ചറുകൾ 1,796 ഡോളറിലും ഇന്ന് സ്ഥിരത പുലർത്തി. അതേസമയം, ഒരുമാസത്തിനിടയില്‍ 2 ശതമാനം വില കുറഞ്ഞു.

Also Read- Fuel price | വിലയിൽ വ്യത്യാസമില്ല; നഗരങ്ങളിലെ പെട്രോൾ, ഡീസൽ നിരക്കുകൾ

ആഗോള വിപണിയിൽ യു എസ് ഡോളറിന്റെ വില കുതിച്ചുയരുന്നതോടെ സ്വർണവില കുറഞ്ഞിരുന്നു. രാജ്യാന്തര വിപണിയിൽ വില കുറഞ്ഞതാണ് ആഭ്യന്തര വിപണിയിലും വില പെട്ടെന്ന് വില കുറച്ചത്. കോവിഡിനെ തുടർന്ന് പ്രഖ്യാപിച്ച ലോക്ക്ഡൗൺ പിൻവലിച്ചതിന് ശേഷം ഇന്ത്യയിൽ സ്വർണവില വർധിച്ചിരുന്നു. ഈ ട്രെന്റ് തന്നെയാണ് ഇപ്പോഴും തുടരുന്നത്.

ലോകത്തെ മുഴുവൻ ആശങ്കയിലാക്കിയ ആഗോള സാമ്പത്തിക മാന്ദ്യത്തിന് ശേഷം സ്വർണത്തിന്റെ മൂല്യം വർദ്ധിച്ച് വരികയാണ്. 2007 ൽ 10,000 രൂപ പവന് വിലയുണ്ടായിന്ന സ്വർണത്തിന് ഇന്ന് 35,000ത്തിന് മുകളിലാണ് വില. സ്വർണവിലയുടെ ഈ വളർച്ച തന്നെയാണ് ഇത്തരത്തിൽ നിക്ഷേപത്തിന് പ്രിയപ്പെട്ടതാക്കുന്നത്.

അതേസമയം, വില ഇടിവ് താൽക്കാലികമാണെന്നും 2022ൽ സ്വർണവില പുതിയ ഉയരത്തിൽ എത്തുമെന്നുമാണ് ഈ രംഗത്തെ വിദഗ്ദ്ധർ ചൂണ്ടിക്കാണിക്കുന്നത്. ഈ വർഷം അന്താരാഷ്ട്ര തലത്തിൽ സ്വർണവില ട്രോയ് ഔൺസിന് 2,100 ഡോളർ വരെ എത്തിയേക്കാമെന്നാണ് റിപ്പോർട്ടുകൾ.

ജനുവരി മാസത്തിലെ സംസ്ഥാനത്തെ സ്വർണവില പവന്-

ജനുവരി 1 - 36,360
ജനുവരി 2 - 36,360
ജനുവരി 3- 36200
ജനുവരി 4- 35920
ജനുവരി 5- 36120
ജനുവരി 6- 35960
ജനുവരി 7- 35680
ജനുവരി 8- 35680
ജനുവരി 9- 35680
ജനുവരി 10- 35,600 (ഈ മാസത്തെ ഏറ്റവും താഴ്ന്ന വില)
ജനുവരി 11- 35760
ജനുവരി 12- 35840
ജനുവരി 13- 36000
ജനുവരി 14- 36000
ജനുവരി 15- 36,000
ജനുവരി 16- 36,000
ജനുവരി 17- 36,000
ജനുവരി 18- 36,000
ജനുവരി 19- 36,080
ജനുവരി 20- 36,440
ജനുവരി 21- 36,520
ജനുവരി 22 - 36,400
ജനുവരി 23 - 36,400
ജനുവരി 24- 36,400
ജനുവരി 25- 36,600
ജനുവരി 26- 36,720 (ഈ മാസത്തെ ഏറ്റവും ഉയർന്ന വില)
ജനുവരി 27- 36,400
ജനുവരി 28- 36,120

വില ഉയർന്നാലും താഴ്ന്നാലും സുരക്ഷിത നിക്ഷേപമായാണ് സ്വർണത്തെ ജനങ്ങൾ കാണുന്നത്. നിക്ഷേപ മൂല്യം എന്നതിലുപരി സ്വർണത്തെ ആഭരണങ്ങളായും നാണയങ്ങളായും കൈവശം വെയ്ക്കാനാണ് ആളുകൾ താത്പര്യപ്പെടുന്നത്. സ്വർണത്തിന്റെ രാജ്യാന്തര വില, ഡോളർ - രൂപ വിനിമയ നിരക്ക്, ഇറക്കുമതി തീരുവ എന്നിവ അടിസ്ഥാനമാക്കിയാണ് സംസ്ഥാനത്ത് സ്വർണ വില നിർണയിക്കപ്പെടുന്നത്.