• HOME
  • »
  • NEWS
  • »
  • money
  • »
  • Gold Price Today| സ്വർണവില നാല്‍പതിനായിരത്തിന് അടുത്തേക്ക്; മൂന്നു ദിവസത്തിനിടെ പവന് വർധിച്ചത് 800 രൂപ

Gold Price Today| സ്വർണവില നാല്‍പതിനായിരത്തിന് അടുത്തേക്ക്; മൂന്നു ദിവസത്തിനിടെ പവന് വർധിച്ചത് 800 രൂപ

ഇന്ന് ഗ്രാമിന് 20 രൂപയും പവന് 160 രൂപയുമാണ് കൂടിയത്. ഇതോടെ ഗ്രാമിന് 4945 രൂപയും പവന് 39,560 രൂപയുമായി

  • Share this:

    തിരുവനന്തപുരം: ഡിസംബർ മാസത്തിൽ സ്വർണവില കുതിപ്പ് തുടരുന്നു. വർഷാവസാനത്തിലേക്ക് കടക്കുന്ന മാസം പവന് 40,000 രൂപ ലക്ഷ്യം വച്ചാണ് സ്വർണത്തിന്റെ കുതിപ്പ്. ഇന്ന് ഗ്രാമിന് 20 രൂപയും പവന് 160 രൂപയുമാണ് കൂടിയത്. ഇതോടെ ഗ്രാമിന് 4945 രൂപയും പവന് 39,560 രൂപയുമായി. കഴിഞ്ഞ മൂന്ന് ദിവസത്തിനിടെ മാത്രം പവന് 800 രൂപയാണ് വർധിച്ചത്.

    നവംബർ 30ന് 38,760 രൂപയായിരുന്ന വില ഡിസംബർ ഒന്നിന് 39,000 രൂപയായി. രണ്ടിന് 400 രൂപ വർധിച്ച് പവന് 39,400 രൂപയായിരുന്നു. നവംബർ മാസം 37,280 രൂപയിൽ തുടങ്ങി, പകുതി പിന്നിട്ടപ്പോൾ 39,000 രൂപയിലെത്തി. എന്നാൽ മാസം അവസാനിച്ചപ്പോൾ 39,000ത്തിന് താഴേക്ക് സ്വർണനിരക്ക് എത്തിയിരുന്നു.

    Also Read- LIC സേവനങ്ങള്‍ ഇനി വാട്‌സ്ആപ്പിലൂടെ; ആക്ടിവേറ്റ് ചെയ്യേണ്ടതെങ്ങനെ?

    ദേശീയതലത്തിൽ ഇന്ന് സ്വർണവില കൂടി. ശനിയാഴ്ച 10 ഗ്രാം 24 കാരറ്റ് സ്വർണത്തിന് 550 രൂപ വർധിച്ച് 53,730 രൂപയിലാണ് വിൽക്കുന്നത്. വെള്ളിവില കിലോയ്ക്ക് 700 രൂപ വർധിച്ച് 64,300 രൂപയായി. മുംബൈ, കൊൽക്കത്ത, ഹൈദരാബാദ് എന്നിവിടങ്ങളിൽ 24 കാരറ്റ്, 22 കാരറ്റ് സ്വർണവില യഥാക്രമം 53,7300 രൂപയും 49,250 രൂപയുമാണ്. ഡൽഹിയിൽ വില 53,900 രൂപയും 49,400 രൂപയിലുമാണ് വ്യാപാരം നടക്കുന്നത്. ചെന്നൈയിൽ വില 54,760 രൂപയും 50,200 രൂപയുമാണ്.

    ഡിസംബർ മാസത്തെ സംസ്ഥാനത്തെ സ്വർണവില (പവന്)

    ഡിസംബർ 1- 39,000 രൂപ
    ഡിസംബർ 2- 39,400 രൂപ
    ഡിസംബർ 3- 39,560 രൂപ

    Also Read- ഗൂഗിള്‍ ഡൂഡിലില്‍ ജെറാള്‍ഡ് ജെറി ലോവ്‌സൺ; ആധുനിക വീഡിയോ ഗെയിമിന്റെ പിതാവിന് 82-ാം ജന്മവാര്‍ഷികത്തില്‍ ആദരം

    ഏറ്റവും സുരക്ഷിതമായ നിക്ഷേപ മാർഗങ്ങളിൽ ഒന്നായാണ് സ്വര്‍ണം കരുതപ്പെടുന്നത്. കാലം കൂടുന്തോറും മൂല്യം കൂടുമെന്നതിനാല്‍ സ്വര്‍ണത്തില്‍ പണം നിക്ഷേപിക്കാന്‍ ആളുകള്‍ എല്ലാ കാലത്തും താത്പര്യം കാണിച്ചിട്ടുണ്ട്. വേള്‍ഡ് ഗോള്‍ഡ് കൗണ്‍സില്‍ പുറത്തുവിട്ട കണക്കുകളനുസരിച്ച് ലോകത്ത് ഏറ്റവും സ്വര്‍ണം ഉപയോഗിക്കുന്നത് ഇന്ത്യയിലാണ്. നിക്ഷേപകര്‍ക്ക് ഇ ഗോള്‍ഡ്, ഗോള്‍ഡ് ഇ ടി എഫ് തുടങ്ങിയ സൗകര്യങ്ങള്‍ വന്നുവെങ്കിലും ഇപ്പോഴും സ്വര്‍ണം നേരിട്ടു വാങ്ങുന്ന പ്രവണതയ്ക്ക് യാതൊരു കുറവും വന്നിട്ടില്ലെന്നാണ് കണക്കുകള്‍ വ്യക്തമാക്കുന്നത്.

    Published by:Rajesh V
    First published: