Gold Price| മൂന്നുദിവസത്തിന് ശേഷം സ്വർണവില കൂടി; ഇന്നത്തെ നിരക്കുകൾ അറിയാം

കൊച്ചി: സംസ്ഥാനത്ത് മൂന്ന് ദിവസത്തിനുശേഷം സ്വർണവില (Gold price in kerala) വർധിച്ചു. ഗ്രാമിന് 20 രൂപയും പവന് 160 രൂപയുമാണ് വർധിച്ചത്. ഒരു പവൻ സ്വർണത്തിന് 36,080 രൂപയും ഗ്രാമിന് 4510 രൂപയുമാണ് ഇന്നത്തെ നിരക്ക്. കഴിഞ്ഞ മൂന്നു ദിവസമായി ഒരു പവന് 35,920 രൂപയായിരുന്നു സ്വർണ വില.

ദേശീയതലത്തിൽ 10 ഗ്രാം 24 കാരറ്റ് സ്വർണത്തിന് ഇന്ന് 48,980 രൂപയാണ്. ഇന്നലത്തെ വിലയിൽ കാര്യമായ മാറ്റമില്ല. എന്നാൽ വെള്ളിവില കിലോയ്ക്ക് 500 രൂപ കുറഞ്ഞ് 61,500 രൂപയായി. സംസ്ഥാന നികുതി, മേക്കിംഗ് ചാർജുകൾ, എക്സൈസ് തീരുവ തുടങ്ങിയ ഘടകങ്ങൾ കാരണം വിവിധ നഗരങ്ങളിൽ സ്വർണ വില വ്യത്യാസപ്പെട്ടിരിക്കുന്നു.

Also Read- Kerala State Lotteries | സംസ്ഥാനത്ത് ലോട്ടറി വില വര്‍ധിപ്പിച്ചേക്കും; സാധ്യതകള്‍ ഇങ്ങനെ

ഗുഡ് റിട്ടേൺസ് വെബ്‌സൈറ്റ് പ്രകാരം ന്യൂഡൽഹി, കൊൽക്കത്ത, മുംബൈ എന്നിവിടങ്ങളിൽ 10 ഗ്രാം 22 കാരറ്റ് സ്വർണത്തിന് 44,900 രൂപയാണ് വില. അതേസമയം ചെന്നൈയിൽ 22 കാരറ്റ് സ്വർണത്തിന് 45,140 രൂപയ്ക്കാണ് വ്യാപാരം നടക്കുന്നത്. ന്യൂഡൽഹി, കൊൽക്കത്ത, മുംബൈ എന്നിവിടങ്ങളിൽ ഡിമാൻഡുള്ള 24 കാരറ്റ് സ്വർണം നിലവിൽ 10 ഗ്രാമിന് 48,980 രൂപയിലാണ് വ്യാപാരം നടക്കുന്നത്. അതുപോലെ, ചെന്നൈയിൽ, അതേ അളവിലുള്ള 24 കാരറ്റ് സ്വർണത്തിന് ഇന്ന് 49,240 രൂപയാണ്.

ലോകത്തെ മുഴുവൻ ആശങ്കയിലാക്കിയ ആഗോള സാമ്പത്തിക മാന്ദ്യത്തിന് ശേഷം സ്വർണത്തിന്റെ മൂല്യം വർധിച്ച് വരികയാണ്. 2007 ൽ 10,000 രൂപ പവന് വിലയുണ്ടായിന്ന സ്വർണത്തിന് ഇന്ന് 35,000ത്തിന് മുകളിലാണ് വില. സ്വർണവിലയുടെ ഈ വളർച്ച തന്നെയാണ് ഇത്തരത്തിൽ നിക്ഷേപത്തിന് പ്രിയപ്പെട്ടതാക്കുന്നത്.

അതേസമയം, വില ഇടിവ് താൽക്കാലികമാണെന്നും 2022ൽ സ്വർണവില പുതിയ ഉയരത്തിൽ എത്തുമെന്നുമാണ് ഈ രംഗത്തെ വിദഗ്ധർ ചൂണ്ടിക്കാണിക്കുന്നത്. ഈ വർഷം അന്താരാഷ്ട്ര തലത്തിൽ സ്വർണവില ട്രോയ് ഔൺസിന് 2,100 ഡോളർ വരെ എത്തിയേക്കാമെന്നാണ് റിപ്പോർട്ടുകൾ.

ജനുവരി മാസത്തിലെ സംസ്ഥാനത്തെ സ്വർണവില പവന്-

ജനുവരി 1 - 36,360
ജനുവരി 2 - 36,360
ജനുവരി 3- 36200
ജനുവരി 4- 35920
ജനുവരി 5- 36120
ജനുവരി 6- 35960
ജനുവരി 7- 35680
ജനുവരി 8- 35680
ജനുവരി 9- 35680
ജനുവരി 10- 35,600 (ഏറ്റവും താഴ്ന്ന വില)
ജനുവരി 11- 35760
ജനുവരി 12- 35840
ജനുവരി 13- 36000
ജനുവരി 14- 36000
ജനുവരി 15- 36,000
ജനുവരി 16- 36,000
ജനുവരി 17- 36,000
ജനുവരി 18- 36,000
ജനുവരി 19- 36,080
ജനുവരി 20- 36,440
ജനുവരി 21- 36,520
ജനുവരി 22 - 36,400
ജനുവരി 23 - 36,400
ജനുവരി 24- 36,400
ജനുവരി 25- 36,600
ജനുവരി 26- 36,720 (ഏറ്റവും ഉയർന്ന വില)
ജനുവരി 27- 36,400
ജനുവരി 28- 36,120
ജനുവരി 29- 36,000
ജനുവരി 30- 36,000
ജനുവരി 31- 35,920

ഫെബ്രുവരി മാസത്തിലെ സംസ്ഥാനത്തെ സ്വർണവില പവന്-

ഫെബ്രുവരി 1- 35,920
ഫെബ്രുവരി 2- 35,920
ഫെബ്രുവരി 3- 36,080

Also Read- Network18 exclusive | 'തെരഞ്ഞെടുപ്പുകൾ വരും പോകും; ഈ ഘട്ടത്തിൽ സമ്പദ് വ്യവസ്ഥയ്ക്ക് വേണ്ടത് ശക്തമായ പിന്തുണ': ധനമന്ത്രി നിർമല സീതാരാമൻ

വില ഉയർന്നാലും താഴ്ന്നാലും സുരക്ഷിത നിക്ഷേപമായാണ് സ്വർണത്തെ ജനങ്ങൾ കാണുന്നത്. നിക്ഷേപ മൂല്യം എന്നതിലുപരി സ്വർണത്തെ ആഭരണങ്ങളായും നാണയങ്ങളായും കൈവശം വെയ്ക്കാനാണ് ആളുകൾ താത്പര്യപ്പെടുന്നത്. സ്വർണത്തിന്റെ രാജ്യാന്തര വില, ഡോളർ - രൂപ വിനിമയ നിരക്ക്, ഇറക്കുമതി തീരുവ എന്നിവ അടിസ്ഥാനമാക്കിയാണ് സംസ്ഥാനത്ത് സ്വർണ വില നിർണയിക്കപ്പെടുന്നത്.