നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • money
    • »
    • Gold Price Today | സ്വർണവിലയിൽ നേരിയ കുറവ്; ഇന്നത്തെ നിരക്ക് അറിയാം

    Gold Price Today | സ്വർണവിലയിൽ നേരിയ കുറവ്; ഇന്നത്തെ നിരക്ക് അറിയാം

    ഈ മാസം ഒന്നിന് 35200 രൂപയായിരുന്നു ഒരു പവൻ സ്വർണത്തിന് വില. തുടർന്നുള്ള ദിവസങ്ങളിൽ സ്വർണവില ക്രമാനുഗതമായി വർദ്ധിക്കുകയായിരുന്നു.

    Gold Price

    Gold Price

    • Share this:
      കൊച്ചി: സംസ്ഥാനത്ത് സ്വർണവിലയിൽ നേരിയ കുറവ്. മൂന്നു ദിവസമായി സ്വർണവില ഒരേ നിരക്കിൽ തുടർന്ന ശേഷമാണ് ഇന്ന് നേരിയ കുറവ് രേഖപ്പെടുത്തിയത്. ഒരു പവൻ സ്വർണത്തിന് 80 രൂപ കുറഞ്ഞ് 35,720 രൂപ ആയപ്പോൾ ഗ്രാമിന് 10 രൂപ കുറഞ്ഞ് 4465 രൂപയിലുമാണ് ഇന്ന് വ്യാപാരം നടക്കുന്നത്. ഈ മാസം ഒന്നിന് 35200 രൂപയായിരുന്നു ഒരു പവൻ സ്വർണത്തിന് വില. തുടർന്നുള്ള ദിവസങ്ങളിൽ സ്വർണവില ക്രമാനുഗതമായി വർദ്ധിക്കുകയായിരുന്നു. ജൂലൈ ഒമ്പതിന് സ്വർണവില 35800 രൂപയിൽ എത്തുകയായിരുന്നു.

      സംസ്ഥാനത്ത് കഴിഞ്ഞ 12 ദിവസങ്ങളിലെ സ്വർണവില ചുവടെ(വില പവൻ)

      ജുലൈ 1 - 35,200
      ജുലൈ 2 - 35360
      ജുലൈ 3- 35,440
      ജുലൈ 4- 35,440
      ജുലൈ 5- 35,440
      ജുലൈ 6- 35,520
      ജുലൈ 7- 35,720
      ജുലൈ 8- 35,720
      ജുലൈ 9- 35,800
      ജുലൈ 10- 35,800
      ജുലൈ 11- 35,800
      ജൂലൈ 12- 35720

      സ്വർണ്ണത്തോടുള്ള മലയാളികൾക്കുള്ള ഭ്രമം ഏറെ പ്രസിദ്ധമാണ്. അടുത്തിടെ നടന്ന ഒരു ദേശീയ സാമ്പിൾ സർവേയിൽ ഒരു ശരാശരി മലയാളി ഇന്ത്യയിലെ മറ്റ് സംസ്ഥാനങ്ങളിൽ നിന്നുള്ളവരെ അപേക്ഷിച്ച് നാലിരട്ടി സ്വർണത്തിനായി ചെലവഴിക്കുന്നതായി കണ്ടെത്തി. വിവാഹങ്ങളിൽ ഏറ്റവും കൂടുതൽ സ്വർണ ആഭരണങ്ങൾ കേരളത്തിലെ സ്ത്രീകളാണ്. ശരാശരി 40 പവൻ സ്വർണം വരെ വിവാഹചടങ്ങുകളിൽ മലയാളിയായ വധു ധരിക്കുന്നുണ്ട്.

      Also Read- ഇന്ത്യയിൽ മഹീന്ദ്ര ഥാറിന്റെ വില കുത്തനെ ഉയർത്തി; 2021ൽ ഇത് മൂന്നാമത്തെ വില വർദ്ധനവ്

      കേരളത്തിന്റെ സ്വർണ്ണ, സ്വർണാഭരണ വ്യാപാരത്തിന്റെ കഥ 60കളിൽ തുടങ്ങിയതാണ്. പതിനാറാം നൂറ്റാണ്ട് വരെ അറബികളുമായുള്ള അനൌദ്യോഗിക വാണിജ്യ പാത നിലനിന്നിരുന്നുവെങ്കിലും അതുവരെ സ്വർണ്ണ വ്യാപാരവുമായി ബന്ധപ്പെട്ടിരുന്നില്ല. തുറമുഖ നഗരമായ കൊടുങ്ങല്ലൂർ വഴി സുഗന്ധവ്യഞ്ജനങ്ങൾക്കായി സ്വർണം വേഗത്തിൽ കൈമാറ്റം ചെയ്തു. ഈ കരാർ ലോകത്തിന് മസാലയും കേരളീയർക്ക് സ്വർണ്ണവും ലഭ്യമാക്കി. ഇന്ത്യയുടെ ഗോൾഡ് ക്യാപിറ്റലും കേരളത്തിലെ ജ്വല്ലറി ഉൽപാദനത്തിന്റെ പ്രഭവകേന്ദ്രവും തൃശൂർ ആണ്. ഇവിടെ പ്രതിവർഷം 800 കിലോയിലേറെ സ്വർണാഭരണങ്ങൾ നിർമ്മിക്കുകയും വിൽക്കുകയും ചെയ്യുന്നു. 2020ൽ കോവിഡ് വ്യാപനം കാരണം ഈ കണക്ക് കുറഞ്ഞുവെങ്കിലും തൃശൂരിൽ മാത്രം 45,000 ത്തോളം കരകൌശലത്തൊഴിലാളികൾ ജോലി ചെയ്യുന്ന മൂവായിരത്തിലധികം നിർമാണ യൂണിറ്റുകളുണ്ട്. കോവിഡ് പ്രതിസന്ധിയിലാണെങ്കിലും ഈ മേഖല അതിവേഗം കരകയറുമെന്നാണ് വിപണിയിലെ വിദഗ്ദ്ധർ പറയുന്നത്. സംസ്ഥാനത്ത് 70 ശതമാനം സ്വർണ്ണാഭരണങ്ങൾ ഉത്പാദിപ്പിക്കുന്നത് തൃശൂരിലാണ്. നഗരം സ്വർണ്ണത്തിനും ഡയമണ്ട് മിനുക്കുപണികൾക്കും പേരുകേട്ടതാണ് (സമീപകാലത്ത് ബിസിനസുകൾ ബുദ്ധിമുട്ടുകൾ കാരണം അഹമ്മദാബാദ്, സൂററ്റ്, മുംബൈ എന്നിവിടങ്ങളിലേക്ക് മാറിയിട്ടുണ്ട്).

      കേരളത്തിലേക്ക് ഏകദേശം 6,000 ജ്വല്ലറി ഷോപ്പുകളിലായി പ്രതിവർഷം 100 ടൺ സ്വർണം ആവശ്യമുണ്ട്. തൃശൂരിന് മാത്രമല്ല, കോഴിക്കോട് നിന്ന് 20 കിലോമീറ്റർ അകലെയുള്ള കൊടുവള്ളി എന്ന സ്ഥലത്തിനും സ്വർണത്തെ കുറിച്ച് നിരവധി കാര്യങ്ങൾ പറയാനുണ്ട്. കൊടുവള്ളിയിലെ ഒരു കിലോമീറ്റർ നീളമുള്ള റോഡിന് ഇരുവശത്തും നിരവധി ജ്വല്ലറികൾ ഉണ്ട്. കേരളത്തിലെ ഏറ്റവും തിരക്കേറിയ അലങ്കാര ആഭരണ ഷോപ്പിങ് കേന്ദ്രങ്ങൾ ഇവിടെ പ്രവർത്തിക്കുന്നു. എന്നാൽ ഏറ്റവും പുതിയ സ്വർണക്കടത്തിന്‍റെ വാർത്തകൾ കൊടുവള്ളിയ്ക്ക് സ്വർണ കരിഞ്ചന്തയെന്ന വിശേഷണവും ചാർത്തി നൽകുന്നതാണ്.
      Published by:Anuraj GR
      First published:
      )}