• HOME
  • »
  • NEWS
  • »
  • money
  • »
  • Gold Price | സ്വര്‍ണവിലയില്‍ ചാഞ്ചാട്ടം തുടരുന്നു; ഇന്ന് വിലകൂടി, ഒരു പവന്‍ സ്വര്‍ണത്തിന്‍റെ ഇന്നത്തെ വില അറിയാം

Gold Price | സ്വര്‍ണവിലയില്‍ ചാഞ്ചാട്ടം തുടരുന്നു; ഇന്ന് വിലകൂടി, ഒരു പവന്‍ സ്വര്‍ണത്തിന്‍റെ ഇന്നത്തെ വില അറിയാം

ഈ മാസത്തെ ഏറ്റവും ഉയര്‍ന്ന നിരക്കിലാണ് ഇന്നത്തെ സ്വര്‍ണവിപണി

  • Share this:
    സംസ്ഥാനത്ത് സ്വർണവിലയിൽ (Gold Price in Kerala) ചാഞ്ചാട്ടം തുടരുന്നു. പവന് 480 രൂപയും ഗ്രാമിന് 60 രൂപയുമാണ് ഇന്ന് വര്‍ധിച്ചത്. തുടരെ രണ്ട് ദിവസം വർധിച്ച സ്വർണവില ഇന്നലെ വീണ്ടും കുറഞ്ഞിരുന്നു. ഒരു പവന്‍ സ്വര്‍ണത്തിന് 38,680 രൂപയും ഗ്രാമിന് 4835 രൂപയുമാണ് ഇന്നത്തെ വില. ഈ മാസത്തെ ഏറ്റവും ഉയര്‍ന്ന നിരക്കിലാണ് ഇന്നത്തെ സ്വര്‍ണവിപണി.

    ഒരു ഗ്രാം സ്വർണത്തിന് 4775 രൂപയും പവന് 38,200 രൂപയുമായിരുന്നു ഇന്നലത്തെ വില. മാസാരംഭമായ ജൂണ്‍ ഒന്നിന് 38000 രൂപയില്‍ നിന്ന് ആരംഭിച്ച സ്വര്‍ണവിലയില്‍ കഴിഞ്ഞ ദിവസങ്ങളില്‍ ചാഞ്ചാട്ടം പ്രകടമായിരുന്നു.



















































    DatePrice of 1 Pavan Gold (Rs.)
    1-Jun-22Rs. 38,000 (ഈ മാസത്തെ ഏറ്റവും കുറഞ്ഞ നിരക്ക്)
    2-Jun-2238080
    3-Jun-2238480
    4-Jun-2238200
    5-Jun-2238200
    6-Jun-2238280
    7-Jun-2238080
    8-Jun-2238160
    9-Jun-2238360
    10-Jun-22
    Yesterday »
    38200
    11-Jun-22
    Today »
    Rs. 38,680 (ഈ മാസത്തെ ഏറ്റവും ഉയര്‍ന്ന നിരക്ക്)

    ക്രൂഡോയിൽ വില ദശാബ്ദത്തിലെ പുതിയ ഉയരത്തിൽ; രാജ്യത്തെ ഇന്ധനവില അറിയാം


    ന്യൂഡൽഹി: ജൂൺ 11 ശനിയാഴ്ച പെട്രോൾ, ഡീസല്‍ വില ഇന്ത്യയിലുടനീളം മാറ്റമില്ലാതെ തുടരുന്നു. അതേസമയം ഇന്ത്യ വാങ്ങുന്ന അസംസ്‌കൃത എണ്ണയുടെ വില ബാരലിന് 121 ഡോളർ എന്ന ദശാബ്ദത്തിലെ ഏറ്റവും ഉയർന്ന നിലയിലാണ്. കഴിഞ്ഞ മാസം ആദ്യം പെട്രോളിന്റെ എക്‌സൈസ് തീരുവ ലിറ്ററിന് 8 രൂപയും ഡീസലിന് 6 രൂപയും കുറച്ചതായി ധനമന്ത്രി നിർമ്മല സീതാരാമൻ പ്രഖ്യാപിച്ചതിന് ശേഷം ഏകദേശം മൂന്നാഴ്ചയായി പെട്രോൾ വിലയും ഡീസൽ വിലയും മാറ്റമില്ലാതെ തുടരുകയാണ്.

    ഡൽഹിയിൽ പെട്രോൾ വില ലിറ്ററിന് 96.72 രൂപയും മുംബൈയിൽ 111.35 രൂപയുമാണ്, ഡൽഹിയിൽ ഡീസൽ ലിറ്ററിന് 89.62 രൂപയും മുംബൈയിൽ 97.28 രൂപയുമാണ്. അതേസമയം, നികുതി വെട്ടിക്കുറച്ചതിന് ശേഷം കൊൽക്കത്തയിൽ പെട്രോൾ വില 106.03 രൂപയായപ്പോൾ നഗരത്തിൽ ഡീസൽ വില ലിറ്ററിന് 92.76 രൂപയായി. രാജ്യത്തെ മറ്റിടങ്ങളിൽ പെട്രോൾ ലിറ്ററിന് 102.63 രൂപയും ഡീസലിന് 94.24 രൂപയുമാണ്.

    മെയ് 21 ന് നിർമ്മല സീതാരാമൻ പെട്രോളിന്റെ എക്സൈസ് തീരുവ ലിറ്ററിന് 8 ഉം ഡീസലിന് 6 രൂപയും കുറച്ചതായി പ്രഖ്യാപിച്ചു. സർക്കാർ തീരുമാനത്തെ തുടർന്ന് രാജ്യതലസ്ഥാനത്ത് പെട്രോൾ വില ലിറ്ററിന് 8.69 രൂപയും ഡീസലിന് 7.05 രൂപയും കുറച്ചിരുന്നു. എക്സൈസ് തീരുവ വെട്ടിക്കുറച്ചതിന് പിന്നാലെ ഇന്ധന വിലയിൽ നിന്ന് ലഭിക്കുന്ന വാറ്റ് വെട്ടിക്കുറച്ചതായി മറ്റ് പല സംസ്ഥാനങ്ങളും പ്രഖ്യാപിച്ചു.

    എക്‌സൈസ് തീരുവ വെട്ടിക്കുറച്ചതിന് ശേഷം മെയ് 22 മുതൽ പെട്രോൾ, ഡീസൽ വില മാറ്റമില്ലാതെ തുടരുകയാണ്. എണ്ണ മന്ത്രാലയത്തിന്റെ പെട്രോളിയം പ്ലാനിംഗ് ആൻഡ് അനാലിസിസ് സെല്ലിൽ (പിപിഎസി) ലഭ്യമായ കണക്കുകൾ പ്രകാരം ജൂൺ 9 ന് ഇന്ത്യൻ ക്രൂഡ് ഓയിൽ ബാസ്‌ക്കറ്റ് വില 121.28 ഡോളറിലെത്തി. അന്താരാഷ്ട്ര എണ്ണവില വ്യാഴാഴ്ച 13 ആഴ്‌ചയിലെ ഉയർന്ന നിലവാരത്തിനടുത്തായിരുന്നുവെങ്കിലും പിറ്റേന്ന് നേരിയ തോതിൽ കുറഞ്ഞു.

    ഇന്ത്യയിലെ ഇന്ധന വില അന്താരാഷ്ട്ര ക്രൂഡ് ഓയിൽ വില, രൂപ-ഡോളർ വിനിമയ നിരക്ക് എന്നിവയെ ആശ്രയിച്ചിരിക്കുന്നു. ഇതിനുപുറമെ, പെട്രോളിനും ഡീസലിനും എക്സൈസ് തീരുവയും മൂല്യവർദ്ധിത നികുതിയും (വാറ്റ്) ഉൾപ്പെടെ വിവിധ നികുതികൾ കേന്ദ്ര സർക്കാരും സംസ്ഥാനങ്ങളും ഈടാക്കുന്നു. ഡീലർ എടുക്കുന്ന കമ്മീഷനും ചരക്ക് ചാർജും ഇന്ധനവിലയിൽ ഉൾപ്പെടുന്നു.

    പ്രധാന നഗരങ്ങളിലെ ഇന്നത്തെ പെട്രോൾ, ഡീസൽ വിലകൾ:

    ഡൽഹി

    പെട്രോൾ ലിറ്ററിന് 96.72 രൂപ

    ഡീസൽ ലിറ്ററിന് 89.62 രൂപ

    മുംബൈ

    പെട്രോൾ ലിറ്ററിന് 111.35 രൂപ

    ഡീസൽ ലിറ്ററിന് 97.28 രൂപ

    കൊൽക്കത്ത

    പെട്രോൾ ലിറ്ററിന് 106.03 രൂപ

    ഡീസൽ ലിറ്ററിന് 92.76 രൂപ

    ചെന്നൈ

    പെട്രോൾ ലിറ്ററിന് 102.63 രൂപ

    ഡീസൽ ലിറ്ററിന് 94.24 രൂപ

    ഭോപ്പാൽ

    പെട്രോൾ ലിറ്ററിന് 108.65 രൂപ

    ഡീസൽ ലിറ്ററിന് 93.90 രൂപ

    ഹൈദരാബാദ്

    പെട്രോൾ ലിറ്ററിന് 109.66 രൂപ

    ഡീസൽ ലിറ്ററിന് 97.82 രൂപ

    ബെംഗളൂരു

    പെട്രോൾ ലിറ്ററിന് 101.94 രൂപ

    ഡീസൽ ലിറ്ററിന് 87.89 രൂപ

    ഗുവാഹത്തി

    പെട്രോൾ ലിറ്ററിന് 96.01 രൂപ

    ഡീസൽ ലിറ്ററിന് 83.94 രൂപ

    ലഖ്‌നൗ

    പെട്രോൾ ലിറ്ററിന് 96.57 രൂപ

    ഡീസൽ ലിറ്ററിന് 89.76 രൂപ

    ഗാന്ധിനഗർ

    പെട്രോൾ ലിറ്ററിന് 96.63 രൂപ

    ഡീസൽ ലിറ്ററിന് 92.38 രൂപ

    തിരുവനന്തപുരം

    പെട്രോൾ ലിറ്ററിന് 107.71 രൂപ

    ഡീസൽ: ലിറ്ററിന് 96.52 രൂപ.
    Published by:Arun krishna
    First published: