Home Loan | ഭവനവായ്പ എടുക്കണോ? ഇതാ ഏഴ് ശതമാനത്തിൽ താഴെ പലിശനിരക്കിൽ വായ്പ നൽകുന്ന ബാങ്കുകൾ

കോവിഡ് മഹാമാരി ഏൽപിച്ച ആഘാതത്തിനു പിന്നാലെ പലിശ നിരക്ക് കുറച്ചിരിക്കുകയാണ് റിസർവ് ബാങ്ക് ഓഫ് ഇന്ത്യ (The Reserve Bank of India (RBI) . ഇതേത്തുടർന്ന് ഭവനവായ്പയുടെ (Home Loan) പലിശനിരക്ക് എക്കാലത്തെയും താഴ്ന്ന നിലയിലേക്ക് എത്തി. ബാങ്കുകളും ധനകാര്യ കമ്പനികളും കുറഞ്ഞ പലിശയ്ക്ക് ഭവനവായ്പ ലഭ്യമാക്കുന്നുണ്ട്. ഭവന വായ്പക്കുള്ള പലിശ നിരക്ക് 7 ശതമാനത്തിൽ താഴെയാകുമെന്നാണ് പ്രതീക്ഷിക്കുന്നത്. അടുത്തിടെ ആർബിഐ റിപ്പോ നിരക്ക് 40 ബേസിസ് പോയിന്റ് ഉയർത്തിയെങ്കിലും ചില ബാങ്കുകൾ ഇപ്പോഴും 7 ശതമാനത്തിൽ താഴെ പലിശനിരക്കിലാണ് ഭവനവായ്പ നൽകുന്നത്. പുതിയ വീടോ ഫ്ലാറ്റോ വാങ്ങാനോ നിലവിലുള്ള വീട് നന്നാക്കാനോ ഹോം ലോൺ ബാലൻസ് ട്രാൻസ്ഫർ ചെയ്യാനോ ആഗ്രഹിക്കുന്നവർക്ക് ഇതൊരു മികച്ച അവസരമാണ്.

ഇതു കൂടാതെ ചില ബാങ്കുകൾ പ്രോസസിങ്ങ് ഫീസിലും ഇളവ് പ്രഖ്യാപിച്ചിട്ടുണ്ട്. ചിലർ ഈ ഫീസ് ഈടാക്കുന്നുമില്ല. നിലവിൽ 7% ൽ താഴെ പലിശനിരക്കിൽ ഭവനവായ്പ വാഗ്‌ദാനം ചെയ്യുന്ന ബാങ്കുകളുടെയും ഹൗസിംഗ് ഫിനാൻസ് കമ്പനികളുടെയും വിശദാംശങ്ങൾ അറിയാം.

യൂക്കോ ബാങ്ക് (UCO Bank) - 6.5 %
സ്റ്റേറ്റ് ബാങ്ക് ഓഫ് ഇന്ത്യ (State Bank of India) - 6.65%
ബജാജ് ഫിൻസേർവ് (Bajaj Finserv)- 6.70 %
എച്ച്‍ഡിഎഫ്സി ബാങ്ക് (HDFC Bank )- 6.75 %
ഐഡിബിഐ ബാങ്ക് (IDBI Bank) - 6.75 %
പിഎൻബി ഹൗസിംഗ് (PNB Housing) - 6.75 %
ബാങ്ക് ഓഫ് മഹാരാഷ്ട്ര (Bank of Maharashtra) - 6.80 %
സെൻട്രൽ ബാങ്ക് (Central Bank) - 6.85 %
ബാങ്ക് ഓഫ് ബറോഡ (Bank of Baroda)- 6.90 %
ബാങ്ക് ഓഫ് ഇന്ത്യ (Bank of India) - 6.90 %
ഇന്ത്യൻ ബാങ്ക് (Indian Bank) - 6.90 %
പഞ്ചാബ് ആൻഡ് സിന്ദ് ബാങ്ക് P9unjab and Sind Bank)- 6.90 %
യൂണിയൻ ബാങ്ക് ഓഫ് ഇന്ത്യ ( Union Bank of India) - 6.90 %
എൽഐസി ഹൗസിംഗ് ഫിനാൻസ് ലിമിറ്റഡ് ( LIC Housing Finance Limited) - 6.90 %
പഞ്ചാബ് നാഷണൽ ബാങ്ക് (Punjab National Bank) 6.95 %
ആക്സിസ് ബാങ്ക് ( Axis Bank) - 7 %
എച്ച്ഡിഎഫ്സി ലിമിറ്റഡ് (HDFC Ltd) - 7 %
കൊട്ടക് മഹീന്ദ്ര ബാങ്ക് (Kotak Mahindra Bank) - 7 %

Also Read- Mutual Fund | മ്യൂച്വൽ ഫണ്ടിൽ നിക്ഷേപം നടത്തിയിട്ടുള്ളവർ ചെയ്യേണ്ടത് എന്ത്? അറിയേണ്ടതെല്ലാം

2022 മെയ് 13 വരെ ബാങ്ക് വെബ്‌സൈറ്റുകളിൽ ലഭ്യമായ വിവരങ്ങൾ ശേഖരിച്ച് ബാങ്ക് ബസാർ. കോം (BankBazaar.com) നടത്തിയ വിവരശേഖരണത്തിലാണ് ഈ വിവരങ്ങൾ കണ്ടെത്തിയത്. ലോണിന്റെ കാലാവധിയും ക്രെഡിറ്റ് സ്‌കോറും അനുസരിച്ച് പലിശ നിരക്കുകൾ വ്യത്യാസപ്പെടും. ഭവന വായ്പയ്ക്ക് അപേക്ഷിക്കാൻ ആഗ്രഹിക്കുന്നവർ എല്ലാ നിബന്ധനകളും വ്യവസ്ഥകളും അറിഞ്ഞിരിക്കണം. കൂടുതൽ വിവരങ്ങൾക്ക് ബാങ്കുമായി ബന്ധപ്പെടാവുന്നതാണ്.