• HOME
  • »
  • NEWS
  • »
  • money
  • »
  • LIC സേവനങ്ങള്‍ ഇനി വാട്‌സ്ആപ്പിലൂടെ; ആക്ടിവേറ്റ് ചെയ്യേണ്ടതെങ്ങനെ?

LIC സേവനങ്ങള്‍ ഇനി വാട്‌സ്ആപ്പിലൂടെ; ആക്ടിവേറ്റ് ചെയ്യേണ്ടതെങ്ങനെ?

എല്‍ഐസി നല്‍കുന്ന വാട്‌സ്ആപ്പ് സേവനങ്ങള്‍ ഏതെല്ലാമെന്ന് നോക്കാം

  • Share this:

    ലൈഫ് ഇന്‍ഷുറന്‍സ് കോര്‍പ്പറേഷന്‍ ഓഫ് ഇന്ത്യ(എല്‍ഐസി) പോളിസി ഉടമകള്‍ക്കായി വാട്‌സ്ആപ്പ് സേവനങ്ങള്‍ അവതരിപ്പിച്ചു. 8976862090 എന്ന മൊബൈല്‍ നമ്പറിലേക്ക് ഹായ് എന്ന് സന്ദേശമയച്ചാല്‍, എല്‍ഐസി പോര്‍ട്ടലില്‍ പോളിസികള്‍ രജിസ്റ്റര്‍ ചെയ്ത പോളിസി ഉടമകള്‍ക്ക് അവരുടെ വീട്ടിലിരുന്ന് വാട്ട്സ്ആപ്പില്‍ ലിസ്റ്റ് ചെയ്ത സേവനങ്ങള്‍ ആക്സസ് ചെയ്യാന്‍ കഴിയും. എല്‍ഐസി നല്‍കുന്ന വാട്‌സ്ആപ്പ് സേവനങ്ങള്‍ ഏതെല്ലാമെന്ന് നോക്കാം.

    • പ്രീമിയം ഡ്യൂ
    • ബോണസ് വിവരങ്ങള്‍
    • പോളിസി സ്റ്റാറ്റസ്
    • ലോണ്‍ എലിജിബിലിറ്റി ക്വട്ടേഷന്‍
    • ലോണ്‍ റീപേയ്‌മെന്റ് ക്വട്ടേഷന്‍
    • ലോണ്‍ ഇന്ററസ്റ്റ് ഡ്യൂ
    • പ്രീമിയം പെയ്ഡ് സര്‍ട്ടിഫിക്കറ്റ്
    • യുഎല്‍ഐപി പോളിസികള്‍
    • എല്‍ഐസി സര്‍വീസസ് ലിങ്കുകള്‍
    •  ഓപ്ഷന്‍ ഇന്‍/ ഓപ്ഷന്‍ ഔട്ട് സേവനങ്ങള്‍
    • എന്‍ഡ് കോണ്‍വര്‍സേഷന്‍

    എല്‍ഐസി വാട്ട്സ്ആപ്പ് സേവനങ്ങള്‍ എങ്ങനെ ആക്ടിവേറ്റ് ചെയ്യാം?

    എല്‍ഐസി പോര്‍ട്ടലില്‍ പോളിസികള്‍ രജിസ്റ്റര്‍ ചെയ്തിട്ടുള്ള പോളിസി ഉടമകള്‍ക്ക് വാട്ട്സ്ആപ്പില്‍ ഈ സേവനങ്ങള്‍ പ്രയോജനപ്പെടുത്താന്‍ കഴിയുമെന്ന് എല്‍ഐസി പുറത്തിറക്കിയ പത്രക്കുറിപ്പില്‍ പറയുന്നു. പോളിസി ഉടമകളുടെ രജിസ്റ്റര്‍ ചെയ്ത മൊബൈല്‍ നമ്പറില്‍ നിന്ന് 8976862090 എന്ന നമ്പറിലേക്ക് ഹായ് എന്ന് സന്ദേശമയയ്ക്കണം. തുടര്‍ന്ന് പോളിസി ഹോള്‍ഡര്‍മാര്‍ക്ക് ആവശ്യമായ സേവനങ്ങള്‍ അതില്‍ നിന്ന് തെരഞ്ഞെടുക്കാവുന്നതാണ്.

    എല്‍ഐസി ഓണ്‍ലൈന്‍ സേവനങ്ങള്‍ക്കായി എങ്ങനെ രജിസ്റ്റര്‍ ചെയ്യാം?

    എല്‍ഐസി പോര്‍ട്ടലിലെ ഓണ്‍ലൈന്‍ സേവനങ്ങള്‍ക്ക് രജിസ്റ്റര്‍ ചെയ്യുന്നതിനായി പോളിസി ഉടമകളുടെ കൈവശം ചില രേഖകള്‍ ആവശ്യമാണ്. പോളിസി നമ്പര്‍, ഈ പോളിസികള്‍ക്കുള്ള ഇന്‍സ്റ്റാള്‍മെന്റ് പ്രീമിയങ്ങള്‍, ഒരു പാസ്പോര്‍ട്ടിന്റെയോ പാന്‍ കാര്‍ഡിന്റെയോ സ്‌കാന്‍ ചെയ്ത കോപ്പി ( 100 KBയില്‍ താഴെ വലുപ്പം) എന്നിവയാണവ.

    1. www.licindia.in എന്ന ലിങ്കില്‍ കയറി Customer portal എന്ന ഓപ്ഷന്‍ ക്ലിക്ക് ചെയ്യുക.
    2.  കസ്റ്റമര്‍ പോര്‍ട്ടലിനായി നിങ്ങള്‍ നേരത്തെ രജിസ്റ്റര്‍ ചെയ്തിട്ടില്ലെങ്കില്‍ New User എന്നതില്‍ ക്ലിക്ക് ചെയ്യുക.
    3.  നിങ്ങള്‍ നിങ്ങളുടെ യൂസര്‍ ഐഡിയും പാസ്വേഡും തിരഞ്ഞെടുത്ത് Submit ചെയ്യണം.
    4.  പുതുതായി ക്രിയേറ്റ് ചെയ്ത യൂസര്‍ ഐഡി ഉപയോഗിച്ച് ലോഗിന്‍ ചെയ്യുക, തുടര്‍ന്ന് Basic services എന്നതിന് കീഴിലുള്ള Add policy തിരഞ്ഞെടുക്കുക.
    5. നിങ്ങളുടെ എല്ലാ പോളിസികളും എന്റോള്‍ ചെയ്യുക. ഇവിടെ നിങ്ങളുടെ രജിസ്റ്റര്‍ ചെയ്ത പോളിസികള്‍ക്കെല്ലാം അടിസ്ഥാന സേവനങ്ങള്‍ ആക്‌സസ് ചെയ്യാന്‍ കഴിയും.
    6.  നിങ്ങള്‍ എല്‍ഐസി പോര്‍ട്ടലില്‍ രജിസ്റ്റര്‍ ചെയ്യുമ്പോള്‍ നിങ്ങളുടെ ജനന തീയതി, ഫോണ്‍ നമ്പര്‍, ഇമെയില്‍ വിലാസം തുടങ്ങിയ വിവരങ്ങള്‍ നല്‍കണം.

    Published by:Arun krishna
    First published: