• HOME
  • »
  • NEWS
  • »
  • money
  • »
  • EPFO E-nomination | ഇപിഎഫ്ഒ പോർട്ടൽ വഴി ഇ-നോമിനേഷൻ സമർപ്പിക്കേണ്ടത് എങ്ങനെ? പ്രയോജനങ്ങളേവ?

EPFO E-nomination | ഇപിഎഫ്ഒ പോർട്ടൽ വഴി ഇ-നോമിനേഷൻ സമർപ്പിക്കേണ്ടത് എങ്ങനെ? പ്രയോജനങ്ങളേവ?

ഒരു ഇപിഎഫ് അക്കൗണ്ട് ഉടമയുടെ കുടുംബത്തിന് ഫണ്ട് സുഗമമായി കൈമാറാനാകുന്നു എന്നുറപ്പാക്കാനാണ് എംപ്ലോയീസ് പ്രൊവിഡൻ്റ് ഫണ്ട് ഓർഗനൈസേഷൻ (ഇപിഎഫ്ഒ) ഇ-നോമിനേഷൻ ആരംഭിച്ചത്.

  • Share this:
ശമ്പളം ലഭിക്കുന്ന ജീവനക്കാരുടെ റിട്ടയർമെൻ്റ് ആനുകൂല്യം സ്വരൂപിക്കുന്ന, സർക്കാരിൻ്റെ സഹായത്തോടെ പ്രവർത്തിക്കുന്ന ഒരു സാമൂഹിക സുരക്ഷാ പദ്ധതിയാണ് എംപ്ലോയീസ് പ്രൊവിഡൻ്റ് ഫണ്ട്. ജീവനക്കാർ മരിക്കുന്ന സാഹചര്യത്തിൽ അവരുടെ നോമിനിക്കോ ആശ്രിതർക്കോ ഈ ഫണ്ട് പിൻവലിക്കാൻ കഴിയും.

ഒരു ഇപിഎഫ് അക്കൗണ്ട് ഉടമയുടെ കുടുംബത്തിന് ഫണ്ട് സുഗമമായി കൈമാറാനാകുന്നു എന്നുറപ്പാക്കാനാണ് എംപ്ലോയീസ് പ്രൊവിഡൻ്റ് ഫണ്ട് ഓർഗനൈസേഷൻ (ഇപിഎഫ്ഒ) ഇ-നോമിനേഷൻ ആരംഭിച്ചത്. ഇതനുസരിച്ച്, ഒരു അക്കൗണ്ട് ഉടമയ്ക്ക്, താൻ മരിച്ചാൽ തൻ്റെ അക്കൗണ്ടിലെ തുക കൈമാറാനായി കുടുംബാഗങ്ങളെ നോമിനേറ്റ് ചെയ്യാം. ഇതിനായി,  ജീവനക്കാരുടെ ഭാര്യയെയും പ്രായപൂർത്തിയാകാത്ത മക്കളെയും (സ്വന്തം കുട്ടികളോ ദത്തെടുത്ത കുട്ടികളോ)ഒരു ഇപിഎഫ് അംഗത്തിന്  നോമിനികളായി നിർദ്ദേശിക്കാം.

ഇപിഎഫ് അക്കൗണ്ടിലെ ഇ-നോമിനേഷൻ്റെ പ്രയോജനങ്ങൾ

അക്കൗണ്ട് ഉടമ മരിച്ചാൽ, യോഗ്യരായ നോമിനികൾക്ക് 7 ലക്ഷം രൂപ വരെയുള്ള പിഎഫ്, പെൻഷൻ, ഇൻഷുറൻസ് എന്നിവ സംബന്ധിച്ച ക്ലെയിം നേരിട്ടുള്ള പേപ്പർവർക്കുകളുടെ ആവശ്യമില്ലാതെ ഓൺലൈനായി സെറ്റിൽ ചെയ്യാൻ ഇപിഎഫ് അക്കൗണ്ടിലെ ഇ-നോമിനേഷൻ അനുവദിക്കുന്നു.

Also Read-RBI | റിപ്പോ നിരക്ക് ഉയർത്തി ആർബിഐ: ഭവനവായ്പയെ ബാധിക്കുന്നത് എങ്ങനെ?

ഇ-നോമിനേഷൻ ഉപയോഗിക്കുമ്പോൾ, തൊഴിലുടമ മുഖേന ജീവനക്കാർ നേരിട്ട് ഫോം സമർപ്പിക്കേണ്ടതില്ല, പകരം ഇപിഎഫ്ഒ യുഎഎൻ പോർട്ടൽ ഉപയോഗിച്ച് അവർക്ക് ഇത് ഓൺലൈനിൽ അപ്ഡേറ്റ് ചെയ്യാം. പ്രൊവിഡൻ്റ് ഫണ്ട്, പെൻഷൻ, ഇൻഷുറൻസ് ക്ലെയിമുകൾ ഓൺലൈനിൽ നടത്തണമെങ്കിൽ ഇ-നോമിനേഷൻ ആവശ്യമാണ്.

ഇപിഎഫ് ഇ-നോമിനേഷൻ എങ്ങനെ ഫയൽ ചെയ്യാം?

ഇനിപ്പറയുന്ന നടപടികളിലൂടെ, യൂണിവേഴ്സൽ അക്കൗണ്ട് നമ്പർ (യുഎഎൻ) ഉപയോഗിച്ച് ഇപിഎഫ്ഒയുടെ ഔദ്യോഗിക വെബ്സൈറ്റിലൂടെ ഇപിഎഫ് അക്കൗണ്ടിലേക്കുള്ള ഇ-നോമിനേഷൻ പൂർത്തിയാക്കാം:

  • ഘട്ടം 1: ഇപിഎഫ്ഒയുടെ ഔദ്യോഗിക വെബ്സൈറ്റിൽ ലോഗിൻ ചെയ്യുക അല്ലെങ്കിൽ epfindia.gov.in ൽ ക്ലിക്ക് ചെയ്യുക.

  • ഘട്ടം 2: ആദ്യം “സർവീസ്” എന്നതിൽ ക്ലിക്ക് ചെയ്ത് അടുത്തതായി “ഫോർ എംപ്ലോയീസ്” എന്നതിൽ ക്ലിക്ക് ചെയ്യുക.

  • ഘട്ടം 3: അടുത്തതായി ‘മെംബർ യുഎഎൻ/ഓൺലൈൻ സർവീസ് (ഒസിഎസ്/ഒടിപി)’ എന്നതിൽ ക്ലിക്ക് ചെയ്യുക.

  • ഘട്ടം 4: യുഎഎന്നും പാസ്‌വേഡും ഉപയോഗിച്ച് നിങ്ങളുടെ അക്കൗണ്ടിൽ ലോഗിൻ ചെയ്യുക.

  • ഘട്ടം 5: ‘മാനേജ് ടാബ്’ എന്നതിനു കീഴിൽ ‘ഇ-നോമിനേഷൻ’ ക്ലിക്ക് ചെയ്യുക.

  • ഘട്ടം 6: ഇപ്പോൾ നിങ്ങളുടെ സ്ക്രീനിൽ ‘പ്രൊവൈഡ് ഡീറ്റെയിൽസ്’ എന്ന ടാബ് പ്രത്യക്ഷപ്പെടും, ‘സേവ്’ ക്ലിക്ക് ചെയ്യുക.

  • ഘട്ടം 7: ഫാമിലി ഡിക്ലറേഷൻ അപ്ഡേറ്റ് ചെയ്യാൻ ‘യെസ്’ ക്ലിക്ക് ചെയ്യുക

  • ഘട്ടം 8: ‘ആഡ് ഫാമിലി ഡീറ്റെയിൽസ്’ ക്ലിക്ക് ചെയ്ത് ആവശ്യമായ വിവരങ്ങൾ പൂരിപ്പിക്കുക. നിങ്ങൾക്ക് ഒന്നിൽ കൂടുതൽ നോമിനിയെ ചേർക്കാനാകും.

  • ഘട്ടം 9: പങ്കിൻ്റെ ആകെ തുക നൽകാനായി ഇനി ‘നോമിനേഷൻ ഡീറ്റെയിൽസ്’ ക്ലിക്ക് ചെയ്യുക. അടുത്തതായി ‘സേവ് ഇപിഎഫ് നോമിനേഷൻ’ ക്ലിക്ക് ചെയ്യുക.

  • ഘട്ടം 10: ആധാറുമായി ലിങ്ക് ചെയ്ത നിങ്ങളുടെ മൊബൈലിൽ ഒടിപി ലഭിക്കാൻ ‘ഇ-സൈൻ’ തിരഞ്ഞെടുക്കുക.


നിങ്ങളുടെ ഇ-നോമിനേഷൻ ഇപിഎഫ് പോർട്ടലിൽ രജിസ്റ്റർ ചെയ്തുകഴിഞ്ഞാൽ, നിങ്ങൾ തൊഴിലുടമയ്‌ക്കോ മുൻ തൊഴിലുടമയ്‌ക്കോ രേഖകളൊന്നും അയയ്‌ക്കേണ്ടതില്ല.
Published by:Arun krishna
First published: