നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • money
    • »
    • രാജ്യത്ത് ഏറ്റവും കൂടുതല്‍ കടലാസ് കമ്പനികള്‍ കേരളത്തിലെന്ന് കേന്ദ്ര കോർപ്പറേറ്റ് അഫയേഴ്സ് മന്ത്രാലയം

    രാജ്യത്ത് ഏറ്റവും കൂടുതല്‍ കടലാസ് കമ്പനികള്‍ കേരളത്തിലെന്ന് കേന്ദ്ര കോർപ്പറേറ്റ് അഫയേഴ്സ് മന്ത്രാലയം

    കേരളത്തില്‍ മാത്രം  രണ്ടു വര്‍ഷമായി ഒരു പ്രവര്‍ത്തനവും ഇല്ലാത്ത 1395 കമ്പനികളാണ് ഉള്ളത്.

    • Share this:
      തിരുവനന്തപുരം: രാജ്യത്ത് ഏറ്റവും കൂടുതല്‍ കടലാസ് കമ്പനികള്‍-(Paper companies) ഉള്ളത് കേരളത്തിലെന്ന് കേന്ദ്ര കേന്ദ്ര കോര്‍പറേറ്റ് അഫയേഴ്‌സ് മന്ത്രാലയം(Ministry of Corporate Affairs) കമ്പനികളുടെ വിവരങ്ങല്‍ മന്ത്രാലയം പുറത്ത് വിട്ടിട്ടുണ്ട്.

      കേരളത്തില്‍ മാത്രം  രണ്ടു വര്‍ഷമായി ഒരു പ്രവര്‍ത്തനവും ഇല്ലാത്ത 1395 കമ്പനികളാണ് ഉള്ളത്. ഇത്തരം കമ്പനികളുടെ രജിസ്ട്രഷന്‍   റദ്ദാക്കണമെന്ന് ആവശ്യപ്പെട്ട് കേന്ദ്ര  കോര്‍പറേറ്റ് അഫയേഴ്‌സ് മന്ത്രാലയം കേരള- ലക്ഷദ്വീപ് രജിസ്ട്രാറിന് നോട്ടിസ് അയച്ചിട്ടുണ്ട്. നിലവില്‍ കൂടുതല്‍ കടലാസ് കമ്പനികളുള്ള സംസ്ഥാനങ്ങള്‍ക്കാണ് നോട്ടിസ് നല്‍കിയിരിക്കുന്നതെന്ന്  മാതൃഭുമി റിപ്പോര്‍ട്ട് ചെയ്യുന്നു.

      കേരളത്തിന് പിന്നില്‍ തമിഴ്‌നാട് എന്നാണ് ലഭിക്കുന്ന വിവരം. രണ്ടുവര്‍ഷമായി ഒരു പ്രവര്‍ത്തനവും നടത്താതെ ഇരിക്കുകയും രേഖകള്‍ സമര്‍പ്പിക്കാതിരിക്കുകയും ചെയ്ത 1395 കമ്പനികള്‍ക്ക് രജിസ്ട്രഷന്‍ റദ്ദാക്കാതിരിക്കാനുള്ള കാരണം ബോധിപ്പിക്കാന്‍ ഒരു മാസം അനുവധിച്ചിട്ടുണ്ട്.

      രാജ്യത്ത് ഒരു കമ്പനി രജിസ്റ്റര്‍ ചെയ്യുവാന്‍ നിലവിലെ നിയമം അനുസരിച്ച് 6,500 രൂപയും 2,000 രൂപ പ്രെഫഷണല്‍ നല്‍കണം. അതേ സമയം ഒരു കമ്പനി റദ്ദാക്കുന്നതിന് 10,000 രൂപയാണ് ഫീസ്. പേരിനുമാത്രം രജിസ്റ്റര്‍ ചെയ്യുകയും പ്രവര്‍ത്തിക്കാതിരിക്കുകയും ചെയ്യുന്ന കമ്പനികളാണ് കടലാസ് കമ്പനികള്‍.

      ആമസോണിന് 200 കോടി പിഴ; ഫ്യൂച്വർ കൂപ്പൺസുമായുള്ള 2019ലെ കരാർ CCI റദ്ദാക്കി

      അമേരിക്കൻ ഇ-കൊമേഴ്‌സ് ഭീമനായ ആമസോണിന് 200 കോടി രൂപയുടെ പിഴ ചുമത്തി കോംപറ്റീഷൻ കമ്മീഷൻ ഓഫ് ഇന്ത്യ (CCI). ഫ്യൂച്വർ കൂപ്പൺസുമായുള്ള 2019ലെ കരാറും സിസിഐ റദ്ദ് ചെയ്തിട്ടുണ്ട്. റെഗുലേറ്ററി അനുമതി തേടുമ്പോൾ വിവരങ്ങൾ മറച്ചുവെച്ചുവെന്ന പരാതികൾ പരിശോധിച്ചാണ് നടപടി.

      57 പേജുള്ള ഉത്തരവിൽ, ഇന്ത്യയുടെ ആന്റി ട്രസ്റ്റ് റെഗുലേറ്ററി ബോഡിയായ സിസിഐ പറയുന്നത് ഇങ്ങനെ- '2019 കരാറിന്റെ "യഥാർത്ഥ ലക്ഷ്യവും വിശദാംശങ്ങളും" ആമസോൺ മറച്ചുവെക്കുകയും തെറ്റായ വിവരങ്ങൾ നൽകാൻ ശ്രമിക്കുകയും ചെയ്തു.' കരാർ വീണ്ടും പരിശോധിക്കേണ്ടത് ആവശ്യമാണെന്ന് CCI പറഞ്ഞു. അതുവരെ അതിനുള്ള അംഗീകാരം താൽക്കാലികമായി മാറ്റിവെക്കുന്നുവെന്നും സിസിഐ വ്യക്തമാക്കി.

      ഫൂച്വർ കൂപ്പൺസ് പ്രൈവറ്റ് ലിമിറ്റഡിന്റെ 49 ശതമാനം ഓഹരികൾ ഏറ്റെടുക്കുന്നതിലൂടെ മാതൃ സ്ഥാപനമായ ഫ്യൂച്വർ റീട്ടെയിൽ ലിമിറ്റഡിനെ പരോക്ഷമായി നിയന്ത്രിക്കാനുള്ള ലക്ഷ്യം വെളിപ്പെടുത്തിയില്ലെന്ന പരാതിയാണ് ആമസോണിനെതിരെ എഫ്പിസിഎല്ലും കോൺഫെഡറേഷൻ ഓഫ് ഓൾ ഇന്ത്യ ട്രേഡേഴ്‌സും (സിഎഐടി) ചുമത്തിയത്.

      ആമസോൺ സംയോജനത്തിന്റെ യഥാർത്ഥ വ്യാപ്തി ഒളിച്ചുവെക്കുകയും വാണിജ്യ കരാറുമായി ബന്ധപ്പെട്ട് തെറ്റായ വിവരങ്ങൾ നൽകുകയും ചെയ്തുവെന്നും CCI ഉത്തരവിൽ പറയുന്നു. ക്ലിയറൻസ് നൽകിയിട്ടുള്ള കരാർ റദ്ദാക്കാൻ നിയമപരമായ അധികാരമില്ലെന്ന് സിസിഐക്ക് മുമ്പാകെ ആമസോൺ വാദിച്ചതിന് പിന്നാലെയാണ് നടപടി. അനുമതി അസാധുവാക്കാനുള്ളത് കടുത്ത അധികാരമാണ്, അത് വ്യക്തമായി നൽകിയിട്ടില്ലെങ്കിൽ അതോറിറ്റിക്ക് നിയമപരമായ അധികാരമില്ലെന്നും ആമസോൺ സിസിഐയെ അറിയിച്ചതായി റോയിട്ടേഴ്സ് റിപ്പോർട്ട് ചെയ്തിരുന്നു.

      Also Read- ഫ്യൂച്വർ ഡീൽ റദ്ദാക്കാൻ CCIക്ക് അധികാരമില്ലെന്ന Amazon നിലപാടിനെ അപലപിച്ച് CAIT

      ക്ലിയറൻസ് നൽകിയിട്ടുള്ള കരാർ റദ്ദാക്കാൻ തങ്ങൾക്ക് നിയമപരമായ അധികാരമില്ലെന്ന് ഏജൻസിക്ക് മുമ്പാകെ ആമസോൺ വാദിച്ചതിന് ദിവസങ്ങൾക്ക് ശേഷമാണ് നടപടി. "അനുമതി അസാധുവാക്കാനുള്ള അധികാരം കടുത്ത അധികാരമാണ്, അത് വ്യക്തമായി നൽകിയിട്ടില്ലെങ്കിൽ ഒരു നിയമപരമായ അതോറിറ്റിക്ക് ലഭ്യമല്ല", ഇന്ത്യൻ നിയമത്തിൽ റോയിട്ടേഴ്‌സ് കമ്പനിയെ ഉദ്ധരിച്ച് പറഞ്ഞു.

      സിസിഐക്ക് ഫ്യൂച്വർ ഡീൽ അസാധുവാക്കാനുള്ള അധികാരമില്ലെന്ന് ആമസോൺ വിശ്വസിക്കുന്നുവെങ്കിൽ, എന്തുകൊണ്ടാണ് അവർ സിസിഐയുടെ വിവിധ ഹിയറിംഗുകളിൽ പങ്കെടുത്തത് എന്ന് സിഎഐടി ചോദിച്ചിരുന്നു. “ആദ്യം സിസിഐയെ സമീപിക്കുമ്പോൾ തന്നെ അത്തരമൊരു അധികാരമുണ്ടോ എന്ന് സിസിഐയോട് ചോദിക്കേണ്ടതായിരുന്നില്ലേ'' എന്നും അസോസിയേഷൻ പറയുന്നു.

      ഈ ആരോപണം വ്യക്തമാക്കുന്നതിനായി, ആമസോൺ ഇന്ത്യയുടെ ഉന്നത ഉദ്യോഗസ്ഥനായ രാകേഷ് ബക്ഷി ആമസോൺ ചീഫ് എക്സിക്യൂട്ടീവ് ഓഫീസർ ജെഫ് ബെസോസിന് അയച്ചതായി കരുതപ്പെടുന്ന ഒരു "ഇമെയിലിൽ" നിന്നുള്ള ഒരു ഭാഗവും CAIT പുറത്തുവിട്ടു. "ഇമെയിലിൽ FCPL-ന്റെ ബിസിനസിനെക്കുറിച്ച് ഒരു വാക്കുപോലും പരാമർശിക്കുന്നില്ല", മാതൃ സ്ഥാപനമായ ഫ്യൂച്വർ റീട്ടെയിൽ ലിമിറ്റഡിനെ (FRL) പരോക്ഷമായി നിയന്ത്രിക്കാനുള്ള ആമസോണിന്റെ ഉദ്ദേശ്യം ഇത് വെളിപ്പെടുത്തുന്നുവെന്ന് വ്യാപാരികളുടെ സംഘടന പറഞ്ഞു.

      കഴിഞ്ഞ വർഷം 24,500 കോടി രൂപയ്ക്ക് മുകേഷ് അംബാനിയുടെ റിലയൻസ് ഗ്രൂപ്പിന് സ്വത്തുക്കൾ വിൽക്കാൻ ഫ്യൂച്വര്‍ ഗ്രൂപ്പ് സമ്മതിച്ചതിനെ തുടർന്ന് ആമസോണും ഫ്യൂച്വർ ഗ്രൂപ്പും കോടതികളിൽ നിയമപോരാട്ടം തുടരുന്നതിനിടെയാണ് സിസിഐയുടെ നടപടി വന്നിരിക്കുന്നത്.

      ഫ്യൂച്വർ കൂപ്പൺസ് പ്രൈവറ്റ് ലിമിറ്റഡ് 2019-ൽ വാങ്ങാൻ അനുമതി തേടുന്നതിനിടെ ആമസോൺ തങ്ങളുടെ കരാറിന്റെ പ്രധാന ഭാഗങ്ങൾ മറച്ചുവെച്ചതായി ഫ്യൂച്വർ ഗ്രൂപ്പ് സിസിഐയോട് പരാതിപ്പെട്ടു. ആമസോണും ഫ്യൂച്വർ ഗ്രൂപ്പും മാസങ്ങളായി കടുത്ത നിയമ പോരാട്ടത്തിലാണ്. ഫ്യൂച്വർ തങ്ങളുടെ കരാർ ലംഘിച്ചുവെന്ന് ആമസോൺ ആരോപിക്കുന്നു. എന്നാൽ റീട്ടെയിൽ ആസ്തികൾ റിലയൻസ് ഇൻഡസ്ട്രീസ് ലിമിറ്റഡിന് വിറ്റതിലൂടെ തെറ്റ് ചെയ്തിട്ടില്ലെന്ന് ഫ്യൂച്വർ ഗ്രൂപ്പ് പറയുന്നു.

      ആമസോൺ സിസിഐയെ തെറ്റിദ്ധരിപ്പിച്ചെന്ന് എഫ്ആർഎല്ലിന്റെ സ്വതന്ത്ര ഡയറക്ടർമാരും കഴിഞ്ഞ മാസം ആരോപിച്ചിരുന്നു. ഇന്ത്യൻ റീട്ടെയിൽ കമ്പനിയിൽ നേരിട്ട് നിക്ഷേപം നടത്താനുള്ള ചർച്ചകൾ നേരത്തെ നടന്നിരുന്നു, ഇന്ത്യയിൽ പ്രവർത്തിക്കുന്ന വിദേശ ഇ-കൊമേഴ്‌സ് സ്ഥാപനങ്ങൾക്കുള്ള മാനദണ്ഡങ്ങൾ കർശനമാക്കുന്ന പ്രസ് നോട്ട് 2 നിയമങ്ങൾ സർക്കാർ കൊണ്ടുവന്നതിന് ശേഷമാണ് ഇത് പദ്ധതി മാറ്റിയത്. ആമസോൺ ഒരിക്കലും ഫ്യൂച്വർ കൂപ്പൺസ് പ്രൈവറ്റ് ലിമിറ്റഡിൽ (എഫ്‌സിപിഎൽ) നിക്ഷേപിക്കാൻ ഉദ്ദേശിച്ചിരുന്നില്ലെന്നും അവർ ആരോപിച്ചിരുന്നു.

      FCPL-ൽ ആമസോണിന്റെ നിക്ഷേപത്തിന്റെ കരാറിന് മുമ്പുള്ള ചർച്ചാ രേഖകൾ സ്വതന്ത്ര ഡയറക്ടർമാർ പരിശോധിച്ചു, കൂടാതെ ആമസോൺ CCIക്ക് നൽകിയ അപേക്ഷയിലെ വിവരങ്ങൾ മേൽപറഞ്ഞതിന് കടകവിരുദ്ധമാണെന്നും സ്വതന്ത്ര ഡയറക്ടർമാർ കണ്ടെത്തിയിരുന്നു.
      Published by:Jayashankar AV
      First published: