പി‌എഫ് അക്കൗണ്ടിലെ ഈ പിഴവ് ഒഴിവാക്കൂ, 50000 നഷ്ടപ്പെടുന്നത് ഒഴിവാക്കാം

ന്യൂഡൽഹി: ഇപിഎഫ് അക്കൗണ്ടുമായി ബന്ധപ്പെട്ട നിരവധി അവശ്യ നിയമങ്ങളെക്കുറിച്ച് അറിവില്ലാത്തതിനാൽ, ഇപിഎഫ്ഒ വരിക്കാർക്ക് വലിയ നഷ്ടമുണ്ടാകാനുള്ള സാധ്യതയുണ്ട്. EDLI സ്കീം പ്രകാരം 6 ലക്ഷം രൂപയുടെ ഇൻഷുറൻസ്, പെൻഷൻ, ആദായനികുതി കിഴിവ് തുടങ്ങിയവയുമായി ബന്ധപ്പെട്ട നിയമങ്ങൾ മിക്ക വരിക്കാർക്കും അറിയില്ല. ഈ നിയമങ്ങളിലൊന്ന് ലോയൽറ്റി-കം-ലൈഫ് ബെനിഫിറ്റുമായി ബന്ധപ്പെട്ടിരിക്കുന്നു. ഈ ആനുകൂല്യത്തിന് കീഴിൽ, ഒരു ജീവനക്കാരൻ തന്റെ ഇപിഎഫ് അക്കൗണ്ടിൽ 20 വർഷമായി സ്ഥിരമായി വിഹിതം നൽകിയിട്ടുണ്ടെങ്കിൽ, അയാൾക്ക് വിരമിക്കുന്ന സമയത്ത് 50,000 രൂപ വരെ ലഭിക്കും.

വാസ്തവത്തിൽ, എല്ലാ ഇപിഎഫ് അക്കൌണ്ട് ഉടമകളും ജോലി മാറിയതിനുശേഷവും ഒരേ ഇപിഎഫ് അക്കൗണ്ടിൽ തുടർന്നും വിഹിതം നൽകുകയാണ് വേണ്ടത്. തൽഫലമായി, തുടർച്ചയായി 20 വർഷത്തേക്ക് ഒരേ അക്കൗണ്ടിലേക്ക് വിഹിതം നൽകുന്നതുവഴി ലഭിക്കുന്ന ലോയൽറ്റി-കം-ലൈഫിന്റെ ആനുകൂല്യം നേടാം.

കേന്ദ്ര സർക്കാർ എന്ത് നടപടിയാണ് സ്വീകരിച്ചത്?

ഏപ്രിൽ 13 ന് ലോക്ക്ഡൌൺ രണ്ടാം ഘട്ടം പ്രഖ്യാപിച്ചതോടെ 20 വർഷമായി ഇപിഎഫ് അക്കൌണ്ടിലേക്ക് വിഹിതം നൽകിയ അക്കൌണ്ട് ഉടമകൾക്ക് ലോയൽറ്റി-കം-ലൈഫിന്റെ ആനുകൂല്യം നൽകാൻ സിബിഡിടി ശുപാർശ ചെയ്തിട്ടുണ്ട്. കേന്ദ്രസർക്കാർ പോലും ഇത് അംഗീകരിച്ചിട്ടുണ്ട്. അതുകൊണ്ടുതന്നെ 50,000 രൂപയുടെ ആനുകൂല്യത്തിനായി അപേക്ഷിക്കാം

ആർക്കാണ് എത്ര പ്രയോജനം ലഭിക്കുക?

ലോയൽറ്റി-കം-ലൈഫ് ഇൻഷുറൻസിന് കീഴിൽ, 5000 രൂപ വരെ അടിസ്ഥാന ശമ്പളം ലഭിക്കുന്ന ആളുകൾക്ക് 30000 രൂപയുടെ ആനുകൂല്യം ലഭിക്കും. അടിസ്ഥാന ശമ്പളം 5001 മുതൽ 10000 വരെയുള്ളവർക്ക് 40,000 രൂപ ആനുകൂല്യത്തിന് അർഹതയുണ്ട്. ആരുടെയെങ്കിലും അടിസ്ഥാന ശമ്പളം 10,000 കവിയുന്നുവെങ്കിൽ, അയാളുടെ ആനുകൂല്യം 50,000 രൂപ ആയിരിക്കും.
TRENDING:മദ്യത്തിന്‍റെ നികുതി വര്‍ധിപ്പിക്കാന്‍ ഓര്‍ഡിനന്‍സ്; ഗവര്‍ണറോട് ശുപാര്‍ശ ചെയ്യാന്‍ മന്ത്രിസഭാതീരുമാനം [NEWS]ലക്ഷ്യം സ്വയം പര്യാപ്തമായ ഇന്ത്യ; ആത്മനിര്‍ഭർ ഭാരത് പദ്ധതിയുടെ വിശദാംശങ്ങളുമായി ധനമന്ത്രി [NEWS]'കൊറോണ വൈറസിനേക്കാൾ വൃത്തികെട്ടവൻ' സഹതാരത്തെ അപമാനിച്ച ക്രിസ് ഗെയിലിന് കനത്ത ശിക്ഷ നൽകാൻ വിൻഡീസ് ക്രിക്കറ്റ് ബോർഡ് [NEWS]
ഈ ആനുകൂല്യം നേടാൻ നിങ്ങൾ എന്തുചെയ്യണം?

ഇപി‌എഫ്‌ഒ വരിക്കാരെ സംബന്ധിച്ചിടത്തോളം, ഈ സ്കീം പ്രയോജനപ്പെടുത്തുന്നതിനുള്ള ഏറ്റവും നല്ല മാർഗം ജോലി മാറിയ ശേഷവും അതേ അക്കൗണ്ടിലേക്ക് തുടർന്നും വിഹിതം നൽകുക എന്നതാണ്. ഇതിനായി, നിങ്ങളുടെ മുമ്പത്തെ തൊഴിലുടമയ്ക്കും നിലവിലെ തൊഴിലുടമയ്ക്കും വിവരങ്ങൾ നൽകണം. സാധാരണയായി, ജോലിയിലായിരിക്കുമ്പോൾ പിഎഫ് പിൻവലിക്കൽ നിർദ്ദേശിക്കപ്പെടുന്നില്ല. അങ്ങനെ ചെയ്താൽ ആദായനികുതി ഉൾപ്പെടെയുള്ള റിട്ടയർമെന്റ് ഫണ്ടുകളിൽ വരിക്കാർക്ക് നഷ്ടമുണ്ടാകും. ഇത് പെൻഷൻ ആനുകൂല്യങ്ങൾ നഷ്ടപ്പെടുന്നതിനും കാരണമാകുന്നു.