നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • money
    • »
    • NPS Scheme | മാസം 12000 രൂപ നിക്ഷേപിച്ച് 1.78 ലക്ഷം രൂപ പെൻഷൻ നേടാം; എൻപിഎസ് നിക്ഷേപ പദ്ധതിയെക്കുറിച്ച് അറിയാം

    NPS Scheme | മാസം 12000 രൂപ നിക്ഷേപിച്ച് 1.78 ലക്ഷം രൂപ പെൻഷൻ നേടാം; എൻപിഎസ് നിക്ഷേപ പദ്ധതിയെക്കുറിച്ച് അറിയാം

    പൊതു, സ്വകാര്യ, അസംഘടിത മേഖലകളിലെ ജീവനക്കാർക്ക് സ്വമേധയാ ആരംഭിക്കാൻ സാധിക്കുന്ന നിക്ഷേപ പദ്ധതിയാണ് എൻപിഎസ്.

    പ്രതീകാത്മക ചിത്രം

    പ്രതീകാത്മക ചിത്രം

    • Share this:
      ഔദ്യോഗിക ജീവിതത്തില്‍ നിന്നു വിരമിച്ച് കഴിഞ്ഞാല്‍ ഭാവി എങ്ങനെ സുരക്ഷിതമാക്കണം എന്നത് പലരും നേരിടുന്ന ഒരു പ്രധാന ചോദ്യമാണ്. ഇത്തരമൊരു സ്വാഭാവികതയെ പല തരത്തിലാണ് ആളുകള്‍ അതി ജീവിക്കുക. സമ്പാദ്യ പദ്ധതികളാണ് ഇതിനായി ആളുകള്‍ പൊതുവെ സ്വീകരിക്കുക. പല തോതുകളില്‍ പലിശാ നിരക്കുള്ള പല സമ്പാദ്യ പദ്ധതികളും ഇതിനായി സര്‍ക്കാരും മറ്റ് സ്വകാര്യ ബാങ്കുകളും ലൈഫ് ഇന്‍ഷ്വറന്‍സ് സ്ഥാപനങ്ങളും അവതരിപ്പിച്ചിട്ടുണ്ട്. ഇത്തരത്തില്‍ സര്‍ക്കാര്‍ വാഗ്ദാനം ചെയ്യുന്ന പദ്ധതികളില്‍ പെടുന്നതാണ് എന്‍പിഎസ് (NPS) അഥവാ ദേശീയ പെന്‍ഷന്‍ പദ്ധതി(National Pension System).

      എന്‍പിഎസ് പോലെ തന്നെ വിരമിക്കലിന്(Retirement) ശേഷമുള്ള ഏതൊരു പൗരന്റെയും സാമ്പത്തിക ഭദ്രതയെ കരുതി 1968ല്‍ കേന്ദ്ര ധന മന്ത്രാലയം അവതരിപ്പിച്ച സേവിങ്ങ്‌സ് പദ്ധതിയാണ് പിപിഎഫ് അഥവാ പബ്ലിക്ക് പ്രൊവിഡന്റ് ഫണ്ട്. പിപിഎഫും എന്‍പിഎസും ആണ് പൊതുവേ ആളുകള്‍ ദീര്‍ഘകാലാടിസ്ഥാനത്തില്‍ - ഔദ്യോഗിക ജീവിതത്തില്‍ നിന്നുള്ള വിരമിക്കലിനെ മുന്നില്‍ കണ്ട് തിരഞ്ഞെടുക്കുന്ന രണ്ട് സാമ്പത്തിക പദ്ധതികള്‍. കുട്ടികളുടെ വിദ്യാഭ്യാസ കാര്യങ്ങള്‍ക്കും മറ്റുമായും പിപിഎഫ് വിനിയോഗിക്കുന്നവരുണ്ട്. എന്താണ് പിപിഎഫില്‍ നിന്നും എന്‍പിഎസിനെ വ്യത്യസ്തമാക്കുന്നതെന്നും അതിന്റെ പലിശാ രീതികളെന്തെന്നും പരിശോധിക്കാം.

      പൊതു, സ്വകാര്യ, അസംഘടിത മേഖലകളിലെ ജീവനക്കാർക്ക് സ്വമേധയാ ആരംഭിക്കാൻ സാധിക്കുന്ന നിക്ഷേപ പദ്ധതിയാണ് എൻപിഎസ്. പെൻഷൻ അക്കൗണ്ടുകളിൽ സ്ഥിരമായി നിക്ഷേപിക്കാൻ എൻ പി എസ് നിക്ഷേപകരെ പ്രോത്സാഹിപ്പിക്കുന്നു. വ്യക്തിഗത ഫണ്ടുകൾ ഒരു പെൻഷൻ ഫണ്ടിൽ ശേഖരിക്കപ്പെടുകയും സർക്കാർ ബോണ്ടുകൾ, ബില്ലുകൾ, കോർപ്പറേറ്റ് ഡിബഞ്ചറുകൾ, പിഎഫ്ആർഡിഎ നിയന്ത്രിത പ്രൊഫഷണൽ ഫണ്ട് മാനേജർമാരുടെ ഓഹരികൾ എന്നിവയുടെ അംഗീകൃത നിക്ഷേപ നിയമങ്ങൾക്കനുസൃതമായി നിക്ഷേപിക്കുകയുമാണ് ചെയ്യുന്നത്. ഒരു എൻ‌പി‌എസ് അക്കൗണ്ട് തുറക്കുമ്പോൾ, അക്കൗണ്ട് ഉടമയ്ക്ക് അവർ രണ്ട് ഓപ്ഷനുകളാണ് നൽകുന്നത്: ആക്ടീവ് മോഡ്, ഓട്ടോ മോഡ്. അതിനുപുറമേ, വാർഷികാടിസ്ഥാനത്തിൽ എത്രമാത്രം മെച്യൂരിറ്റി തുക നിക്ഷേപിക്കണമെന്ന് തീരുമാനിക്കാനുള്ള അവസരവും അക്കൗണ്ട് ഉടമയ്ക്ക് എൻപിഎസ് നൽകുന്നുണ്ട്. വാർഷിക വാങ്ങലിന്റെ ഈ ശതമാനമാണ് അവർക്ക് ലഭിക്കുന്ന പെൻഷന്റെ അളവ് നിർണ്ണയിക്കുന്നത്.

      നേരത്തെ സൂചിപ്പിച്ചത് പോലെ ഔദ്യോഗിക ജീവിതത്തില്‍ നിന്ന് വിരമിച്ചതിന് ശേഷം ഭാവിയിലേക്ക് ഒരു സുഗമ വരുമാനം ഉറപ്പിക്കുന്നതിനായാണ് സര്‍ക്കാര്‍ റിട്ടയര്‍മെന്റ് ആനുകൂല്യ പദ്ധതിയായ എന്‍പിഎസ് അവതരിപ്പിച്ചത്. 2004 ലാണ് കേന്ദ്ര സര്‍ക്കാരിന്റെ നേതൃത്വത്തില്‍ എന്‍പിഎസ് പദ്ധതി ആവിഷ്‌കരിച്ചത്. പെന്‍ഷന്‍ ഫണ്ട് റെഗുലേറ്ററി ആന്‍ഡ് ഡെവലപ്‌മെന്റ് അതോറിറ്റി അഥവാ പിഎഫ്ആര്‍ഡിഎയാണ് എന്‍പിഎസ് നിയന്ത്രിയ്ക്കുന്നത്. അതിനാല്‍ തന്നെ സര്‍ക്കാര്‍ പിന്തുണയിലുള്ള പെന്‍ഷന്‍ പദ്ധതിയായാണ് എന്‍ പി എസ് അറിയപ്പെടുന്നത്. നികുതിയെക്കുറിച്ചും നിക്ഷേപങ്ങളെക്കുറിച്ചുമുള്ള വിദഗ്ദരുടെ അഭിപ്രായം അനുസരിച്ച്, പ്രതിമാസം 12,000 രൂപ വീതം എന്‍പിഎസ് അക്കൗണ്ടില്‍ നിക്ഷേപിക്കുന്ന വ്യക്തിയ്ക്ക് 1.78 ലക്ഷം രൂപ വരെ പെൻഷൻ ലഭിക്കും.

      “ഒരു എന്‍പിഎസ് അക്കൗണ്ട് ഉടമയ്ക്ക് എന്‍പിഎസ് അക്കൗണ്ടില്‍ 75 ശതമാനം വരെ ഓഹരി തിരഞ്ഞെടുക്കാം. എന്നാൽ നികുതി 60 ശതമാനത്തിലും വായ്പ 40 ശതമാനത്തിലും നിലനിര്‍ത്തുന്നതാണ് ഉചിതം. ഇത് കുറഞ്ഞ റിസ്‌ക് തിരഞ്ഞെടുക്കുന്ന എന്‍പിഎസ് വരിക്കാര്‍ക്ക് ചേരുന്നതാണ്. 60:40 എന്ന അനുപാതത്തില്‍ ഓഹരിയും വായ്പയും നിലനിര്‍ത്തുന്നത് എന്‍പിഎസ് അക്കൗണ്ട് ഉടമയ്ക്ക് ദീര്‍ഘകാലാടിസ്ഥാനത്തില്‍ 10 ശതമാനം എന്‍പിഎസ് പലിശ നേടാന്‍ സഹായകമാകും.” എന്‍പിഎസ് പദ്ധതിയെക്കുറിച്ച് ലൈവ് മിന്റിനോട് സംസാരിച്ച നികുതി നിക്ഷേപക വിദഗ്ദനായ ജിതേന്ദ്ര സോളങ്കി പറഞ്ഞു.

      ഒരു നിക്ഷേപകൻ 60:40 അനുപാതത്തിൽ ഓഹരി നിലനിർത്തുകയാണെങ്കിൽ, 30 വർഷത്തേക്ക് ഒരു എൻ‌പി‌എസ് അക്കൗണ്ടിൽ പ്രതിമാസം 12,000 രൂപ നിക്ഷേപിച്ചാൽ 1,64,11,142 രൂപ വീതം വരുമാനം നേടാം. 54,704 രൂപ പ്രതിമാസ പെൻഷനും വാർഷിക വരുമാനമായി കുറഞ്ഞത് 6 ശതമാനം റിട്ടേണും ലഭിക്കുമെന്നും സോളങ്കി അഭിപ്രായപ്പെട്ടു.

      25 വര്‍ഷം കൊണ്ട് എസ്ഡബ്ല്യുപിയില്‍ 1.64 കോടി രൂപ നിക്ഷേപിക്കുന്നത്, ഒരു എന്‍പിഎസ് നിക്ഷേപകന് 1,23,560 രൂപ 25 വര്‍ഷത്തേക്ക് പ്രതിമാസം ലഭിക്കുന്നതിന് സഹായിക്കുമെന്നാണ് വിദഗ്ധരുടെ അഭിപ്രായം. അങ്ങനെ സംഭവിക്കണമെങ്കില്‍ എസ്ഡബ്ല്യുപിയ്ക്ക് 8 ശതമാനം വിറ്റുവരവ് ഉണ്ടാകണം. ഒരു നിക്ഷേപകന്‍ ഒരു എന്‍പിഎസ് അക്കൗണ്ടില്‍ പ്രതിമാസം 12,000 നിക്ഷേപിച്ചാല്‍, അവര്‍ക്ക് ലഭിക്കുന്ന പ്രതിമാസ തുക, 1.70 ലക്ഷമായിരിക്കും.

      ഒരാളുടെ പ്രതിമാസ വരുമാനം വർദ്ധിപ്പിക്കുന്നതിന് എസ്‌ഡബ്ല്യുപിയിലെ മൊത്തം തുക ഉപയോഗിക്കാൻ എൻ‌പി‌എസ് അക്കൗണ്ട് ഉടമകളെ ഈ രംഗത്തെ വിദഗ്ദർ ഉപദേശിക്കുന്നു. "1.36 കോടി രൂപയുടെ നിക്ഷേപത്തിന് 25 വർഷത്തെ കാലയളവിൽ 8 ശതമാനം വാർഷിക നിരക്കിൽ, നിക്ഷേപകന് പ്രതിമാസം 1,02,464.455 രൂപ എന്ന നിലയിൽ 25 വർഷത്തേക്ക് പിൻവലിക്കാൻ കഴിയും," എന്നാണ് എസ്എജി ഇൻഫോടെക്കിന്റെ എംഡി അമിത് ഗുപ്ത ലൈവ് മിന്റിനോട് വ്യക്തമാക്കിയത്.

      50:50 അനുപാതത്തിൽ ഒരു വ്യക്തി 30 വർഷത്തേക്ക് ഒരു എൻ‌പി‌എസ് അക്കൗണ്ടിൽ പ്രതിമാസം 12,000 രൂപ നിക്ഷേപിക്കുകയാണെങ്കിൽ, അയാൾക്ക് പ്രതിമാസം ഏകദേശം 1.70 ലക്ഷം ലഭിക്കും.
      Published by:Sarath Mohanan
      First published:
      )}