Fuel Price | കൂടിയോ? കുറഞ്ഞോ? ഇന്നത്തെ പെട്രോൾ-ഡീസൽ നിരക്കുകൾ അറിയാം

രാജ്യത്ത്  ഇന്ധനവിലയിൽ മാറ്റമില്ലാതെ തുടരുന്നു. മെട്രോ നഗരങ്ങളിലുടനീളം പെട്രോൾ, ഡീസൽ വില സ്ഥിരത നിലനിർത്തിയതായി എണ്ണകമ്പനികൾ പുറത്തിറക്കിയ ഏറ്റവും പുതിയ വില വിജ്ഞാപനം വ്യക്തമാക്കുന്നു. ഡൽഹിയിൽ പെട്രോളിനും ഡീസലിനും യഥാക്രമം 96.72 രൂപയും 89.62 രൂപയുമാണ് വില. മുംബൈയിൽ പെട്രോൾ ലിറ്ററിന് 106.31 രൂപയ്ക്കും ഡീസൽ 94.27 രൂപയ്ക്കും വിൽക്കുന്നു.

അതേസമയം കേരള സർക്കാർ പെട്രോളിനും ഡീസലിനും സാമൂഹിക സുരക്ഷാ സെസായി രണ്ടു രൂപ ഈടാക്കുമെന്ന ബജറ്റ് പ്രഖ്യാപനം ഇതുവരെ നിലവില്‍ വന്നിട്ടില്ല. തിരുവനന്തപുരത്ത് ഇപ്പോൾ പെട്രോളിന് 108 രൂപയും ഡീസലിന് 96.79 രൂപയുമാണ്. കൊച്ചിയിൽ പെട്രോളിന് 105.72 രൂപയും ഡീസലിന് 94.66 രൂപയുമാണ് നിലവിലെ നിരക്ക്. 2 രൂപ കൂടുന്നതോടെ തിരുവനന്തപുരത്തും പെട്രോൾ വില 110 രൂപയിലേക്കും ഡീസൽ വില 99 രൂപയിലേക്കുമെത്തും.

ബെംഗളൂരുവിൽ പെട്രോൾ വില തിരുവനന്തപുരത്തേക്കാൾ ഏകദേശം 7 രൂപ കുറവാണ് (ഇന്നത്തെ വില -101.4). ഡീസൽ വിലയിലെ കുറവ് 8.96 രൂപ (87.89). കഴിഞ്ഞ നവംബറിൽ കർണാടക വിൽപന നികുതി കുറച്ചതോടെ വാറ്റ് വിഹിതം 35 ശതമാനത്തിൽ നിന്ന് 25.9% ആയി കുറച്ചിരുന്നു.

Also Read-കേരളത്തിലേക്ക് ഇനി കിടന്നു വരാം; കർണാടക ആർടിസിയുടെ ‘അംബാരി ഉത്സവ്’ അത്യാഡംബര സ്ലീപ്പർ ബസുകള്‍ വരുന്നു

ചെന്നൈയിൽ ഇന്നത്തെ പെട്രോൾ വില തിരുവനന്തപുരത്തെക്കാൾ 5.37 രൂപ കുറവാണ് (102.63). ഡീസലിന് 2.55 രൂപയാണ് കുറവ് (94.24). ഡിഎംകെ സർക്കാർ അധികാരത്തിൽ വന്നതിനെ തുടർന്ന് അവതരിപ്പിച്ച ബജറ്റിൽ പെട്രോൾ വിലയിൽ 3 രൂപ കുറച്ചു.