Petrol Diesel Price | ഇന്ധന വിലയിൽ‌ മാറ്റമുണ്ടോ? ഇന്നത്തെ പെട്രോൾ ഡീസൽ നിരക്ക് അറിയാം

തിരുവനന്തപുരം: സംസ്ഥാനത്ത് ഇന്ന് ഇന്ധന വിലയിൽ മാറ്റമില്ല. ഏപ്രിൽ ഒന്ന് മുതൽ പെട്രോളിനും, ഡീസലിനും സാമൂഹ്യ സുരക്ഷാ സെസ് ഏർപ്പെടുത്തിയതോടെ സംസ്ഥാനത്ത് ഇന്ധന വില ലിറ്ററിന് രണ്ട് രൂപ വർ ധിച്ചിരുന്നു. ആഗോളതലത്തിൽ ക്രൂഡ് ഓയിൽ വിലയിൽ വർധനയുണ്ടെങ്കിലും രാജ്യത്തെ മറ്റ് നഗരങ്ങളിൽ ഇന്ധന വിലയിൽ മാറ്റമില്ല. അസംസ്കൃത എണ്ണവില ബാരലിന് 83.5 ഡോളറിലാണ് വ്യാപാരം. അന്താരാഷ്ട്ര തലത്തിൽ എണ്ണവിലയിൽ കയറ്റിറക്കങ്ങളുണ്ടെങ്കിലും ഇതിനനുസരിച്ച് ഇപ്പോൾ ഇന്ത്യയിലെ ഇന്ധന നിരക്കുകളിൽ എണ്ണക്കമ്പനികൾ മാറ്റം വരുത്തുന്നില്ല.

കോഴിക്കോട് പെട്രോളിന് 108.28 രൂപയും, ഡീസലിന് 97.20 രൂപയുമാണ് ഒരു ലിറ്ററിന്റെ വില. തിരുവനന്തപുരത്ത് ഒരു ലിറ്റർ പെട്രോളിന് 109.73 രൂപയും, ഒരു ലിറ്റർ ഡീസലിന് 97.20 രൂപയുമാണ് വില. കൊച്ചിയിൽ ഒരു ലിറ്റർ പെട്രോളിന് 107.77 രൂപയും, ഡീസൽ ലിറ്ററിന് 96.69 രൂപയുമാണ് വിലനിലവാരം. അതേസമയം, മുംബൈയിൽ ഒരു ലിറ്റർ പെട്രോളിന് 106.31 രൂപയും, ഡീസൽ ലിറ്ററിന് 94.27 രൂപയുമാണ് വില. ന്യൂഡൽഹിയിൽ ഒരു ലിറ്റർ പെട്രോളിന് 96.72 രൂപയാണ്. ഡീസൽ ഒരു ലിറ്ററിന് 89.62 രൂപയിൽ വിൽപ്പന നടത്തുന്നു.