HOME » NEWS » Money » PETROL DIESEL PRICE TODAY FUEL PRICES HIKED AGAIN

Petrol Diesel Price | ഇന്ധനവില വീണ്ടും ഉയർന്നു; ഇന്നത്തെ വില അറിയാം

മെയ് മാസത്തിൽ മാത്രം പതിനാറ് തവണയാണ് ഇന്ധനവിലയിൽ വർധനവുണ്ടായത്

News18 Malayalam | news18-malayalam
Updated: June 1, 2021, 9:01 AM IST
Petrol Diesel Price | ഇന്ധനവില വീണ്ടും ഉയർന്നു; ഇന്നത്തെ വില അറിയാം
petrol diesel price
  • Share this:
കോവിഡ് പ്രതിസന്ധി രൂക്ഷമായ രാജ്യത്ത് ഇരുട്ടടി പോലെ ഇന്ധനവിലയും കുതിച്ചുയരുകയാണ്. മിക്ക സംസ്ഥാനങ്ങളിലും പെട്രോൾ വില നൂറ് കടന്നിട്ടുണ്ട്. രാജസ്ഥാൻ, മധ്യപ്രദേശ്, മഹാരാഷ്ട, ആന്ധ്രപ്രദേശ്, ഒഡീഷ, തെലങ്കാന എന്നീ സംസ്ഥാനങ്ങളിലാണ് പെട്രോൾ വില സെഞ്ചുറി പിന്നിട്ടത്. ജമ്മു കാശ്മീരിലും വില നൂറ് പിന്നിട്ടുണ്ട്.

ഇന്ന് പെട്രോൾ വില ലിറ്ററിന് 26 പൈസയാണ് കൂടിയത്. ഡീസൽ 24 പൈസയും കൂടിയിട്ടുണ്ട്. മെയ് മാസത്തിൽ മാത്രം പതിനാറ് തവണയാണ് ഇന്ധനവിലയിൽ വർധനവുണ്ടായത്.വില വീണ്ടും ഉയർന്നതോടെ തിരുവനന്തപുരത്ത് പെട്രോൾ വില 95.60 ആയിരിക്കുകയാണ്. ഡീസലിന് 91.74 രൂപയും. കൊച്ചിയിൽ പെട്രോളിന് 94.83 രൂപയും ഡീസലിന് 90.21 രൂപയുമാണ് വില.

സംസ്ഥാനത്തെ പ്രധാന നഗരങ്ങളിലെ ഇന്നത്തെ പെട്രോൾ / ഡീസൽ വില (ലിറ്ററിന്)

ആലപ്പുഴ -  94.74 /  90.12
എറണാകുളം- 94.83 / 90.21
ഇടുക്കി - 95.93/  91.23
കണ്ണൂർ- 94.91 / 90.30
കാസർഗോഡ് - 95.47/ 90.83
കൊല്ലം - 96.03/ 91.32
കോട്ടയം- 94.96/ 90.32
കോഴിക്കോട്- 94.90 / 90.29
മലപ്പുറം-  95.03/ 90.42
പാലക്കാട്-  95.64/  90.96
പത്തനംതിട്ട- 95.49/ 90.83
തൃശ്ശൂർ- 94.93/  90.29
തിരുവനന്തപുരം-  95.60/ 91.74
വയനാട് -  95.95 / 91.22

കോവിഡ് പ്രതിസന്ധിക്കിടെ മെയ് നാല് മുതലാണ് ഇന്ധന വില കൂട്ടാൻ തുടങ്ങിയത്. കേരളം ഉൾപ്പടെയുള്ള സംസ്ഥാനങ്ങളിലെല്ലാം തന്നെ ഇന്ധന വില സർവകാല റെക്കോർഡിലാണ്. കൂടാതെ ചില്ലറ ഇന്ധന വില ഇപ്പോൾ 2018 ഒക്ടോബറിന് ശേഷമുള്ള ഏറ്റവും ഉയർന്ന നിരക്കിലുമാണ്. പെട്രോൾ, ഡീസൽ വില കുത്തനെ ഉയർന്നതിന്റെ ഫലമായി രാജ്യത്ത് പണപ്പെരുപ്പ നിരക്ക് ഉയർന്നേക്കുമെന്നാണ് സാമ്പത്തിക വിദഗ്ധരുടെ അഭിപ്രായം. ഡീസൽ വില ഉയരുന്നതിന്റെ ചരക്ക് സേവന നിരക്ക് ഉയരുന്നതിനും കാരണമാകും. ഇത് എഫ്എംസിജി, പഴം, പച്ചക്കറി, ഇരുമ്പ്, ഉരുക്ക് തുടങ്ങിയ വസ്തുക്കളുടെ വില വർദ്ധനവിനും കാരണമാകും.

പെട്രോളിന്റെയും ഡീസലിന്റെയും വിലയിൽ എക്സൈസ് തീരുവ, ഡീലർ കമ്മീഷൻ എന്നിവയും മറ്റ് കാര്യങ്ങളും ചേർത്ത ശേഷമാണ് അതിന്റെ വില നിശ്ചയിക്കുന്നത്. വിദേശനാണ്യ നിരക്കിനൊപ്പം അന്താരാഷ്ട്ര വിപണിയിൽ ക്രൂഡിന്റെ വില എന്താണെന്നതിനെ ആശ്രയിച്ച് പെട്രോളിന്റെയും ഡീസലിന്റെയും വില ഓരോ ദിവസവും മാറുന്നു.


പെട്രോൾ-ഡീസൽ വില എങ്ങനെ പരിശോധിക്കാം

എസ്എംഎസ് വഴി പെട്രോളിന്റെയും ഡീസലിന്റെയും നിരക്ക് നിങ്ങൾക്ക് അറിയാൻ കഴിയും. ഇന്ത്യൻ ഓയിൽ വിൽക്കുന്ന പെട്രോളിന്‍റെയും ഡീസലിന്‍റെയും വില അറിയാൻ, ആർ‌എസ്‌പി 102072 (ആർ‌എസ്‌പി <സ്പേസ്> ഡീലർ കോഡ് ഓഫ് പെട്രോൾ പമ്പ്) ടൈപ്പ് ചെയ്ത് 9224992249 എന്ന നമ്പറിലേക്ക് അയയ്ക്കുക. അതുപോലെ, മുംബൈയ്ക്ക് ആർ‌എസ്‌പി 108412, കൊൽക്കത്തയ്‌ക്ക് ആർ‌എസ്‌പി 119941, ആർ‌എസ്‌പി എന്നിവ ടൈപ്പുചെയ്യുക. 133593 ചെന്നൈയ്‌ക്കായി 9224992249 എന്ന നമ്പറിലേക്ക് അയയ്‌ക്കുക. ഇത് ചെയ്യുന്നതിലൂടെ നിങ്ങളുടെ മൊബൈലിൽ ഏറ്റവും പുതിയ നിരക്കുകൾ ലഭിക്കും. അതുപോലെ, മറ്റ് നഗരങ്ങളുടെ കോഡുകൾ ഇന്ത്യൻ ഓയിൽ വെബ്സൈറ്റിൽനിന്ന് അറിയാം.

Published by: Asha Sulfiker
First published: June 1, 2021, 9:01 AM IST
കൂടുതൽ കാണുക
അടുത്തത് വാര്‍ത്തകള്‍

Top Stories