റെയിൽവേ 55000 കോടി രൂപ നഷ്ടത്തിൽ; യാത്രാനിരക്ക് വർധന നഷ്ടം 5% കുറച്ചുവെന്ന് മന്ത്രി

ഇന്ത്യൻ റെയിൽവേയുടെ യാത്രാ സർവീസുകളിൽ 2004ൽ 8000 കോടി രൂപയായിരുന്നു നഷ്ടം. എന്നാൽ ഇപ്പോൾ നഷ്ടം 55000 കോടി രൂപയായി

News18 Malayalam | news18-malayalam
Updated: February 8, 2020, 3:23 PM IST
റെയിൽവേ 55000 കോടി രൂപ നഷ്ടത്തിൽ; യാത്രാനിരക്ക് വർധന നഷ്ടം 5% കുറച്ചുവെന്ന് മന്ത്രി
Piyush-Goyal
  • Share this:
ന്യൂഡൽഹി: ഇന്ത്യൻ റെയിൽവേ 55000 കോടി രൂപ നഷ്ടത്തിലാണെന്ന് റെയിൽവേ മന്ത്രി പിയൂഷ് ഗോയൽ. ജനുവരിയിൽ നടപ്പാക്കിയ ട്രെയിൻ യാത്രാനിരക്ക് വർധന മൂലം നഷ്ടം അഞ്ച് ശതമാനം കുറയ്ക്കാൻ സഹായിച്ചുവെന്നും അദ്ദേഹം പറഞ്ഞു. സബ് അർബൻ ഒഴികെയുള്ള എല്ലാ ട്രെയിനുകളിലും കിലോമീറ്ററിന് പരമാവധി നാല് പൈസ വീതമാണ് ജനുവരി മുതൽ വർധന വരുത്തിയത്.

ഇന്ത്യൻ റെയിൽവേയുടെ യാത്രാ സർവീസുകളിൽ 2004ൽ 8000 കോടി രൂപയായിരുന്നു നഷ്ടം. എന്നാൽ ഇപ്പോൾ നഷ്ടം 55000 കോടി രൂപയായി. യാത്രാനിരക്ക് വർധന മാത്രമാണ് പ്രതിസന്ധിക്ക് അൽപ്പമെങ്കിലും പരിഹാരമാകുന്നതെന്ന് പാർലമെന്‍റിൽ ചോദ്യോത്തരവേളയിൽ മന്ത്രി ചൂണ്ടിക്കാട്ടി. എന്നാൽ ജനങ്ങളെ സാരമായി ബാധിക്കുന്നതരത്തിൽ യാത്രാനിരക്ക് വർധിപ്പിക്കാൻ സർക്കാർ ഉദ്ദേശിക്കുന്നില്ല. അതുകൊണ്ടാണ് കിലോമീറ്ററിന് പരമാവധി നാല് പൈസ എന്ന നാമമാത്രമായ നിരക്കിൽ വർധിപ്പിച്ചതെന്നും പിയൂഷ് ഗോയൽ പറഞ്ഞു.

സബർബൻ ഇതര സേവനങ്ങളുടെ കാര്യത്തിൽ, ഒരു കിലോമീറ്ററിന് ഒരു പൈസയുടെ നാമമാത്രമായ വർധനവുണ്ടായിട്ടുള്ളത്. മെയിൽ എഎംഡി എക്സ്പ്രസ് ട്രെയിനുകളിൽ തേർഡ് എസി, സെക്കൻഡ് എസി ക്ലാസുകളിൽ നിരക്ക് യഥാക്രമം കിലോമീറ്ററിന് രണ്ട് പൈസയും കിലോമീറ്ററിന് 4 പൈസയുമാണ് വർദ്ധിപ്പിച്ചത്.

"ചെലവ് വർദ്ധിച്ചുകൊണ്ടിരിക്കുന്നു. വാസ്തവത്തിൽ ഏഴാം ശമ്പള കമ്മീഷൻ നടപ്പിലാക്കിയതിനുശേഷം, ചെലവ് ഗണ്യമായി വർദ്ധിച്ചു, അതുകൊണ്ടാണ് ചാർജ് വർധിപ്പിച്ചത്. 55,000 കോടി രൂപയുടെ നഷ്ടം കണക്കിലെടുക്കുമ്പോൾ ഇപ്പോഴത്തെ ചാർജ് വർധന മൂലം അതിൽ 5 ശതമാനം വരുത്താനാകുമെന്ന് മന്ത്രി പറഞ്ഞു.

റെയിൽ‌വേയെ രക്ഷപ്പെടുത്തുന്നതിനുള്ള നടപടിയുടെ ഭാഗമായാണ് നിരക്ക് വർധിപ്പിച്ചത്. അല്ലാത്തപക്ഷം യാത്രക്കാർക്കുള്ള സേവനങ്ങൾ മെച്ചപ്പെടുത്താൻ കഴിയില്ലെന്നും ഗോയൽ പറഞ്ഞു. ഇന്ത്യൻ റെയിൽ‌വേ അതിന്റെ സേവനങ്ങളും സൌകര്യങ്ങളും കാലത്തിന് അനുസരിച്ച് തുടർച്ചയായി മാറ്റുന്നുണ്ടെന്നും കഴിഞ്ഞ അഞ്ചര വർഷത്തിനിടയിൽ സേവനങ്ങളുടെ നിലവാരം, കൃത്യനിഷ്ഠത, സ്റ്റേഷനുകളുടെ ശുചിത്വം, സുരക്ഷാ ട്രാക്ക് റെക്കോർഡ്, പഴയ ഉപകരണങ്ങൾ മാറ്റിസ്ഥാപിക്കൽ എന്നിവയിൽ ഗണ്യമായ പുരോഗതി കൈവരിച്ചതായും ഗോയൽ പറഞ്ഞു.
First published: February 8, 2020, 3:08 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading