• News
  • Mission Paani
  • Sports
  • Films
  • Gulf
  • Life
  • Career
  • Crime
  • Photos
  • Video
  • Buzz
  • Live TV

റിലയൻസ് ഒഡീഷയിൽ 3000 കോടി നിക്ഷേപിക്കും; ഹൈപവർ അത്ലറ്റിക് സെന്‍റർ സ്ഥാപിക്കും

News18 Malayalam
Updated: November 12, 2018, 3:01 PM IST
റിലയൻസ് ഒഡീഷയിൽ 3000 കോടി നിക്ഷേപിക്കും; ഹൈപവർ അത്ലറ്റിക് സെന്‍റർ സ്ഥാപിക്കും
News18 Malayalam
Updated: November 12, 2018, 3:01 PM IST
ഭുവനേശ്വർ: റിലയൻസ് ഇൻഡസ്ട്രീസ് ലിമിറ്റഡ്(RIL) ഒഡീഷയിൽ 3000 കോടിയുടെ നിക്ഷേപം നടത്തും. കഴിഞ്ഞ വർഷങ്ങളിലായി ആറായിരം കോടിയുടെ പദ്ധതികൾ റിലയൻസ് ഒഡീഷയിൽ നടപ്പാക്കി വരുന്നുണ്ട്. ഇതിന് പുറമെയാണ് 3000 കോടി കൂടി നിക്ഷേപിക്കുകയെന്ന് റിലയൻസ് ഇൻഡസ്ട്രീസ് ലിമിറ്റഡ് ചെയർമാനും മാനേജിങ് ഡയറക്ടറുമായ മുകേഷ് അംബാനി പ്രഖ്യാപിച്ചത്. ഒഡീഷ കോൺക്ലേവ് 2018ൽ പങ്കെടുത്ത് സംസാരിക്കുകയായിരുന്നു അദ്ദേഹം. ഒഡീഷയുടെ കായികവികസനത്തിനായി റിലയൻസ് ഫൌണ്ടേഷന്‍റെ ആഭിമുഖ്യത്തിൽ ഹൈപവർ അത്ലറ്റിക് സെന്‍റർ ഒഡീഷയിൽ സ്ഥാപിക്കും. ഇതിലൂടെ കഴിവുള്ള കായികതാരങ്ങളെ കണ്ടെത്തി വിദഗ്ദ്ധ പരിശീലനത്തിലൂടെ ഒളിംപിക് മെഡൽ നേടുന്നതരത്തിലേക്ക് വളർത്തിയെടുക്കുമെന്നും അദ്ദേഹം പ്രഖ്യാപിച്ചു. കൂടാതെ റിലയൻസ് ജിയോയുടെ സഹകരണത്തിൽ ഡിജിറ്റലൈസേഷൻ പദ്ധതികൾ അതിവേഗം നടപ്പാക്കും. ഇതിലൂടെ ഗ്രാമീണ ഒഡീഷയിൽ ഉൾപ്പടെ ജനങ്ങളുടെ ജീവിതം പൂർണമായും ഡിജിറ്റലാക്കി മാറ്റുന്നതിനുള്ള പദ്ധതികളാണ് റിലയൻസ് വിഭാവന ചെയ്യുന്നതെന്നും മുകേഷ് അംബാനി പറഞ്ഞു.

മുകേഷ് അംബാനിയുടെ പ്രസംഗത്തിന്‍റെ പൂർണരൂപം

ആദരണീയനായ മുഖ്യമന്ത്രി നവീൻ പട്നായിക്,

മഹതികളെ, മഹാൻമാരെ
എല്ലാവർക്കും നല്ലൊരു പ്രഭാതം ആശംസിക്കുന്നു...

ഒഡിഷ കോൺക്ലേവ് 2018ൽ പങ്കെടുക്കാൻ അവസരം ലഭിച്ചത് വലിയൊരു ആദരവായി തോന്നുന്നു. സർവ്വേശ്വരനും പ്രപഞ്ച സ്രഷ്ടാവുമായ പുരിയിലെ ശ്രീ ജഗന്നാഥിനെ പ്രാർഥിച്ചുകൊണ്ട് തുടങ്ങാം.

എന്റെ പിതാവ് ശ്രീ ധീരുഭായ് അംബാനിയും ശ്രീ ബിജു പട്നായികും തമ്മിൽ ആഴത്തിലുള്ള സുഹൃദ്ബന്ധം ഈ അവസരത്തിൽ ഓർക്കുന്നു. അസാധ്യമായിട്ടൊന്നുമില്ല എന്ന വലിയ പാഠം ഇന്ത്യക്കാരെ പഠിപ്പിച്ചവരാണ് രണ്ടുപേരും. എട്ട് ശതമാനം വളർച്ചാനിരക്കുള്ള ഒഡീഷ ഇക്കാര്യത്തിൽ ദേശീയ ശരാശരിയേക്കാൾ മുകളിലാണ്. മുഖ്യമന്ത്രി നവീൻ പട്നായിക്കിന്റെ നേതൃത്വത്തിലുള്ള നേതൃത്വത്തിൽ ഒഡീഷ വളരെ അനുയോജ്യമായ ഒരു നിക്ഷേപ കേന്ദ്രമായി മാറിയിരിക്കുകയാണ്.
Loading...

നവീൻജി, താങ്കളുടെ കഴിവുള്ള ടീമിന് എന്റെ ഊഷ്മളമായ അഭിനന്ദനങ്ങൾ.

സുഹൃത്തുക്കളെ,
പുതിയ ഒഡീഷയെ കെട്ടിപ്പടുക്കുന്നതിനുള്ള ഒഡീഷ മിഷനിൽ ആശ്രയിക്കാവുന്ന പങ്കാളികളാണ് റിലയൻസും ജിയോയും. ഇന്ന്, ഒഡീഷയിലെ ഏറ്റവും വലിയ നിക്ഷേപകരിലൊരാളായി റിലയൻസ് മാറിയിരിക്കുന്നു.
ഒഡീഷയിൽ റിലയൻസ് 6,000 കോടി രൂപ മുതൽ മുടക്കിയിട്ടുണ്ട്. ഒഡീഷയിലെ വിവിധ ബിസിനസുകളിൽ അടുത്ത മൂന്ന് വർഷത്തിനുള്ളിൽ 3,000 കോടി രൂപയുടെ നിക്ഷേപം നടത്തും. എല്ലാവരെയും ശാക്തീകരിക്കുകയെന്ന ലക്ഷ്യവുമായാണ് ഞങ്ങളുടെ നിക്ഷേപം.

ഞങ്ങളുടെ നിക്ഷേപങ്ങളിൽ ഭൂരിഭാഗവും ജിയോ നെറ്റ്വർക്ക് സൃഷ്ടിക്കുന്നതിലാണ്. റിലയസിന് ജിയോ വെറും മറ്റൊരു ബിസിനസല്ല. ഒഡീഷയെ രൂപപ്പെടുത്തുന്നതിന്, ഇന്ത്യയെ രൂപാന്തരപ്പെടുത്തുന്ന ഒരു ദൗത്യമാണിത്.
സംസ്ഥാനത്ത് 30,000 ൽ കൂടുതൽ ആളുകൾക്ക് നേരിട്ടും അല്ലാതെയുമുള്ള പുതിയ തൊഴിലവസരങ്ങൾ സൃഷ്ടിച്ചിരിക്കുന്നു.

പ്രിയ സുഹൃത്തുക്കളെ,
ഡിജിറ്റൽ സമ്പദ് വ്യവസ്ഥയിൽ ഇന്ത്യയെ ലോകത്തിലെതന്നെ മുൻനിരക്കാരാക്കാനാണ് നമ്മുടെ പ്രധാനമന്ത്രിയുടെ പ്രചോദനകരമായ ഡിജിറ്റൽ ഇന്ത്യ എന്ന കാഴ്ചപ്പാട് . ഇന്ന്, ലോകത്തിലെ ഏറ്റവും വേഗതയേറിയ ഡിജിറ്റൽ സമ്പദ് വ്യവസ്ഥ ഇന്ത്യയാണ്. ജിയോ ഇന്ത്യയുടെ ഡിജിറ്റൽ പരിവർത്തനത്തിന് വേഗമേകുന്നത് ജിയോയാണ്.

രണ്ട് വർഷങ്ങൾക്ക് മുൻപ് ജിയോ പ്രവർത്തനം ആരംഭിച്ചപ്പോൾ, മൊബൈൽ ബ്രോഡ്ബാൻഡ് വ്യാപനത്തിൽ 155-ാം സ്ഥാനത്തു നിന്നാണ് ഇന്ത്യ ലോകത്തിലെ മൊബൈൽ ഡാറ്റ ഉപയോഗത്തിൽ ഒന്നാം സ്ഥാനത്തുള്ള രാജ്യമായി മാറിയിരുന്നത്. എല്ലായിടത്തും എല്ലാം ബന്ധിപ്പിക്കുന്നതിന് ഞങ്ങൾ പ്രതിജ്ഞാബദ്ധരാണ്, എല്ലായിടത്തും എല്ലായ്പ്പോഴും മികച്ച നിലവാരവും എല്ലാവർക്കും താങ്ങാനാകുന്ന നിരക്കുമാണ് ജിയോ ഏർപ്പെടുത്തിയിരിക്കുന്നത്.

ഡിജിറ്റൽ ബിസിനസിൽ ശ്രദ്ധ കേന്ദ്രീകരിക്കാൻ എനിക്ക് വലിയ കാരണം ഉണ്ട്. ഡിജിറ്റൽ വിപ്ലവത്തിന്റെ പ്രതീകമാണ് ലോകം. ഡിജിറ്റൽ സംഗീതം, സിനിമകൾ, കൊമേഴ്സ്, ബാങ്കിംഗ്, കാറുകൾ, വീട്, ആരോഗ്യം, വിദ്യാഭ്യാസം - ലോകത്തിന്റെ എല്ലാ മേഖലകളും ഡിജിറ്റലാകുന്നു. ഡിജിറ്റൽ ടെക്നോളജികൾ സമ്പദ് വ്യവസ്ഥയുടെയും ജീവിതത്തിലെയും എല്ലാ മേഖലകളെയും പൂർണ്ണമായും മാറ്റിമറിക്കും. നമ്മുടെ സമയത്തെ ഏറ്റവും ശക്തമായ കണക്ടിവിറ്റി-ഡിജിറ്റൽ സാങ്കേതികവിദ്യ ഉപകരണം ഉപയോഗിച്ച് ഇത് സാധ്യമാകും. ആർട്ടിഫിഷ്യൽ ഇന്‍റലിജൻസിന്‍റെ എല്ലാ സാധ്യതകളും ഉപയോഗിച്ച് ചരിത്രത്തിൽ മുമ്പെങ്ങുമില്ലാത്തവിധമുള്ള ഡിജിറ്റലൈസേഷനാണ് നടപ്പാക്കുന്നത്. ഇതുവഴി സംസ്ഥാനത്തിന്റെ എല്ലാ മുക്കിലും മൂലയിലും പ്രത്യേകിച്ച് ഗ്രാമീണ ഒഡീഷയുടെ ജീവിതം തന്നെ ഡിജിറ്റലാക്കിമാറ്റുകയെന്നതാണ് ഞങ്ങളുടെ ലക്ഷ്യം.

വിദ്യാഭ്യാസം, ആരോഗ്യപരിചരണം എന്നിവ മെച്ചപ്പെടുത്തുക, ജനങ്ങളുടെ ജീവിതം കൂടുതൽ പ്രകാശമുള്ളതാക്കി മാറ്റുക, വളരെയധികം പുതിയ ജീവനോപാധികൾ ലഭ്യമാക്കുക, ഓരോ പൌരനും പരസ്പരം ബന്ധിപ്പിച്ച് അവരെ പരസ്പരം ബന്ധിപ്പിക്കുന്നതിനും പ്രാപ്തമാക്കുക, എന്നീ ലക്ഷ്യങ്ങളോടെ ജിയോയിലൂടെ സംസ്ഥാനത്തെ എല്ലാ നഗരങ്ങളെയും 43000ഓളം ഗ്രാമങ്ങളെയും ബന്ധിപ്പിക്കുന്ന പദ്ധതിയാണ് നടപ്പാക്കുന്നത്. കഴിഞ്ഞ എട്ടുമാസത്തിനുള്ളിൽ ഒഡീഷയിലെ ദശലക്ഷക്കണക്കിന് ഗ്രാമവാസികൾക്ക് താങ്ങാനാവുന്ന സ്മാർട്ട് ഫോണുകൾ ലഭ്യമാക്കിയിട്ടുണ്ട്. അവരുടെ ജീവിതം ഡിജിറ്റലായി മാരുന്നു. ഒപ്പം ശാക്തീകരിക്കപ്പെടുകയും ചെയ്യുന്നു.
മിക്ക ഗ്രാമീണർക്കും ഇത് അവരുടെ ആദ്യ ഫോണാണ്, അവരുടെ ആദ്യ റേഡിയോ, മ്യൂസിക് പ്ലെയർ
അവരുടെ ആദ്യ ടി.വി, അവരുടെ ആദ്യ ക്യാമറ, അങ്ങനെ അവരുടെ ജീവിതത്തിൽ ഇന്റർനെറ്റിന്റെയും കൃത്രിമ ഇന്റലിജൻസിന്റെയും അവരുടെ ആദ്യ ആമുഖവും. ഇതെല്ലാം ലഭിക്കുന്നതിന് മാസത്തിൽ 100 ​​രൂപ മാത്രമാണ് ചെലവ്. സാധാരണക്കാർക്ക് താങ്ങാനാവുന്ന കണക്റ്റിവിറ്റി ലോകത്ത് മറ്റെങ്ങുമില്ലെന്ന് തന്നെ പറയാം.

ഒഡീഷയിലെ പ്രതിശീർഷ ഉൽപ്പന്ന ഉപഭോഗം രാജ്യത്ത് ഏറ്റവും ഉയർന്നതായി റിപ്പോർട്ട് ചെയ്യുമ്പോൾ എനിക്ക് സന്തോഷമുണ്ട്. വിദ്യാഭ്യാസം, സാമ്പത്തിക സേവനങ്ങൾ, വിനോദം എന്നിവയ്ക്കായുള്ള വിപുലമായ ഡിജിറ്റൽ കണക്റ്റിവിറ്റി ആളുകൾ ഉപയോഗിക്കുന്നു. "മിഷൻ ശക്തി" പദ്ധതി പ്രകാരം ഡിജിറ്റൽ മുഖ്യധാരയിൽ രാജ്യത്തെ മറ്റ് ഭാഗങ്ങളിൽ ചെയ്തതുപോലെ ലക്ഷക്കണക്കിന് സ്ത്രീകളെ സംയോജിപ്പിച്ച് ഞങ്ങൾ ഒഡീഷ സർക്കാരുമായി ചേർന്ന് പ്രവർത്തിക്കുന്നു.

സുഹൃത്തുക്കളെ,
ഒഡീഷയെ കൂടുതൽ ഡിജിറ്റൽ ഭാവിയിലേക്ക് പ്രേരിപ്പിക്കാനുള്ള മറ്റൊരു നടപടി ഞങ്ങൾ സ്വീകരിക്കുന്നുണ്ട്.
ജിയോഗിഗാഫൈബറിലൂടെ, ഞങ്ങൾ ഫൈബർ-ടു-ഹോം വഴി വീടുകളിൽ അതിവേഗ ഇന്‍റർനെറ്റ് ലഭ്യമാക്കുന്ന പദ്ധതിയും ആരംഭിച്ചിട്ടുണ്ട്. ബ്രോഡ്ബാൻഡ് ഉപഭോഗത്തിൽ നിലവിലുള്ള 135-ാം റാങ്കിൽനിന്ന് ആദ്യ മൂന്നു സ്ഥാനങ്ങളിലേക്ക് ഉയർത്തുകയെന്നതാണ് ഞങ്ങളുടെ അടുത്ത ലക്ഷ്യം. ഇന്ത്യയിലെതന്നെ ഏറ്റവും വികസിതമായ ഡിജിറ്റൽ സംവിധാനമാക്കി ഒഡീഷയെ മാറ്റാൻ ഞങ്ങൾ നിങ്ങളോടൊപ്പമുണ്ടാകും.

സുഹൃത്തുക്കളെ,
ലോകത്തിലെ ഏറ്റവും വലിയ ഓൺലൈൻ കോംപാക്ട് പ്ലാറ്റ്ഫോം സൃഷ്ടിക്കുന്നതിനായാണ് റിലയൻസ് പ്രവർത്തിക്കുന്നത്. രാജ്യത്ത് മൂന്നു കോടി വ്യാപാരികളുടെയും അവരുടെ ബിസിനസും ഡിജിറ്റലാക്കി മാറ്റുന്നതിനായാണ് ഞങ്ങൾ പ്രവർത്തിക്കുന്നത്. വൻകിട സംരംഭകരും വലിയ ഇ കൊമേഴ്സ് സ്ഥാപനങ്ങളുമൊക്കെ ചെയ്യുന്നതുപോലെ ബിസിനസ് ഡിജിറ്റലാക്കി മാറ്റാൻ ചെറുകിട വ്യാപാരികളെ പ്രാപ്തരാക്കും. ഒഡീഷയിലെ ചെറുകിട ഇടത്തരം സംരഭകരെ സഹായിക്കുംവിധം അവരുടെ വ്യാപാരം ഏളുപ്പമുള്ളതാക്കി മാറ്റുന്നതിനും റിലയൻസും ജിയോയും സഹായിക്കും. ഒഡീഷയിലെ കഴിവുള്ള യുവാക്കൾക്ക് അവരുടെ സ്വന്തം നാട്ടിൽ ദശലക്ഷക്കണക്കിന് പുതിയ തൊഴിൽ അവസരങ്ങൾ സൃഷ്ടിക്കും.

ബഹുമാനപ്പെട്ട മുഖ്യമന്ത്രി,
ഒഡീഷയെ വലിയൊരു കായികശക്തിയാക്കി വളർത്തണമെന്ന അങ്ങയുടെ സ്വപ്നത്തെക്കുറിച്ച് അറിയാം. അതിനായി ഒഡീഷ ഹൈ പെർഫോമൻസ് അത്ലറ്റിക്സ് സെന്റർ സ്ഥാപിക്കുന്നതിനായി റിലയൻസ് ഫൗണ്ടേഷൻ, സംസ്ഥാന സർക്കാരുമായി സഹകരിക്കാൻ തയ്യാറാണ്. പ്രാദേശികമായി കഴിവുള്ളവരെ കണ്ടെത്തി ലോകോത്തര പരിശീലകരുടെ കീഴിൽ പരിശീലിപ്പിച്ച് ഒഡീഷയിൽനിന്ന് നാളെയുടെ ഒളിമ്പിക്സ് മെഡൽ ജേതാക്കളെ വളർത്തിയെടുക്കാൻ ഈ കേന്ദ്രം പരിശ്രമിക്കും.

സുഹൃത്തുക്കളെ,
അവസാനമായി, ഞാൻ ബിജു പട്നായിക്കിൻറെ പ്രചോദനകരമായ ഒരു പ്രഭാഷണത്തിൽ നിന്ന് ഉദ്ധരിക്കട്ടെ.
"സ്വന്തം കഴിവിൽ അഭിമാനിക്കുന്ന ചെറുപ്പക്കാരുടെയും സ്ത്രീകളുടെയും ബുദ്ധിശക്തി, ശേഷി എന്നിവയിലൂടെ കലിംഗയുടെ മഹത്വം വർദ്ധിപ്പിക്കുയെന്നതാണ് 21-ാം നൂറ്റാണ്ടിനെക്കുറിച്ച് എന്‍റെ സ്വപ്നം.
ഇത് നിങ്ങളുടേതുപോലെയുള്ള സ്വപ്നമാണ്.

ഒഡീഷയെ ഇന്ത്യയിലെതന്നെ ഏറ്റവുമധികം ആഗോളവൽക്കരിക്കപ്പെട്ട മേഖലകളിലൊന്നാക്കി മാറ്റും. കഴിഞ്ഞകാലങ്ങളിൽ തെക്ക്-കിഴക്കനേഷ്യയുമായുള്ള വ്യാപാര-സാംസ്കാരിക ബന്ധം സ്ഥാപിച്ചത് ഇതിന് വഴിയൊരുക്കുമെന്ന് ഉറപ്പാണ്.

കൊണാർക്കിലെ മഹത്തായ സൂര്യക്ഷേത്രത്തിന് സമാനമായി ഒഡീഷയിൽ പുതിയ അത്ഭുതങ്ങൾ സൃഷ്ടിക്കുന്നതിനായി നമുക്ക് ഒരുമിച്ച് പ്രവർത്താക്കാം...

എല്ലാവർക്കും നന്ദി
First published: November 12, 2018
കൂടുതൽ കാണുക
Loading...
അടുത്തത് വാര്‍ത്തകള്‍
Loading...