HOME » NEWS » Money » TECH CENTRE GOVT OFFICIALS NOW REPORTEDLEY USING DESI APP SANDES AS WHATSAPP ALTERNATIVE GH

Sandes | വാട്സ്ആപ്പിന് ബദലായി സ്വദേശി ആപ്പ് 'സന്ദേശ്' സര്‍ക്കാർ ഉദ്യോഗസ്ഥർ ഉപയോഗിച്ചു തുടങ്ങി

സോഷ്യൽ മീഡിയ നെറ്റ്വർക്കുകളിൽ നിന്ന് സർക്കാർ ജീവനക്കാരെ ഒഴിവാക്കുന്നതിനാണ് വാട്ട്സ്ആപ്പിന് ഇത്തരത്തിൽ ഒരു ബദൽ ഉണ്ടാക്കാനുള്ള നീക്കം. സന്ദേശിന്‍റെ ഉപയോഗം നിലവിൽ സർക്കാർ ഉദ്യോഗസ്ഥർക്ക് മാത്രമായി പരിമിതപ്പെടുത്തിയിട്ടുണ്ട്

News18 Malayalam | news18-malayalam
Updated: February 9, 2021, 8:23 AM IST
Sandes | വാട്സ്ആപ്പിന് ബദലായി സ്വദേശി ആപ്പ് 'സന്ദേശ്' സര്‍ക്കാർ ഉദ്യോഗസ്ഥർ ഉപയോഗിച്ചു തുടങ്ങി
Sandes App
  • Share this:
ന്യൂഡൽഹി: വാട്ട്സ്ആപ്പിന് ബദലായി കേന്ദ്രസർക്കാരിന്‍റെ 'സന്ദേശ്' ആപ്പ്, സർക്കാർ ഉദ്യോഗസ്ഥർ ഈ സ്വദേശി ആപ്പ് ഉപയോഗിച്ച് തുടങ്ങിയതായും റിപ്പോർട്ട്. വാട്സ്ആപ്പ് ചാറ്റിന് സമാനമായ ആപ്പ് പുറത്തിറക്കാനുള്ള പദ്ധതികൾ കഴിഞ്ഞ വർഷം സർക്കാർ സ്ഥിരീകരിച്ചിരുന്നു. ആ ആപ്ലിക്കേഷൻ തയ്യാറാക്കിയതായും തുടക്കത്തിൽ മന്ത്രാലയ ഉദ്യോഗസ്ഥർ ആപ്പ് ഉപയോഗിക്കാൻ തുടങ്ങിയതായുമാണ് വിവരം.

ചില മന്ത്രാലയങ്ങളിലെ ഉദ്യോഗസ്ഥർ മെസേജുകൾ അയയ്ക്കുന്നതിനായി ജിംസ് (GIMS) അഥവാ Government Instant Messaging System എന്ന പ്ലാറ്റ്ഫോം ഉപയോഗിക്കാൻ തുടങ്ങിയിട്ടുണ്ടെന്ന് ബിസിനസ് സ്റ്റാൻഡേർഡ് ആണ് റിപ്പോർട്ട് ചെയ്യുന്നത്. കഴിഞ്ഞ വർഷം, സർക്കാർ നിർമ്മിച്ച ചാറ്റിംഗ് ആപ്പിന് ജിംസ് എന്നാണ് പേരിട്ടിരിക്കുന്നതെന്ന് നിരവധി റിപ്പോർട്ടുകൾ നേരത്തെ പുറത്തു വന്നിരുന്നു.

Also Read-WhatsApp privacy policy | പ്രചരിക്കുന്ന കാര്യങ്ങളും സത്യാവസ്ഥയും

ബിസിനസ് സ്റ്റാൻഡേർഡിന്റെ റിപ്പോർട്ട് സ്ഥിരീകരിക്കുന്ന തരത്തിൽ gims.gov.in എന്ന പേജും നിലവിലുണ്ട്. സൈൻ-ഇൻ, എൽഡിഎപി, സാൻഡെസ് ഒടിപി, സാൻഡെസ് വെബ് എന്നിവയുൾപ്പെടെ ലോഗിൻ ചെയ്യുന്നതിനുള്ള ചില വഴികളും വ്യക്തമാക്കിയിട്ടുണ്ട്. ഇതിൽ ഏതെങ്കിലും ഓപ്ഷനുകളിൽ ടാപ്പുചെയ്യുമ്പോൾ, "അംഗീകൃത സർക്കാർ ഉദ്യോഗസ്ഥർക്ക് മാത്രം ഈ പ്രാമാണീകരണ രീതി ബാധകമാണ്" എന്ന തരത്തിലുള്ള സന്ദേശം പേജിൽ തെളിഞ്ഞു വരും.

Also Read- Signal App | വാട്സാപ്പിന്റെ പകരക്കാരൻ, കൂടുതൽ സുരക്ഷിതം; സിഗ്നലിനെ കുറിച്ച് അറിയേണ്ടതെല്ലാം

സോഷ്യൽ മീഡിയ നെറ്റ്വർക്കുകളിൽ നിന്ന് സർക്കാർ ജീവനക്കാരെ ഒഴിവാക്കുന്നതിനാണ് വാട്ട്സ്ആപ്പിന് ഇത്തരത്തിൽ ഒരു ബദൽ ഉണ്ടാക്കാനുള്ള നീക്കം.  സന്ദേശിന്‍റെ ഉപയോഗം നിലവിൽ സർക്കാർ ഉദ്യോഗസ്ഥർക്ക് മാത്രമായി പരിമിതപ്പെടുത്തിയിട്ടുണ്ടെന്നും റിപ്പോർട്ട് കൂട്ടിച്ചേർക്കുന്നു.
ഐഒഎസ്, ആൻഡ്രോയിഡ് പ്ലാറ്റ്ഫോമുകളിൽ സന്ദേശ് ആപ്ലിക്കേഷൻ പ്രവർത്തിപ്പിക്കാൻ കഴിയുമെന്ന് റിപ്പോർട്ടിൽ പറയുന്നു.

Also Read-Whatsapp Pay | ഇനി വാട്സാപ്പ് വഴി പണം അയയ്ക്കാം; എങ്ങനെയെന്ന് നോക്കാം

ആധുനിക ചാറ്റിംഗ് അപ്ലിക്കേഷനുകൾക്ക് സമാനമായ വോയ്സ്, ഡാറ്റ എന്നിവയും ഇതു വഴി അയയ്ക്കാം.  ഇലക്ട്രോണിക്സ്, ഇൻഫർമേഷൻ ടെക്നോളജി മന്ത്രാലയത്തിന്റെ കീഴിലുള്ള നാഷണൽ ഇൻഫോർമാറ്റിക്സ് സെന്റർ എൻഐസിയാണ് സന്ദേശ് ആപ്പ് കൈകാര്യം ചെയ്യുന്നതെന്നും റിപ്പോർട്ടിൽ വ്യക്തമാക്കുന്നു. മാതൃ കമ്പനിയായ ഫേസ്ബുക്കുമായി കൂടുതൽ ഡാറ്റ പങ്കിടുന്ന പുതിയ സ്വകാര്യതാ നയവുമായി വാട്ട്സ്ആപ്പ് മുന്നോട്ട് കൊണ്ടുപോകുമ്പോൾ സന്ദേശ് ആപ്പിന്‍റെ ആരംഭം നിർണായകമായേക്കും.
Published by: Asha Sulfiker
First published: February 9, 2021, 8:10 AM IST
കൂടുതൽ കാണുക
അടുത്തത് വാര്‍ത്തകള്‍

Top Stories