കോൺഗ്രസുമായി ബന്ധമുള്ള 687 പേജുകൾ ഫേസ്ബുക്ക് നീക്കംചെയ്തു

news18
Updated: April 1, 2019, 5:33 PM IST
കോൺഗ്രസുമായി ബന്ധമുള്ള 687 പേജുകൾ ഫേസ്ബുക്ക് നീക്കംചെയ്തു
News 18
  • News18
  • Last Updated: April 1, 2019, 5:33 PM IST
  • Share this:
ന്യൂഡൽഹി: കോൺഗ്രസുമായി ബന്ധമുള്ള 687 പേജുകൾ നീക്കം ചെയ്തതായി ഫേസ്ബുക്ക് അറിയിച്ചു. രാഷ്ട്രീയ എതിരാളികൾക്കെതിരെ സോഷ്യൽമീഡിയയിൽ സംഘടിതമായി അപവാദപ്രചാരണം നടത്തിയ പേജുകൾക്കെതിരെയാണ് നടപടി. ഫേസ്ബുക്കിന് 30 ലക്ഷം ഉപയോക്താക്കളുള്ള ഇന്ത്യയിലെ പ്രധാന രാഷ്ട്രീയ പാർട്ടി അനുയായികളുടെ പേജിനെതിരെ അപ്രതീക്ഷിതമായാണ് കടുത്ത നടപടി. വ്യാജ അക്കൌണ്ടുകൾ ഉണ്ടാക്കി വിവിധ ഗ്രൂപ്പുകളിൽ ചേർന്ന് സംഘടിതമായി അപവാദം പ്രചരിപ്പിച്ചത് അന്വേഷണത്തിൽ വ്യക്തമായെന്ന് ഫേസ്ബുക്ക് അധികൃതർ പറയുന്നു. രാഷ്ട്രീയ എതിരാളികളായ ബിജെപിക്കും പ്രധാനമന്ത്രി നരേന്ദ്ര മോദിക്കുമെതിരെയുമാണ് സൈബറിടത്തിൽ കോൺഗ്രസ് പ്രവർത്തകർ അപവാദം പ്രചരിപ്പിച്ചത്.

ഒരു പ്രത്യേക വിഷയത്തിൽ അപവാദം പ്രചരിപ്പിച്ചതുമായി ബന്ധപ്പെട്ട അന്വേഷണത്തിലാണ് അതിൽ ഉൾപ്പെട്ടവരെല്ലാം കോൺഗ്രസുമായി അടുപ്പമുള്ളവരാണെന്ന് വ്യക്തമായത്- ഫേസ്ബുക്ക് സൈബർ സെക്യൂരിറ്റി തലവൻ നഥാനിയേൽ ഗ്ലെയ്ച്ചർ പറയുന്നു. ഈ അക്കൌണ്ടുകൾ നിരീക്ഷിച്ച ശേഷമാണ് അവ നീക്കം ചെയ്യാൻ തീരുമാനിച്ചത്. ഇന്ത്യയിൽ പൊതുതെരഞ്ഞെടുപ്പിന് മുന്നോടിയായാണ് ഫേസ്ബുക്കിന്‍റെ അപ്രതീക്ഷിത നടപടി. ഏപ്രിൽ 11 മുതൽ മെയ് 19 വരെ ഏഴ് ഘട്ടമായാണ് പൊതുതെരഞ്ഞെടുപ്പ് നടക്കുന്നത്.

'രാഹുല്‍ ഗാന്ധിയെ ഞാന്‍ അമുല്‍ ബേബിയെന്ന് വിളിച്ചിട്ടുണ്ട്, അത് വെറുതെ പറഞ്ഞതായിരുന്നില്ല': വി.എസ്

പ്രധാനമന്ത്രി നരേന്ദ്ര മോദിയെ രൂക്ഷമായി കടന്നാക്രമിക്കുകയും കോൺഗ്രസ് അധ്യക്ഷൻ രാഹുൽ ഗാന്ധിയെ പിന്തുണയ്ക്കുകയും ചെയ്യുന്ന പോസ്റ്റുകളാണ് നീക്കം ചെയ്യപ്പെട്ട പേജുകളിൽ കൂടുതലായും പ്രചരിപ്പിച്ചിരുന്നത്.

ഇതുകൂടാതെ ഇന്ത്യയ്ക്കെതിരെ അപവാദം പ്രചരിപ്പിക്കുന്ന പാകിസ്ഥാനിൽനിന്നുള്ള 103 അക്കൌണ്ടുകൾക്കെതിരെയും ഗ്രൂപ്പുകൾക്കെതിരെയും നടപടിയെടുത്തിട്ടുണ്ടെന്ന് ഫേസ്ബുക്ക് വ്യക്തമാക്കി. ഇതിൽ ചില പേജുകൾക്ക് പാക് സൈന്യവുമായി ബന്ധമുണ്ടെന്നും കണ്ടെത്തിയിട്ടുണ്ട്.
First published: April 1, 2019, 5:33 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading