One Plus Nord CE 2 | വൺ പ്ലസ് നോർഡ് സിഇ 2 5ജി ഫെബ്രുവരി 17ന് അവതരിപ്പിക്കുന്നു; വിലയും മറ്റു വിവരങ്ങളും അറിയാം

വൺ പ്ലസ് അവരുടെ പുതിയ സ്മാർട്ട്ഫോണായ Nord CE 2 5G ഫെബ്രുവരി 17 ന് അവതരിപ്പിക്കുന്നു. കൂടാതെ OnePlus Nord CE 5G യുടെ പിൻഗാമിക്ക് നിരവധി പ്രത്യേകതകൾ ഉണ്ടാകുമെന്നാണ് ടെക് ലോകത്തെ വിദഗ്ദർ പറയുന്നത്. ഈ ഫോണിന് മീഡിയടെക് ഡൈമെൻസിറ്റി 900 ചിപ്‌സെറ്റ് പ്രോസസറായി വരുന്നതെന്ന് വൺപ്ലസ് ഇതിനകം സ്ഥിരീകരിച്ചിട്ടുണ്ട്. ഈ വർഷം രണ്ട് നിറങ്ങളിൽ ഇത് വിപണിയിൽ വരുമെന്നാണ് സൂചന. Nord CE 2 5G യുടെ മിക്ക സവിശേഷതകളും സാധ്യമായ വിലയും അനൌദ്യോഗികമായി പുറത്തുവന്നിട്ടുണ്ട്.

OnePlus Nord CE 2 5G ഇന്ത്യയിൽ വില (പ്രതീക്ഷിക്കുന്നത്)

6 ജിബി റാം + 128 ജിബി സ്റ്റോറേജ് മോഡലിന് ഇന്ത്യയിൽ OnePlus Nord CE 2 5G വില 23,999 രൂപയിൽ ആരംഭിക്കാമെന്ന് വിവരം പുറത്തുവിച്ച യോഗേഷ് ബ്രാർ സൂചന നൽകുന്നു. 8 ജിബി റാം + 128 ജിബി വേരിയന്റിന് 25,999 രൂപ ആയിരിക്കും. OnePlus Nord CE 2 5G ബഹാമ ബ്ലൂ, ഗ്രേ മിറർ നിറങ്ങളിൽ വിപണിയിലെത്തും. OnePlus Nord CE 2 5G ഈ ആഴ്ച ലോഞ്ച് ചെയ്തതിന് ശേഷം ഉടൻ തന്നെ വിൽപ്പനയ്‌ക്കെത്തുമെന്നും ബ്രാർ കൂട്ടിച്ചേർക്കുന്നു.

OnePlus Nord CE 2 5G സ്പെസിഫിക്കേഷനുകൾ (പ്രതീക്ഷിക്കുന്നത്)

OnePlus Nord CE 2 5G സ്മാർട്ട്‌ഫോണിന്റെ ഹാർഡ്‌വെയർ നിർമ്മാണത്തെക്കുറിച്ചും ടിപ്‌സ്റ്റർ സംസാരിച്ചു. ഇത് അനുസരിച്ച്, OnePlus Nord CE 2 5G-ന് 6.43 ഇഞ്ച് AMOLED ഡിസ്‌പ്ലേ ഉണ്ടാകും. അത് ഫുൾ HD+ റെസല്യൂഷൻ, HDR10+ സർട്ടിഫൈഡ്, 90Hz പുതുക്കൽ നിരക്ക് എന്നിവയെ പിന്തുണയ്ക്കുന്നു. കോർണിംഗ് ഗൊറില്ല ഗ്ലാസ് പ്രൊട്ടക്ഷനും ഉൾപ്പെടുത്താൻ സാധ്യതയുണ്ട്.

Nord CE 2 5G, പ്രോസസറായി MediaTek Dimensity 900 SoC നൽകുന്നതാണെന്ന് OnePlus ഇതിനകം സ്ഥിരീകരിച്ചിട്ടുണ്ട്, കൂടാതെ ഇത് 6GB, 8GB റാം ഓപ്ഷനുകളുമായി ആകും ഇത് വിപണിയിലെത്തുകയെന്ന് റിപ്പോർട്ട് പറയുന്നു. OnePlus Nord CE 2 5G-ൽ 64 മെഗാപിക്സൽ പ്രൈമറി സെൻസർ, 8 മെഗാപിക്സൽ അൾട്രാ വൈഡ് ആംഗിൾ സെൻസർ, 2 മെഗാപിക്സൽ സെൻസർ എന്നിവ അടങ്ങുന്ന ട്രിപ്പിൾ റിയർ ക്യാമറ സജ്ജീകരണം ഉൾപ്പെടാൻ സാധ്യതയുണ്ട്.

ഫോണിന്‍റെ മുൻവശത്ത്, 16 മെഗാപിക്സൽ ക്യാമറ വഹിക്കുമെന്ന് പ്രതീക്ഷിക്കാം. ഇന്‍റേണൽ മെമ്മറി വിപുലീകരിക്കാനായി ഒരു മെമ്മറി കാർഡ് ഉൾപ്പെടുത്താൻ സാധിക്കും. ബിൽറ്റ്-ഇൻ 4500mAh ബാറ്ററിക്ക് ഇത്തവണ 65W ഫാസ്റ്റ് ചാർജിംഗ് വാഗ്ദാനം ചെയ്യുന്നതാണ്.