• HOME
  • »
  • NEWS
  • »
  • money
  • »
  • Whatsapp | വാട്സാപ്പിൽ പുതിയ പ്രശ്നം; 'ലാസ്റ്റ് സീൻ' സെറ്റിങ്സ് സ്വയം മാറുന്നതായി പരാതി

Whatsapp | വാട്സാപ്പിൽ പുതിയ പ്രശ്നം; 'ലാസ്റ്റ് സീൻ' സെറ്റിങ്സ് സ്വയം മാറുന്നതായി പരാതി

വെള്ളിയാഴ്ച വൈകീട്ടോടെയാണ് ഈ പ്രശ്നം കാണപ്പെടാന്‍ തുടങ്ങിയതെന്ന് വാട്സാപ്പ് ഉപയോഗിക്കുന്നവർ പറയുന്നു

Whatsapp

Whatsapp

  • Share this:
    ന്യൂഡൽഹി: വാട്സാപ്പിൽ ഒരാൾ ഓൺലൈനിൽ ഉണ്ടോയെന്ന് അറിയുന്നതിനുള്ള മാർഗമാണ് മുകളിൽ പേരിന് താഴെ അയാൾ അവസാനം ഓൺലൈൻ ഉണ്ടായിരുന്ന സ്റ്റാറ്റസ് നോക്കുന്നത്. വാട്ട്സ്‌ആപ്പ് ലാസ്റ്റ് സീന്‍ സെറ്റിംഗാണിത്. എന്നാൽ ഇത് ഉപയോക്താവ് മാറ്റാതെ തന്നെ മാറിയതായാണ് ലോകത്തിന്‍റെ പലഭാഗത്ത് നിന്നും പരാതി ഉയരുന്നത്. വാട്ട്സ്‌ആപ്പ് ഉപയോഗിക്കുന്നവര്‍ എപ്പോള്‍ ഓണ്‍ലൈനില്‍ ഉണ്ടായിരുന്നു എന്ന് കാണിക്കുന്ന, ലാസ്റ്റ് സീന്‍ സെറ്റിംഗാണ് ഉപയോക്താവ് മാറ്റാതെ തന്നെ മാറിയത്. വെള്ളിയാഴ്ച വൈകീട്ടോടെയാണ് ഈ പ്രശ്നം കാണപ്പെടാന്‍ തുടങ്ങിയത്.

    ഒരാൾ എപ്പോള്‍ അവസാനമായി വാട്ട്സ്‌ആപ്പില്‍ ഓണ്‍ലൈനില്‍ ഉണ്ടായിരുന്നുവെന്നും ഓണ്‍ലൈനില്‍ സാന്നിധ്യം മനസിലാക്കാനും സൂചിപ്പിക്കുന്നതാണ് ലാസ്റ്റ് സീന്‍. ഉപയോക്താവിന്‍റെ ചാറ്റിംഗ് ടാബിന്‍റെ മുകളില്‍ പേരിന് താഴെയാണ് ലാസ്റ്റ് സീന്‍ ദൃശ്യമാകുന്നത്. എന്നാല്‍ ലോകത്ത് നിരവധി ഉപയോക്താക്കൾക്ക് ഈ സംവിധാനം അപ്രത്യക്ഷമായതായാണ് പരാതി. ഇതു കാണിക്കാത്തതുകൊണ്ടുതന്നെ ഉപയോക്താവ് ഓൺലൈനിൽ ഉണ്ടോയെന്ന് അറിയാൻ സാധിക്കുന്നില്ല.
    TRENDING:Gold Price| സ്വര്‍ണവിലയിൽ റെക്കോഡ് വർധനവ്; ആറു മാസത്തിനിടയിൽ കൂടിയത് 6400 രൂപ [NEWS]Amazon Alcohol Delivery| കുടിയന്മാർക്ക് സന്തോഷ വാർത്ത; ആമസോണ്‍ ഓണ്‍ലൈൻ മദ്യവിതരണരംഗത്തേക്ക്; ആദ്യം ബംഗാളിൽ [NEWS]RIP Sachy | 'സച്ചിയേട്ടാ, കണ്ണമ്മയെ നിങ്ങൾ കരയിച്ചു': നടി ഗൗരി നന്ദയുടെ ഹൃദയകാരിയായ കുറിപ്പ് [NEWS]
    ഇതേത്തുടർന്നാണ് പലരും ഇതേക്കുറിച്ച് അന്വേഷിച്ചത്. ഇതിനായി സെറ്റിംഗ്സ് ഓപ്ഷനിലെ അക്കൌണ്ട് ഓപ്ഷനില്‍ ലാസ്റ്റ് സീന്‍- എടുത്ത് നോക്കിയപ്പോള്‍ ഇതില്‍ 'നോബഡി' സെലക്‌ട് ചെയ്തതിരിക്കുന്നതായാണ് കണ്ടത്. ഇത് എങ്ങനെ സംഭവിച്ചുവെന്ന് വ്യക്തമല്ല. പലരും മുന്‍പ് 'എവരിബഡി', ' മൈ കോണ്‍ടാക്റ്റ്' എന്നീ ഓപ്ഷനുകളാണ് സെലക്‌ട് ചെയ്തിരുന്നത് എന്ന് ഉറപ്പിച്ച്‌ പറയുന്നു.

    ട്വിറ്ററിലൂടെയും ഫേസ്ബുക്കിലുടെയുമൊക്കെ നിരവധിപ്പേർ വാട്സാപ്പിനെ ടാഗ് ചെയ്തുകൊണ്ട് ഇക്കാര്യം പറയുന്നുണ്ട്. എന്നാൽ ഇതേക്കുറിച്ച് ഔദ്യോഗികപ്രതികരണങ്ങളൊന്നും വാട്സാപ്പ് നടത്തിയിട്ടില്ല.
    Published by:Anuraj GR
    First published: