HOME » NEWS » Money » TODAYS GOLD PRICE GOLD PRICE FOR 25TH MARCH

Gold Price Today | സംസ്ഥാനത്ത് സ്വർണ്ണവില ഉയർന്നു; ഇന്നത്തെ നിരക്കുകൾ അറിയാം

രാജ്യാന്തര വിപണിയിലെ ചാഞ്ചാട്ടങ്ങളാണ് ആഭ്യന്തര വിപണിയിലും പ്രതിഫലിക്കുന്നത്.

News18 Malayalam | news18-malayalam
Updated: March 25, 2021, 12:22 PM IST
Gold Price Today | സംസ്ഥാനത്ത് സ്വർണ്ണവില ഉയർന്നു; ഇന്നത്തെ നിരക്കുകൾ അറിയാം
gold
  • Share this:
സംസ്ഥാനത്ത് സ്വർണ്ണവില ഉയർന്നു.  പവന് 80 രൂപ ഉയർന്ന് 33,600 രൂപയാണ് 22 കാരറ്റ് സ്വർണ്ണത്തിന് ഇന്നത്തെ വില. ഗ്രാമിന് പത്ത് രൂപ കൂടി 4,200 രൂപയും. 24 കാരറ്റ് സ്വര്‍ണ്ണത്തിന് പവന് 96 രൂപയാണ് കൂടിയത്.  36,656 രൂപയാണ് വില. ഗ്രാമിന് 12 രൂപ കൂടി 4,582 രൂപയും. ദേശീയ തലത്തിൽ സ്വർണ്ണവില എട്ട് രൂപ കൂടി 35,224 ൽ എത്തി നിൽക്കുകയാണ്. ഗ്രാമിന് 4,403 രൂപയും. രാജ്യാന്തര വിപണിയിലെ ചാഞ്ചാട്ടങ്ങളാണ് ആഭ്യന്തര വിപണിയിലും പ്രതിഫലിക്കുന്നത്.

സ്വര്‍ണ്ണത്തിന്‍റെ നിക്ഷേപ സാധ്യത ആളുകൾ തിരിച്ചറിഞ്ഞതോടെയാണ് ഈ മഞ്ഞ ലോഹത്തിന്‍റെ മൂല്യം വർധിച്ച് തുടങ്ങിയത്. ലോകത്തെ പിടിച്ചുലച്ച ആഗോള സാമ്പത്തിക മാന്ദ്യത്തിന് ശേഷം 2008 മുതലാണ് സ്വർണ്ണം ഒരു സുരക്ഷിത നിക്ഷേപം എന്ന നിലയ്ക്ക് ആളുകൾ ഗൗരവമായി കണ്ടു തുടങ്ങിയതെന്നാണ് പറയപ്പെടുന്നത്. ഇതിനു ശേഷം സ്വര്‍ണ്ണവിലയിൽ വന്ന വൻ കുതിച്ചു ചാട്ടം ഈ വിലയിരുത്തൽ ശരിവയ്ക്കുന്നത് തന്നെയാണ്.

Also Read-Gold Coins Investment | സ്വർണ്ണനാണയ നിക്ഷേപത്തിന്‍റെ നേട്ടങ്ങളും കോട്ടങ്ങളും അറിയാം

സ്വർണത്തിന്റെ രാജ്യാന്തര വില, ഡോളർ - രൂപ വിനിമയ നിരക്ക്, ഇറക്കുമതി തീരുവ എന്നിവ അടിസ്ഥാനമാക്കിയാണ് സാധാരണയായി വില നിർണയിക്കപ്പെടുന്നത്.
നിലവിൽ ലോകത്തിലെ തന്നെ ഏറ്റവും വലിയ സ്വര്‍ണ്ണ ഉപഭോക്താക്കളാണ് ഇന്ത്യ. ഓരോ വർഷവും ടൺകണക്കിന് സ്വര്‍ണ്ണമാണ് രാജ്യത്ത് ഇറക്കുമതി ചെയ്യപ്പെടുന്നത്. സ്വര്‍ണ്ണത്തിന് ആവശ്യം കൂടിയതോടെ കള്ളക്കടത്തിനും സാധ്യതകൾ കൂടിയിരുന്നു. ഇത്തരത്തിൽ കള്ളക്കടത്തുമായി ബന്ധപ്പെട്ട് നിരവധി പരാതികൾ ഉയർന്ന സാഹചര്യത്തിൽ ഇക്കഴിഞ്ഞ കേന്ദ്ര ബജറ്റില്‍ സ്വർണ്ണത്തിന്‍റെ ഇറക്കുമതി തീരുവ 12.5 ശതമാനത്തില്‍ നിന്ന് 10 ശതമാനമായി കുറച്ചിരുന്നു. സ്വര്‍ണക്കടത്തിന് തടയിടൽ ലക്ഷ്യം വച്ചായിരുന്നു ഈ നീക്കം.

Also Read-വാർധക്യത്തിലും ഇനി വരുമാനം; കേന്ദ്ര സർക്കാർ നടപ്പിലാക്കുന്ന വിവിധ പെൻഷൻ പദ്ധതികളെക്കുറിച്ച് അറിയാം

വില കൂടിയാലും കുറഞ്ഞാലും സ്വർണത്തെ സുരക്ഷിത നിക്ഷേപമായാണ് ജനങ്ങൾ എന്നും കാണുന്നത്. നിക്ഷേപ മൂല്യം എന്നതിലുപരി സ്വർണത്തെ ആഭരണങ്ങളായും നാണയങ്ങളായും കൈവശം വെയ്ക്കാൻ ആളുകൾ താത്പര്യപ്പെടുന്നു.ദീർഘകാല വരുമാന ഉറവിടമായി സ്വർണ്ണം പരിണമിച്ചതോടെയാണ് ആഭരണങ്ങളായി മാത്രം ഉപയോഗിച്ചിരുന്ന ഈ ലോഹം നിക്ഷപമായി വളർന്നത്. നാണയങ്ങളായും മറ്റും സ്വർണ്ണത്തിൽ നിക്ഷേപം നടത്താൻ കൂടുതൽ ആളുകളെ ഇത് പ്രേരിപ്പിക്കുകയും ചെയ്തു. ഓഹരി വിപണിയിലെ ചാഞ്ചാട്ടം കണക്കിലെടുക്കുമ്പോൾ സ്വർണ്ണം കൂടുതൽ സുരക്ഷിതമായ ഒരു നിക്ഷേപ സാധ്യതയെന്നും കരുതപ്പെടുന്നുണ്ട്.
Published by: Asha Sulfiker
First published: March 25, 2021, 8:06 AM IST
കൂടുതൽ കാണുക
അടുത്തത് വാര്‍ത്തകള്‍

Top Stories