• HOME
  • »
  • NEWS
  • »
  • money
  • »
  • PPF | എന്തുകൊണ്ട് പിപിഎഫ് അക്കൗണ്ട് തുടങ്ങണം? നേട്ടങ്ങൾ അറിയാം

PPF | എന്തുകൊണ്ട് പിപിഎഫ് അക്കൗണ്ട് തുടങ്ങണം? നേട്ടങ്ങൾ അറിയാം

വിരമിക്കലിനു ശേഷം സാമ്പത്തിക സുരക്ഷ ഉറപ്പാക്കുക എന്ന ലക്ഷ്യത്തോടെയാണ് ധനമന്ത്രാലയത്തിന്റെ കീഴിലുള്ള നാഷണൽ സേവിംഗ്സ് ഇൻസ്റ്റിറ്റ്യൂട്ട് 1968 ൽ പിപിഎഫ് പദ്ധതി ആരംഭിച്ചത്.

  • Share this:
    ആ​ദിൽ ഷെട്ടി, സിഇഒ, ബാങ്ക് ബസാർ.കോം

    ഭാവിയിലേക്കുള്ള സമ്പാദ്യം കരുതുന്നതിന് ഏറ്റവും സുരക്ഷിതവും സൗകര്യപ്രദവുമായ മാർഗങ്ങളിലൊന്നാണ് പബ്ലിക് പ്രൊവിഡന്റ് ഫണ്ട് (Public provident Fund) അഥവാ പിപിഎഫ്. റിട്ടേൺ ഉറപ്പുള്ള ഒരു നിക്ഷേപ മാർ​ഗം കൂടിയാണിത്. 15 വർഷത്തെ ലോക്ക്-ഇൻ കാലയളവും പബ്ലിക് പ്രൊവിഡന്റ് ഫണ്ടിനുണ്ട്. മെച്യൂരിറ്റി കാലയളവിന് ശേഷം ലഭിക്കുന്ന തുകയ്ക്ക് പലിശ സഹിതമാണ് വരുമാനം.

    വിരമിക്കലിനു ശേഷം സാമ്പത്തിക സുരക്ഷ ഉറപ്പാക്കുക എന്ന ലക്ഷ്യത്തോടെയാണ് ധനമന്ത്രാലയത്തിന്റെ കീഴിലുള്ള നാഷണൽ സേവിംഗ്സ് ഇൻസ്റ്റിറ്റ്യൂട്ട് 1968 ൽ പിപിഎഫ് പദ്ധതി ആരംഭിച്ചത്. പിപിഎഫിന് മറ്റ് നിരവധി ആനുകൂല്യങ്ങളുമുണ്ട് അവ എന്തെല്ലാമെന്ന് നോക്കാം..

    ചെറിയ തുകയിൽ നിക്ഷേപം ആരംഭിക്കുക (Start Investment With A Little Amount)

    നൂറു രൂപ നിക്ഷേപിച്ചു വരെ നിങ്ങൾക്ക് ഒരു പിപിഎഫ് അക്കൗണ്ട് തുടങ്ങാം. അതിനുശേഷം ഓരോ സാമ്പത്തിക വർഷവും കുറഞ്ഞത് 500 രൂപയെങ്കിലും നിക്ഷേപിക്കേണ്ടതുണ്ട്. ഒരു സാമ്പത്തിക വർഷത്തിൽ പിപിഎഫിൽ നിക്ഷേപിക്കാവുന്ന പരമാവധി തുക രൂപ 1.5 ലക്ഷം ആണ്. നിങ്ങൾക്ക് ഇപ്പോൾ വലിയ തുക നിക്ഷേപിക്കാൻ സാധിക്കുന്നില്ലെങ്കിൽ 1000 രൂപയിൽ താഴെയുള്ള പദ്ധതികളിൽ നിക്ഷേപം ആരംഭിക്കാം. ശമ്പളം കൂടുമ്പോൾ, അതിനനുസരിച്ച് നിങ്ങളുടെ സംഭാവനകളും വർദ്ധിപ്പിക്കാം.

    റിട്ടേൺ ഉറപ്പ് നൽകുന്നു (Guaranteed And Assured Return)

    പരമാവധി ​ഗ്യാരണ്ടി ഉറപ്പു നൽകുന്ന പിപിഫിൽ ക്രമക്കേടുകൾക്കുള്ള സാധ്യത വളരെ കുറവാണ്. പിപിഎഫിന്റെ പലിശ നിരക്ക് ഓരോ പാദത്തിലും കേന്ദ്രസർക്കാർ അവലോകനം ചെയ്യുകയും പുതുക്കാറുമുണ്ട്. ഈ പലിശനിരക്ക് പല സാമ്പത്തിക മാറ്റങ്ങളെയും ആശ്രയിച്ചിരിക്കും. എന്നിരുന്നാലും ഓരോ പാദത്തിലും അറിയിക്കുന്നതിനനുസരിച്ചുള്ള വരുമാനം പിപിഎഫ് ഉറപ്പു നൽകുണ്ട്, മറ്റ് സ്ഥിര നിക്ഷേപങ്ങളെക്കാൾ മികച്ചതുമാണ്.

    ദീർഘകാലത്തേക്കുള്ള നിക്ഷേപം (Attractive Returns For Long-term)

    പിപിഎഫിന്റെ പലിശ നിരക്കുകൾ മാറിക്കൊണ്ടിരിക്കുന്നതിനാൽ അത് നിങ്ങളുടെ നിക്ഷേപത്തിലും പ്രതിഫലിക്കും. പിപിഎഫ് വാഗ്ദാനം ചെയ്യുന്ന പലിശ നിരക്ക് മറ്റ് സർക്കാർ സ്കീമുകളുമായി താരതമ്യം ചെയ്താൽ വ്യത്യാസം എളുപ്പത്തിൽ മനസിലാകും. ഇത്തരം പദ്ധതികളെക്കാളെല്ലാം മികച്ച നിക്ഷേപമാണ് പിപിഎഫിന്റേതെന്ന് മനസിലാകുകയും ചെയ്യും. എന്നാൽ ശമ്പളമുള്ള ജീവനക്കാർക്ക് മാത്രമേ പിപിഎപിൽ നിക്ഷേപിക്കാൻ കഴിയൂ. സീനിയർ സിറ്റിസൺ സേവിംഗ്സ് സ്കീം, സുകന്യ സമൃദ്ധി അക്കൗണ്ട് മുതലായ സർക്കാർ പ​ദ്ധതികളുടെ ആനുകൂല്യം മുതിർന്ന പൗരന്മാർക്കും പെൺകുട്ടികളുള്ള മാതാപിതാക്കൾക്കും മാത്രമേ ലഭിക്കൂ.

    പിപിഎഫും മറ്റ് സർക്കാർ നിക്ഷേപ പദ്ധതികളും വാഗ്ദാനം ചെയ്യുന്ന പലിശ നിരക്കുകളെക്കുറിച്ചുള്ള പട്ടിക നോക്കാം.



























































    നിക്ഷേപപദ്ധതിപലിശനിരക്ക്
    FY 2017-18FY 2018-19FY 2019-20FY 2020-21FY 2021-22
    നാഷണൽ സേവിംഗ്സ് സർട്ടിഫിക്കറ്റ് (NSC )7.60-7.907.60-8.007.90-8.006.86.8
    പബ്ലിക് പ്രൊവിഡന്റ് ഫണ്ട്7.60-7.907.60-8.007.90-8.007.17.1
    സീനിയർ സിറ്റിസൺ സേവിംഗ്സ് സ്കീം8.30-8.408.30-8.708.60-8.707.47.4
    സുകന്യ സമൃദ്ധി അക്കൗണ്ട്8.10-8.408.10-8.508.40-8.507.67.6
    ഇപിഎഫ്8.558.658.58.58.1

    (എൻഎസ്ഐ (NSI), ഇന്ത്യ പോസ്റ്റ്, ഇപിഎഫ് ഇന്ത്യ തുടങ്ങിയ സൈറ്റുകളിൽ നിന്ന് ശേഖരിച്ച വിവരങ്ങളുടെ അടിസ്ഥാനത്തിലാണ് പട്ടിക തയ്യാറാക്കിയിരിക്കുന്നത്).

    നികുതി നേട്ടങ്ങൾ (Tax Benefits)

    ട്രിപ്പിൾ ടാക്‌സ് ആനുകൂല്യങ്ങളും (triple tax benefits) എക്‌സംപ്റ്റ്-ഇക്‌സെംപ്റ്റ്-ഇക്‌സെംപ്‌റ്റ് (ഇഇഇ) സ്റ്റാറ്റസും (Exempt-Exempt-Exempt (EEE) status) വാഗ്ദാനം ചെയ്യുന്ന വളരെ കുറച്ച് നിക്ഷേപ പദ്ധതികളേ ഇപ്പോൾ ഉള്ളൂ. അതിലൊന്നാണ് പിപിഎഫ്. നിക്ഷേപിച്ച തുക, നേടിയ പലിശ, മെച്യൂരിറ്റി തുക എന്നിവയെല്ലാം നികുതിയിൽ നിന്ന് ഒഴിവാക്കിയിക്കുന്നതിനെയാണ് എക്‌സംപ്റ്റ്-ഇക്‌സെംപ്റ്റ്-ഇക്‌സെംപ്‌റ്റ് (ഇഇഇ) സ്റ്റാറ്റസ് കൊണ്ട് അർഥമാക്കുന്നത്. അതായത് ഈ നിക്ഷേപത്തിൽ നിന്നുള്ള നിങ്ങളുടെ വരുമാനത്തിന് നികുതി അടയ്ക്കേണ്ടതില്ല. ഉയർന്ന പലിശ നിരക്കും ട്രിപ്പിൾ നികുതി ആനുകൂല്യങ്ങളും പിപിഎഫ് നിക്ഷേപകരെ ആകർഷിക്കുന്ന മറ്റ് ഘടകങ്ങളാണ്.

    ലോക്ക് ഇൻ പിരിയഡ് (lock-in period) സാമ്പത്തിക ലക്ഷ്യങ്ങൾ നേടാൻ പ്രാപ്തരാക്കുന്നു

    15 വർഷത്തെ ലോക്ക്-ഇൻ കാലയളവ് പിപിഎഫിന് ഉണ്ട്. എങ്കിലും ചില നിബന്ധനകൾക്കും വ്യവസ്ഥകൾക്കും വിധേയമായി ലോണുകൾ ലഭിക്കുകയും ഭാ​ഗികമായി തുക പിൻവലിക്കാനും സാധിക്കും. വിരമിക്കലിനു ശേഷം നിക്ഷേപകർക്ക് സാമ്പത്തിക സുരക്ഷ ഉറപ്പു വരുത്തുന്ന പദ്ധതി കൂടിയാണിത്. ദീർഘകാലാടിസ്ഥാനത്തിലുള്ള ഈ നിക്ഷേപം നഷ്ടപ്പെടുത്താതിരിക്കുന്നതാണ് നല്ലത്.

    General Motors | സിംഗിൾ ചാ‍ർജിൽ 420 കിലോമീറ്റർ ഓടി ലോക റെക്കോർഡിട്ട് ഇലക്ട്രിക് വാൻ

    ഓർത്തിരിക്കേണ്ട ചില കാര്യങ്ങൾ

    നിങ്ങളുടെ സാമ്പത്തിക പദ്ധതികൾ അനുസരിച്ച് പിപിഎഫ് നിക്ഷേപത്തിനൊപ്പം ലഭിക്കുന്ന നികുതി ആനുകൂല്യങ്ങൾ പരമാവധി പ്രയോജനപ്പെടുത്താം. നികുതി ആനുകൂല്യങ്ങൾക്കായി മാത്രം പിപിഎഫിൽ നിക്ഷേപിക്കുന്ന ചിലരുണ്ട്. അവർ ഇതേക്കുറിച്ച് കൂടുതൽ മനസിലാക്കാതെയാണ് പ്രവർത്തിക്കുന്നത്. മറ്റ് നിക്ഷേപങ്ങൾക്കൊപ്പം നിങ്ങളുടെ സാമ്പത്തിക പദ്ധതിയുടെ ഒരു ഭാ​ഗമായിരിക്കണം പിപിഎഫ്. സാമ്പത്തിക ലക്ഷ്യങ്ങൾ കൈവരിക്കുന്നതിന് ആവശ്യമായ മറ്റ് നിർണായക നിക്ഷേപങ്ങളും ആവശ്യമാണ്.

    keywords:
    Published by:Jayashankar Av
    First published: