നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • money
    • »
    • Air India | എയർ ഇന്ത്യയുടെ നടത്തിപ്പ് ടാറ്റയ്ക്ക് നിർണായകം; ടാറ്റ ഗ്രൂപ്പിന് മുൻപിലുള്ള പ്രധാന വെല്ലുവിളികൾ

    Air India | എയർ ഇന്ത്യയുടെ നടത്തിപ്പ് ടാറ്റയ്ക്ക് നിർണായകം; ടാറ്റ ഗ്രൂപ്പിന് മുൻപിലുള്ള പ്രധാന വെല്ലുവിളികൾ

    എയർ ഇന്ത്യയും വിസ്താര നെറ്റ്‌വർക്കുകളും ലയിപ്പിക്കുക എന്നതാണ് ടാറ്റ ഗ്രൂപ്പിന് മുന്നിലുള്ള ഏറ്റവും വലിയ വെല്ലുവിളി. ലോകത്തിന് മുന്നിൽ ഒരു പുതിയ ബ്രാൻഡാണ് വിസ്താര, അതേസമയം എയർ ഇന്ത്യ ഒരു സ്ഥാപിത ബ്രാൻഡാണ്.

    News18 Malayalam

    News18 Malayalam

    • Share this:
      എയർ ഇന്ത്യയെ ഏറ്റെടുത്ത് ടാറ്റ ഗ്രൂപ്പ്. ഒരുപാട് കാലമായുള്ള ചർച്ചകൾക്കൊടുവിലാണ് ടാറ്റ ഗ്രൂപ്പ് എയർ ഇന്ത്യയെ ഏറ്റെടുത്തത്. ബ്രാൻഡിംഗ്, സിസ്റ്റം സംയോജനം, റൂട്ട് റാഷണലൈസേഷൻ തുടങ്ങി മൂന്ന് പ്രധാന ഘടകങ്ങളിലാണ് ടാറ്റ ഗ്രൂപ്പ് ഇനി ശ്രദ്ധയൂന്നേണ്ടത്.

      ഇനി ടാറ്റ ഗ്രൂപ്പിന് എയർ ഇന്ത്യ, എയർ ഇന്ത്യ എക്സ്പ്രസ്, വിസ്താര, എയർ ഏഷ്യ ഇന്ത്യ എന്നീ നാല് ബ്രാൻഡുകൾ കൈകാര്യം ചെയ്യേണ്ടി വരും. എയർ ഇന്ത്യയും വിസ്താരയും ഫുൾ സർവീസ് കാരിയറുകളാണെങ്കിലും (വിസ്താര ഒരു പ്രീമിയം ഫുൾ സർവീസ് കാരിയറാണ്) എയർ ഇന്ത്യ എക്സ്പ്രസും എയർ ഏഷ്യ ഇന്ത്യയും കുറഞ്ഞ നിരക്കിലുള്ള കാരിയറുകളാണ്.

      എയർ ഏഷ്യ ഗ്രൂപ്പ് ഇന്ത്യയിലുള്ള തങ്ങളുടെ ഓഹരി 80 ശതമാനത്തിലധികം ഉയർത്തിയതോടെ ടാറ്റ ഗ്രൂപ്പ് എയർ ഇന്ത്യ എക്സ്പ്രസുമായി എയർലൈൻ റീബ്രാൻഡ് ചെയ്യുന്നതിനോ ലയിപ്പിക്കുന്നതിനോ ശ്രമിച്ചേക്കാം എന്നാണ് റിപോർട്ടുകൾ സൂചിപ്പിക്കുന്നത്. ഏകീകരണം പൂർത്തിയാകുന്നതുവരെ എയർ ഏഷ്യ ഇന്ത്യ ഓപ്പറേറ്റിംഗ് കാരിയറായും അതേസമയം എയർ ഇന്ത്യ എക്സ്പ്രസ് മാർക്കറ്റിംഗ് കാരിയറായും തുടരും. ഇത് ജെറ്റ് എയർവേയ്‌സിനുവേണ്ടി പ്രവർത്തിക്കുന്ന ജെറ്റ്ലൈറ്റിന് സമാനമാണ്. ജെറ്റ്ലൈറ്റിന് പ്രത്യേക എയർ ഓപ്പറേറ്റിംഗ് പെർമിറ്റ് ഉണ്ടായിരുന്നു.

      എയർ ഇന്ത്യയും വിസ്താര നെറ്റ്‌വർക്കുകളും ലയിപ്പിക്കുക എന്നതാണ് ടാറ്റ ഗ്രൂപ്പിന് മുന്നിലുള്ള ഏറ്റവും വലിയ വെല്ലുവിളി. ലോകത്തിന് മുന്നിൽ ഒരു പുതിയ ബ്രാൻഡാണ് വിസ്താര, അതേസമയം എയർ ഇന്ത്യ ഒരു സ്ഥാപിത ബ്രാൻഡാണ്.

      നിലവിൽ, എയർ ഏഷ്യ ഇന്ത്യയ്ക്ക് അന്താരാഷ്ട്ര തലത്തിൽ പറക്കാനുള്ള അവകാശമില്ല. എയർ ഇന്ത്യ സ്റ്റാർ അലയൻസിന്റെ ഭാഗമായിരിക്കെ, എയർ ഇന്ത്യ എക്സ്പ്രസ് അതിൽ അംഗമാണ്. എയർ ഇന്ത്യയുടെ ഇരു ബ്രാൻഡുകളും പരസ്പരം കോഡ് ഷെയർ ചെയ്യുകയോ ഇൻവെന്ററികൾ ക്രോസ്-സെയിൽ ചെയ്യുകയോ ചെയ്യുന്നില്ല. ഇരുവരും ഒന്നിച്ച് നിൽക്കുന്ന വിപണികളും കുറവാണ്.

      സങ്കീർണ്ണമായ ഐടി സംവിധാനങ്ങളിലാണ് എയർലൈനുകൾ പ്രവർത്തിക്കുന്നത്. ആസൂത്രണം, റവന്യൂ മാനേജ്മെന്റ്, പ്രവർത്തന നിയന്ത്രണം, ക്രൂ റോസ്റ്ററിംഗ്, സങ്കീർണ്ണമായ റിസർവേഷൻ സംവിധാനങ്ങൾ എന്നിവയ്ക്കായി ഉപയോഗിക്കുന്ന സാങ്കേതിക സംവിധാനങ്ങൾ ഇതിൽ ഉൾപ്പെടുന്നു. നിലവിൽ, ഈ നാല് എയർലൈനുകളിലുടനീളം ഒന്നിലധികം സംവിധാനങ്ങളുണ്ട്. അവയെ ഒന്നോ രണ്ടോ സംവിധാനങ്ങൾക്ക് കീഴിലേക്ക് മാറ്റുക എന്നതാണ് വെല്ലുവിളി.

      എയർലൈൻ ഉടൻ തന്നെ പുതിയ ഉടമകൾക്ക് കൈമാറാൻ സർക്കാർ താൽപ്പര്യപ്പെടുന്നതിനാൽ, റൂട്ട് ഓവർലാപ്പുകൾ വേർതിരിക്കുക എന്നതാണ് മറ്റൊരു വെല്ലുവിളി. തങ്ങൾക്ക് കീഴിലുള്ള വിമാനങ്ങളിൽ മിനിറ്റുകൾ മാത്രം വ്യത്യാസത്തിൽ ഒരേ ലക്ഷ്യസ്ഥാനത്തേക്ക് രണ്ട് ഫ്ലൈറ്റുകൾ പുറപ്പെടാൻ ടാറ്റ ഗ്രൂപ്പ് ആഗ്രഹിക്കില്ല. ഇത് തടയുന്നതിന് ഫ്ലൈറ്റ് സ്പേസിംഗ് ഏകോപിപ്പിച്ചിട്ടുണ്ടെന്ന് ഉറപ്പുവരുത്തുന്നതിന് വ്യത്യസ്ത ടീമുകളുമായി പ്രവർത്തിക്കേണ്ടതുണ്ട്. റൂട്ട് ഓവർലാപ്പ് തരംതിരിക്കുന്നത് ഒറ്റരാത്രികൊണ്ട് ചെയ്യാവുന്ന കാര്യമല്ല.

      വെല്ലുവിളികൾ നിറഞ്ഞ വർഷങ്ങളാണ് ഇനി ടാറ്റ ഗ്രൂപ്പിന് മുന്നിലുള്ളത്. എയർ ഇന്ത്യയെ വിജയത്തിന്റെ ആകാശത്തിലേക്ക് പറത്താൻ വർഷങ്ങൾ എടുക്കുമെന്നാണ് കണക്കുകൂട്ടലുകൾ.
      First published:
      )}