വെറും 25 വയസിനിടെ മെസി കൈവരിച്ച 6 അതുല്യ നേട്ടങ്ങൾ

ലയണൽ മെസി- ലോക ഫുട്ബോൾ ചരിത്രത്തിലെ ഏറ്റവും മികച്ച കളിക്കാരൻ. എക്കാലത്തെയും മികച്ച കാൽപ്പന്തുകളിക്കാരനാണോ മെസി എന്നത് സംബന്ധിച്ച ചർച്ചകൾ ഈ ലോകകപ്പ് വേളയിലും സജീവമായി തുടരുകയാണ്. കഴിഞ്ഞ പതിറ്റാണ്ടുകളിൽ കേട്ടുപഴകിയ ‘പെലെയോ മറഡോണയോ’ എന്ന ചോദ്യത്തിന് ഇന്നത്തെ തലമുറ നൽകുന്ന മറുപടിയാണ് മെസി. ഇവിടെയിതാ, വെറും 25 വയസിനിടെ ലയണൽ മെസി കൈവരിച്ച 6 അതുല്യ നേട്ടങ്ങൾ. എന്നാൽ അതിൽ ഒരു ലോകകിരീടമില്ലെന്നത് മെസിയുടെ നേട്ടങ്ങൾക്ക് തിളക്കം കുറയ്ക്കുന്നുണ്ട്.

4 ബാലൺ ഡി ഓർസ്- ഒരു സീസണിലെ ഏറ്റവും മികച്ച കളിക്കാരന് സമ്മാനിക്കുന്ന ബാലൺ ഡി ഓർ പുരസ്ക്കാരം 25 വയസിനിടെ നാല് തവണയാണ് മെസി സ്വന്തമാക്കിയത്.

2 സുവർണപാദുകം- 25 വയസിനിടെ മെസി കൈവരിച്ച മറ്റൊരു അതുല്യ നേട്ടമാണിത്. സ്പാനിഷ് ലാലിഗയിൽ കളിക്കുമ്പോഴാണ് രണ്ടു സീസണുകളിൽ ഏറ്റവുമധികം ഗോളടിച്ചതിനുള്ള സുവർണപാദുകം മെസി സ്വന്തമാക്കിയത്.

3 ചാമ്പ്യൻസ് ലീഗ് ട്രോഫികൾ- സ്പാനിഷ് ലാലിഗയിൽ കറ്റാലൻ ക്ലബായ ബാഴ്സലോണയുടെ സുവർണകാലഘട്ടമാണ് മെസി കളിച്ചിരുന്ന സമയം. മെസിയുടെ ചിറകിലേറി ബാഴ്സലോണ നടത്തിയത് സ്വപ്നസമാനമായ കുതിപ്പായിരുന്നു. വെറും 25 വയസിനിടെ മൂന്ന് ചാംപ്യൻസ് ലീഗ് കിരീടങ്ങളാണ് മെസി ബാഴ്സയ്ക്ക് സമ്മാനിച്ചത്.

4 തവണ ചാമ്പ്യൻസ് ലീഗ് ടോപ്സ്കോറർ- സ്പാനിഷ് ലീഗിൽ മാത്രമല്ല, യൂറോപ്പിലെ വമ്പൻമാർ അണിനിരക്കുന്ന യുവേഫ ചാംപ്യൻസ് ലീഗിലും മെസി ഗോളുകളടിച്ച് കൂട്ടി.

Also Read- ‘മെസിയെ പിടിച്ചുകെട്ടുന്നത് എളുപ്പമല്ല; അര്‍ജന്റീനയെ ഒറ്റക്കെട്ടായി മറികടക്കും; ലൂക്കാ മോഡ്രിച്ച്

ഒരു കലണ്ടർ വർഷത്തിലെ ഏറ്റവുമധികം ഗോളുകൾ എന്ന നേട്ടവും മെസി സ്വന്തമാക്കിയത് ബാഴ്സയ്ക്കൊപ്പമായിരുന്നു.

ഒരു കലണ്ടർ വർഷത്തിൽ ഏറ്റവും കൂടുതൽ അസിസ്റ്റുകൾ എന്ന നേട്ടവും മെസി സ്വന്തം പേരിൽ കുറിച്ചു. ഗോളടിക്കുക മാത്രമല്ല, ഗോളടിക്കാൻ അവസരമൊരുക്കുന്നതിലും മിടുക്കനായിരുന്നു മെസി.