• HOME
  • »
  • NEWS
  • »
  • sports
  • »
  • ലോകകപ്പ് ആതിഥേയത്വം നേടാൻ സൗദിയെ റൊണാൾഡോ സഹായിക്കണോ? വിശദീകരണവുമായി അൽ-നാസർ ക്ലബ്

ലോകകപ്പ് ആതിഥേയത്വം നേടാൻ സൗദിയെ റൊണാൾഡോ സഹായിക്കണോ? വിശദീകരണവുമായി അൽ-നാസർ ക്ലബ്

സൌദിക്ക് ലോകകപ്പ് ആതിഥേയത്വം നേടിക്കൊടുക്കാൻ സഹായിച്ചാൽ റൊണാൾഡോയ്ക്ക് നൂറുകോടിയിലേറെ രൂപ അധികമായി നൽകുമെന്ന് കരാറിലുണ്ടെന്നാണ് വാർത്തകൾ വന്നത്

  • Share this:

    റിയാദ്: സൗദി അറേബ്യയുടെ 2030 ലോകകപ്പ് അവകാശവാദത്തിന്‍റെ അംബാസഡറായി പ്രവർത്തിക്കാൻ റൊണാൾഡോയ്ക്ക് 200 മില്യൺ യൂറോ (214 മില്യൺ/177 മില്യൺ പൗണ്ട്) അധികമായി നൽകിയെന്ന വാർത്ത അൽ-നാസർ നിഷേധിച്ചു. അൽനാസറുമായുള്ള രണ്ടർവർഷം ദൈർഘ്യമുള്ള കരാറിൽ, 2030 ലോകകപ്പ് അവകാശവാദത്തിന് സൌദിയെ റൊണാൾഡോ സഹായിക്കണമെന്ന വ്യവസ്ഥയുണ്ടെന്നാണ് കഴിഞ്ഞ ദിവസം പുറത്തുവന്ന വാർത്ത. ഇക്കാര്യം നിഷേധിച്ച് രംഗത്തെത്തിയിരിക്കുകയാണ് അൽ നാസർ ക്ലബ് അധികൃതർ.

    “ക്രിസ്റ്റ്യാനോ റൊണാൾഡോയുടെ അൽ-നാസറുമായുള്ള കരാറിൽ ലോകകപ്പ് അവകാശവാദത്തിന്‍റെ അംബാസഡറാകണമെന്ന വ്യവസ്ഥയില്ലെന്ന് അൽ-നാസർ എഫ്‌സി വ്യക്തമാക്കാൻ ആഗ്രഹിക്കുന്നു,” ക്ലബ് എഴുതി. “അദ്ദേഹത്തിന്റെ പ്രധാന ശ്രദ്ധ അൽ-നാസറിലും ക്ലബിനെ വിജയത്തിലെത്തിക്കാൻ സഹായിക്കുന്നതിന് സഹതാരങ്ങളുമായി പ്രവർത്തിക്കുകയുമാണ്.”

    മാഞ്ചസ്റ്റർ യുണൈറ്റഡ് വിട്ടതിന് ശേഷം സൌദി ക്ലബായ അൽ-നാസറുമായി റെക്കോർഡ് തുകയുടെ കരാറിലാണ് പോർച്ചുഗൽ സൂപ്പർതാരം റിയാദിലേക്ക് എത്തിയത്. ഒരു ഫുട്ബോൾ താരത്തിന് ലഭിക്കുന്ന എക്കാലത്തെയും ഏറ്റവും ഉയർന്ന പ്രതിഫലമാണ് റൊണാൾഡോയ്ക്ക് അൽനാസർ ക്ലബ് നൽകിയതെന്നാണ് റിപ്പോർട്ട്. ഏകദേശം 1770 കോടിയിലേറെ രൂപയാണ് റൊണാൾഡോയ്ക്ക് അൽ-നാസർ പ്രതിഫലമായി നൽകുന്നത്.

    Also Read- അല്‍ നാസറിനു വേണ്ടിയുള്ള ആദ്യ മത്സരത്തില്‍ റൊണാള്‍ഡോയും മെസിയും നേര്‍ക്കുനേര്‍? സൂചനകളുമായി സൗദി ക്ലബ്ബ്

    ജനുവരി 19-ന് പാരീസ് സെന്റ് ജെർമെയ്‌നെതിരെ അൽ-നാസറിന്റെ വരാനിരിക്കുന്ന പ്രദർശന മത്സരത്തിൽ രൊണാൾഡോ കളത്തിലിറങ്ങുമെന്നാണ് സൂചന. അങ്ങനെയെങ്കിൽ സമകാലീന ഫുട്ബോളിലെ ഇതിഹാസങ്ങളായ ലയണൽ മെസിയും റൊണാൾഡോയും മുഖാമുഖം വരുന്ന മറ്റൊരു മത്സരത്തിന് ഫുട്ബോൾ ലോകം സാക്ഷിയാകും.

    Published by:Anuraj GR
    First published: