കടബാധ്യത: കാര്യവട്ടം ഗ്രീൻഫീൽഡ് സ്റ്റേഡിയത്തിന്‍റെ നടത്തിപ്പു ചുമതല കൈമാറുന്നു

തിരുവനന്തപുരം: കടബാധ്യതയെ തുടർന്ന് കാര്യവട്ടം ഗ്രീൻഫീൽഡ് സ്റ്റേഡിയത്തിന്‍റെ നടത്തിപ്പു ചുമതല കൈമാറുന്നു. കരാർ എടുത്ത ഇന്‍ഫ്രാസ്ട്രക്ചര്‍ ലീസിങ് ആൻഡ് ഫിനാന്‍ഷ്യല്‍ സര്‍വീസസ് ലിമിറ്റഡ് കടക്കെണിയിൽ ആയതോടെയാണ് കൈമാറാൻ തീരുമാനിച്ചത്. ഇതിനുള്ള താൽപര്യപത്രം കമ്പനി ക്ഷണിച്ചു.

പ്രധാനപ്പെട്ട രണ്ട് രാജ്യാന്തര ക്രിക്കറ്റ് മൽസരങ്ങൾ, സാഫ് ഫുട്ബോൾ അടക്കമുള്ള ഫുട്ബോൾ മേളകൾ, ദേശീയ ഗെയിംസിന്‍റെ ഉദ്ഘാടന സമാപന വേദി തുടങ്ങി പ്രധാനപ്പെട്ട കായികമേളകൾക്കു വേദിയായ രാജ്യത്തിന് അഭിമാനമായ കാര്യവട്ടം സ്റ്റേഡിയത്തിന്‍റെ നടത്തിപ്പാണ് ഇപ്പോൾ വിൽപനയ്ക്ക് വെച്ചിരിക്കുന്നത്.

സ്റ്റേഡിയം, അനുബന്ധ സൗകര്യങ്ങൾ എന്നിവയുടെ കൈവശാവകാശത്തിൽ നിന്നാണ് ഐ എൽ ആൻഡ് എഫ്എസ് പിന്മാറുന്നത്. 390 കോടി ചെലവിട്ട് നിർമിച്ച സ്റ്റേഡിയത്തിനൊപ്പം 490 കോടിയുടെ തിരുവനന്തപുരം നഗര റോഡ് വികസന പദ്ധതിയിൽ നിന്നും കമ്പനി പിൻമാറുകയാണ്. മാതൃകമ്പനിയായ ഐ ടി എല്‍ എലിന് 91,000 കോടി രൂപയുടെ കടം വീട്ടാനാണ് അനുബന്ധ കമ്പനികളുടെ ആസ്തികള്‍ വില്‍ക്കുന്നത്.

ഈ കോൺഗ്രസ് നേതാവ് സ്വന്തം വീടു വിറ്റതെന്തിന്?