നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • sports
    • »
    • Australia Vs England | ഓസീസിനെ അടിച്ചൊതുക്കി ജോസ് ബട്ട്ലർ; ടി20 പരമ്പര ഇംഗ്ലണ്ടിന്

    Australia Vs England | ഓസീസിനെ അടിച്ചൊതുക്കി ജോസ് ബട്ട്ലർ; ടി20 പരമ്പര ഇംഗ്ലണ്ടിന്

    54 പന്തില്‍ 77 റണ്‍സ് നേടിയ ജോസ് ബട്‍ലറുടെ തകർപ്പൻ ബാറ്റിങ്ങാണ് ഓസ്ട്രേലിയയെ തോൽവിയിലേക്ക് നയിച്ചത്

    jos-buttler

    jos-buttler

    • Share this:
      ലണ്ടൻ:ഓസ്ട്രേലിയയെ ആറു വിക്കറ്റിന് തകർത്ത ഇംഗ്ലണ്ട് ടി20 പരമ്പര സ്വന്തമാക്കി. മൂന്നു മത്സര പരമ്പരയിലെ ആദ്യ രണ്ടു കളികളും ജയിച്ചാണ് ഇംഗ്ളണ്ട് പരമ്പര ഉറപ്പാക്കിയത്. 158 റണ്‍സ് വിജയ ലക്ഷ്യം തേടിയിറങ്ങിയ ടീം 18.5 ഓവറില്‍ നാലു വിക്കറ്റ് നഷ്ടത്തിലാണ് വിജയ തീരത്ത് എത്തിയത്.  54 പന്തില്‍ 77 റണ്‍സ് നേടിയ ജോസ് ബട്‍ലറുടെ തകർപ്പൻ ബാറ്റിങ്ങാണ് ഓസ്ട്രേലിയയെ തോൽവിയിലേക്ക് നയിച്ചത്. ബട്ട്ലർ തന്നെയാണ് മാൻ ഓഫ് ദ മാച്ചും.

      ദാവീദ് മലാനും ജോസ് ബട്‍ലറും ചേർന്നുള്ള രണ്ടാം വിക്കറ്റിൽ നേടിയ 87 റണ്‍സിന്റെ കൂട്ടുകെട്ടാണ് മത്സരം ഇംഗ്ലണ്ടിന് അനുകൂലമാക്കിയത്. മലന്റെ വിക്കറ്റ് വീണതോടെ ഇംഗ്ലണ്ട് പ്രതിസന്ധിയിലായെങ്കിലും കൂടുതൽ ആശങ്കയ്ക്കു വക നൽകാതെ ബട്ട്ലർ അവരെ വിജയത്തിലേക്ക് എത്തിക്കുകയായിരുന്നു. ഓപ്പണറായി ഇറങ്ങിയ ബട്ട്ലർ എട്ടു ഫോറും രണ്ടു സിക്സറും നേടി. 32 പന്തില്‍ 42 റണ്‍സാണ് ദാവീദ് മലന്‍ നേടിയത്. അവസാന നിമിഷങ്ങലിൽ മോയിന്‍ അലി 13 റണ്‍സുമായി നിര്‍ണ്ണായക പ്രകടനം പുറത്തെടുത്തതു ഇംഗ്ലണ്ടിന് നിർണായകമായി.

      Also Read- IPL 2020 Full Schedule | ആദ്യ പോരാട്ടം മുംബൈയും ചെന്നൈയും തമ്മിൽ; ഐപിഎൽ മത്സരക്രമം പുറത്ത്

      നേരത്തെ ടോസ് നേടി ആദ്യം ബാറ്റുചെയ്ത ഓസ്ട്രേലിയ നിശ്ചിത 20 ഓവറിൽ ഏഴു വിക്കറ്റ് നഷ്ടത്തിൽ 157 റൺസെടുക്കുകയായിരുന്നു. 40 റൺസെടുത്ത നായകൻ ആരോൺ ഫിഞ്ചാണ് ഓസ്ട്രേലിയയുടെ ടോപ് സ്കോറർ. മാർക്ക് സ്റ്റോയിനിസ് 35 റൺസും ഗ്ലെൻ മാക്സ് വെൽ 26 റൺസും നേടി. ഇംഗ്ലണ്ടിനുവേണ്ടി ക്രിസ് ജോർദാൻ രണ്ടു വിക്കറ്റെടുത്തു.
      You may also like:പാകിസ്ഥാനിൽ മാധ്യമ പ്രവർത്തകയെ ഭർത്താവ് വെടിവെച്ചു കൊന്നു [NEWS]സംസ്ഥാനത്ത് വ്യാപക മഴ; മത്സ്യത്തൊഴിലാളികള്‍ കടലില്‍ പോകരുതെന്ന് മുന്നറിയിപ്പ്​ [NEWS] 'ബിനോയ്‌ കോടിയേരിയുടെ DNA ടെസ്റ്റ് ഫലം ഒതുക്കിയതുപോലെ മയക്കുമരുന്ന് കേസും ഒതുക്കാൻ സാധ്യത': കെ.മുരളീധരന്‍ [NEWS]
      സതാംപ്ടണിൽ നടന്ന ആവേശകരമായ ആദ്യ ടി20 മത്സരത്തിൽ ഇംഗ്ലണ്ട് രണ്ടു റൺസിനാണ് ഓസ്ട്രേലിയയെ തോൽപ്പിച്ചത്. പരമ്പരയിലെ മൂന്നാമത്തെയും അവസാനത്തെയും മത്സരം സെപ്റ്റംബർ എട്ടിന് സതാംപ്ടണിൽ തന്നെ നടക്കും.
      Published by:Anuraj GR
      First published:
      )}