HOME » NEWS » Sports » GANGULY BACKS MOHAMMED SHAMI TO OPEN INDIAS BOWLING ALONG WITH JASPRIT

ന്യൂ ബോള്‍ എറിയേണ്ടത് ഭൂവനേശ്വറല്ല; ഇന്ത്യന്‍ ടീമിന് വിജയമന്ത്രം പകര്‍ന്ന് ഗാംഗുലി

ഏറ്റവും മികച്ച ഫോമിലാണ് ഷമി. ഇന്ത്യന്‍ ടീം അത് പരമാവധി ഉപയോഗിക്കണം

news18
Updated: May 26, 2019, 6:12 PM IST
ന്യൂ ബോള്‍ എറിയേണ്ടത് ഭൂവനേശ്വറല്ല; ഇന്ത്യന്‍ ടീമിന് വിജയമന്ത്രം പകര്‍ന്ന് ഗാംഗുലി
bhuvneshwar kumar
  • News18
  • Last Updated: May 26, 2019, 6:12 PM IST
  • Share this:
കൊല്‍ക്കത്ത: ഏകദിന ലോകകപ്പില്‍ ഇന്ത്യന്‍ ബൗളിങ്ങില്‍ മാറ്റംവരുത്തണമെന്ന നിര്‍ദേശവുമായി മുന്‍ നായകന്‍ സൗരവ് ഗാംഗുലി. ന്യൂബോള്‍ എറിയേണ്ടത് ഭൂവനേശ്വര്‍കുമാറല്ലെന്നും ബൂമ്രയും ഷമിയും ചേര്‍ന്നാണെന്നുമാണ് ദാദ പറയുന്നത്. സന്നാഹ മത്സരത്തിലെ തിരിച്ചടിക്ക് പിന്നാലെയാണ് മുന്‍ നായകന്റെ നിര്‍ദേശം.

ഇന്നലെ നടന്ന മത്സരത്തില്‍ ജസ്പ്രീത ബുമ്ര മികച്ച രീതിയില്‍ പന്തെറിഞ്ഞെങ്കിലും ഭൂവിയ്ക്ക് റണ്‍സ് വഴങ്ങേണ്ടി വന്നിരുന്നു. ഭൂവനേശ്വര്‍ ഫോമിലല്ലെന്നും മികച്ച ഫോമിലുള്ള ഷമിയ്ക്ക് പന്ത് കൊടുക്കുകയാണ് വേണ്ടതെന്നുമാണ് ദാദ പറയുന്നത്.

Also Read: 'ധോണി ധോണി' ബൗണ്ടറി ലൈനില്‍ ഫീല്‍ഡ് ചെയ്ത് മഹി; ആര്‍പ്പുവിളികളുമായി ആരാധകര്‍

'കരിയറിലെ ഏറ്റവും മികച്ച ഫോമിലാണ് ഷമി. ഇന്ത്യന്‍ ടീം അത് പരമാവധി ഉപയോഗിക്കണം. ഭുവനേശ്വര്‍ ഫോമിലല്ലെങ്കിലും പന്ത് സ്വിംഗ് ചെയ്യുന്ന സാഹചര്യങ്ങളില്‍ ഭുവി ഫോമിലാവുമെന്നാണ് പ്രതീക്ഷ.' ഗാംഗുലി പറയുന്നു. ഐപിഎല്ലിനു പുറമെ കഴിഞ്ഞ സീസണ്‍ മുഴുവന്‍ മികച്ച രീതിയിലായിരുന്നു താരം കളിച്ചതെന്നും ഗാംഗുലി ചൂണ്ടിക്കാട്ടി.

'കഴിഞ്ഞ നാലഞ്ചു മാസമായി ഭുവി ഫോം ഔട്ടാണ്. ഞാന്‍ ഭുവിയുടെ ഒരു ആരാധകനാണ്. അതുകണ്ടുതന്നെ അദ്ദേഹം ശക്തമായി തിരിച്ചുവരുമെന്നു തന്നെയാണ് എന്റെ പ്രതീക്ഷ. എന്നാല്‍ ലോകകപ്പിന്റെ തുടക്കത്തിലെങ്കിലും ഇന്ത്യ ബൂമ്ര, ഷമി, പാണ്ഡ്യ പേസ് ത്രയത്തെ പരീക്ഷിക്കണമെന്നാണ് എന്റ അഭിപ്രായം' മുന്‍ നായകന്‍ വ്യക്തമാക്കി.

First published: May 26, 2019, 6:12 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories