'ജൂലൈ 14 ന് കപ്പ് ഞങ്ങളുടെ കൈയ്യിലുണ്ടാകും' എതിരാളികള്‍ക്ക് മുന്നറിയിപ്പുമായി പാണ്ഡ്യ

ലണ്ടന്‍: ഇംഗ്ലണ്ട് ലോകകപ്പില്‍ വിജയം തങ്ങള്‍ക്ക തന്നെയെന്ന് ഇന്ത്യന്‍ ഓള്‍റൗണ്ടര്‍ ഹര്‍ദിക് പാണ്ഡ്യ. ജൂലൈ 14 ന് ലോകകപ്പ് തങ്ങളുടെ കൈയ്യിലുണ്ടാകുമെന്നും പാണ്ഡ്യ പറഞ്ഞു. ലോകകപ്പ് ഓര്‍മ്മകളെക്കുറിച്ച സംസാരിക്കവെയാണ് പാണ്ഡ്യയുടെ വാക്കുകള്‍. ഇന്ത്യക്ക് വേണ്ടി കളിക്കുക എന്നത് തന്റെ വലിയ സ്വപ്നമായിരുന്നുവെന്നും ഹര്‍ദിക് പറയുന്നു.

'ലോകകപ്പ് ജയിക്കുക എന്നതാണ് ലക്ഷ്യം. ജൂലെ 14ന് ലോകകപ്പ് ഞങ്ങളുടെ കൈയിലുണ്ടാവണം. 2011ല്‍ ഇന്ത്യ ലോകകപ്പ് നേടിയ രാത്രി ഇപ്പോഴും എനിക്കോര്‍മയുണ്ട്. അതോര്‍ക്കുമ്പോഴൊക്കെ എനിക്ക് രോമാഞ്ചം വരും.' താരം പറഞ്ഞു. അന്നത്തെ ആ വികാരമെന്താണെന്ന് നേരിട്ട് അറിയാനുള്ള അവസരമാണിതെന്നും അതുകൊണ്ട് ഈ കപ്പ് എനിക്ക് കൈകളില്‍ ഏറ്റുവാങ്ങണമെന്നും ഹര്‍ദിക് കൂട്ടിച്ചേര്‍ത്തു.

Also Read: സച്ചിന്റെ ആ റെക്കോര്‍ഡിനും വിരാടിനും ഇടയില്‍ 57 റണ്‍സ് ദൂരം മാത്രം

'ലോകകപ്പ് ടീമില്‍ കളിക്കുക എന്നത് വലിയ സ്വപ്നമായിരുന്നു. ഇപ്പോഴത് യാഥാര്‍ത്ഥ്യമായിരിക്കുന്നു. ഇനിയുള്ള കാര്യങ്ങള്‍ ലളിതമാണ്. ഈ കപ്പ് നേടുക. കഴിഞ്ഞ രണ്ടുമൂന്നു വര്‍ഷമായി ഇതിനുള്ള തയ്യാറെടുപ്പിലായിരുന്നു' ഹര്‍ദിക് കൂട്ടിച്ചേര്‍ത്തു.