• News
  • Sports
  • Opinion
  • Life
  • Film
  • Buzz
  • Money
  • Photo
  • Videos
  • TV Shows
  • Live TV

ഹിമയുടെ ഇംഗ്ലീഷിനെ പരിഹസിച്ചതിന് മാപ്പ് പറഞ്ഞ് അത്‌ലറ്റിക് ഫെഡറേഷന്‍


Updated: July 13, 2018, 10:19 PM IST
ഹിമയുടെ ഇംഗ്ലീഷിനെ പരിഹസിച്ചതിന് മാപ്പ് പറഞ്ഞ് അത്‌ലറ്റിക് ഫെഡറേഷന്‍

Updated: July 13, 2018, 10:19 PM IST
ന്യൂഡല്‍ഹി: ലോക അത്ലറ്റിക് ട്രാക്കില്‍ ഇന്ത്യയ്ക്കു വേണ്ടി ആദ്യമായി സ്വര്‍ണം നേടിയ ഉയര്‍ത്തിയ ഹിമാ ദാസിനെ അപമാനിച്ച അത്ലറ്റിക് ഫെഡറേഷന്‍ ഓഫ് ഇന്ത്യ പരസ്യമായി മാപ്പു പറഞ്ഞു.

ഔദ്യോഗിക ട്വിറ്റര്‍ അക്കൗണ്ടില്‍ ഹിമാ ദാസിന്റെ ഇംഗ്ലീഷിനെ അത്ലറ്റിക് ഫെഡറേഷന്‍ പരിഹസിച്ചിരുന്നു. അണ്ടര്‍-20 ജൂനിയര്‍ ലോക ചാമ്പ്യന്‍ഷിപ്പില്‍ 400 മീറ്റര്‍ സെമി ഫൈനല്‍ മുന്നേറ്റത്തിനുശേഷമാണ് ഫെഡറേഷന്‍ ഹിമയെ പരിഹസിച്ചത്.

ഹിമയെ ഫെഡറേഷന്‍ പരിഹസിച്ചതിനെതിരെ വന്‍ പ്രതിഷേധമാണ് സാമൂഹ്യമാധ്യമങ്ങളിലുള്‍പ്പെടെ ഉണ്ടായത്. ഇതിനു പിന്നാലെ വന്ന ട്വീറ്റും വിവാദമായി. ഹിമയുടെ ഇംഗ്ലീഷിനെ അളന്നതല്ലെന്നും താഴ്ന്ന ജീവിത സാഹചര്യങ്ങളില്‍ നിന്നെത്തിയ ഹിമയ്ക്ക് ഹിന്ദി പോലും ഒഴുക്കോടെ സംസാരിക്കാനാകില്ലെന്നും സൂചിപ്പിച്ചതാണെന്നായിരുന്നു രണ്ടാമത്തെ ട്വീറ്റ്. ഇതും വിവാദമായതോടെ മാപ്പ് പറഞ്ഞ് തിടിയൂരുകയായിരുന്നു.

'ഹിമയെ കുറിച്ചുള്ള ട്വീറ്റ് നിങ്ങളെ ഓരോരുത്തരെയും വേദനിപ്പിച്ചതില്‍ രാജ്യത്തോട് മാപ്പു ചോദിക്കുന്നു.. ആ ട്വീറ്റിന്റെ യഥാര്‍ത്ഥ ഉദ്ദേശ്യം തങ്ങളുടെ താരത്തിന് ഉള്ളിലോ ഗ്രൗണ്ടിലോ ഉള്ള ഒരു പ്രതിസന്ധി പോലും പിന്നോട്ടടിച്ചില്ല എന്നു തുറന്നുകാട്ടാനായിരുന്നു. ചെറിയൊരു ഗ്രാമത്തില്‍ നിന്ന് ഉയര്‍ന്നു വന്ന ആ താരത്തിന്റെ മനസാന്നിധ്യം അറിയിക്കുകയായിരുന്നു. ഒരിക്കല്‍ കൂടി മാപ്പ് ചോദിക്കുന്നു'

അതേസമയം വിവാദ ക്യാപ്ഷന്‍ നല്‍കിയ വീഡിയോ പിന്‍വലിക്കാന്‍ ഫെഡറേഷന്‍ തയാറായിട്ടില്ല.

അവസാന 80 മീറ്ററിലെ കുതിപ്പില്‍ സ്വര്‍ണം; അത്ലറ്റിക്സ് ചാമ്പ്യന്‍ഷിപ്പില്‍ ഇന്ത്യയുടെ അഭിമാനമായി ഹിമാദാസ്

First published: July 13, 2018
കൂടുതൽ കാണുക
അടുത്തത് വാര്‍ത്തകള്‍