ലീഡ്സ്: ശ്രീലങ്ക ഉയര്ത്തിയ 265 റണ്സ് വിജയലക്ഷ്യം പിന്തുടരുന്ന ഇന്ത്യക്ക് മികച്ച തുടക്കം. ബൗണ്ടറികളിലൂടെ രോഹിത് ശര്മയും കെഎല് രാഹുലും ചേര്ന്ന് സ്കോര് ഉയര്ത്തുകയാണ്. 11 ഓവര് പിന്നിടുമ്പോള് വിക്കറ്റ് നഷ്ടം കൂടാതെ 65 റണ്സാണ് ഇന്ത്യ എടുത്തത്. 29 പന്തില് ഏഴ് ബൗണ്ടറികളോടെ രോഹിത്ത് 36 റണ്സും 37 പന്തില് നാല് ബൗണ്ടറികളോടെ രോഹിത്ത് 28 റണ്സുമാണ് എടുത്തത്.
നേരത്തെ മുന് നായകന് എയ്ഞ്ചലോ മാത്യൂസിന്റെ സെഞ്ച്വറിയുടെ പിന്ബലത്തിലാണ് ശ്രീലങ്ക 264 റണ്സെടുത്തത്. മാത്യൂസ് 113 റണ്സെടുത്ത് പുറത്തായി. 55 ന് 4 എന്ന നിലയില് ക്രീസില് ഒത്തുചേര്ന്ന മാത്യൂസും തിരിമനെയും ചേര്ന്നാണ് ലങ്കയെ മത്സരത്തിലേക്ക് തിരികെകൊണ്ടുവന്നത്.
തിരിമനെ 53 റണ്സെടുത്ത് പുറത്താവുമ്പോഴേക്കും സ്കോര്ബോര്ഡില് 179 റണ്സ് ചേര്ക്കപ്പെട്ടിരുന്നു. പിന്നീട് ധനഞ്ജയ ഡി സില്വയെ ഒപ്പം ചേര്ത്താണ് (29) മാത്യൂസ് സ്കോര് ഉയര്ത്തിയത്. നായകന് ദിമുത് കരുണരത്നെയാണ് ലങ്കയ്ക്ക് ആദ്യം നഷ്ടമായത്. 10 റണ്സായിരുന്നു താരം നേടിയത്. ഇന്ത്യക്കായി ജസ്പ്രീത് ബൂമ്ര മൂന്നും ഹര്ദിക് പാണ്ഡ്യ, രവീന്ദ്ര ജഡേജ, കുല്ദീപ് യാദവ്, ഭൂവനേശ്വര് എന്നിവര് ഓരോ വിക്കറ്റുകളും നേടി.
First published:
ഏറ്റവും വിശ്വാസ്യതയുള്ള വാർത്തകള്, തത്സമയ വിവരങ്ങൾ, ലോകം, ദേശീയം, ബോളിവുഡ്, സ്പോർട്സ്, ബിസിനസ്, ആരോഗ്യം, ലൈഫ് സ്റ്റൈൽ വാർത്തകൾ ന്യൂസ് 18 മലയാളം വെബ്സൈറ്റിൽ വായിക്കൂ.