• HOME
  • »
  • NEWS
  • »
  • sports
  • »
  • IND vs SA |പരമ്പര ഉറപ്പിക്കാന്‍ ദക്ഷിണാഫ്രിക്ക; ഒപ്പമെത്താന്‍ ഇന്ത്യ; ടോസ് വീണു

IND vs SA |പരമ്പര ഉറപ്പിക്കാന്‍ ദക്ഷിണാഫ്രിക്ക; ഒപ്പമെത്താന്‍ ഇന്ത്യ; ടോസ് വീണു

നിര്‍ണായക മത്സരത്തില്‍ മാറ്റങ്ങളൊന്നും വരുത്താതെ ഇന്ത്യ ഇറങ്ങുമ്പോള്‍ മൂന്ന് മാറ്റങ്ങളുമായാണ് ദക്ഷിണാഫ്രിക്ക എത്തുന്നത്.

  • Share this:
    ഇന്ത്യ- ദക്ഷിണാഫ്രിക്ക ടി20 പരമ്പരയിലെ നാലാം മത്സരത്തില്‍ ഇന്ത്യ ആദ്യം ബാറ്റ് ചെയ്യും. ടോസ് നേടിയ ദക്ഷിണാഫ്രിക്കന്‍ ക്യാപ്റ്റന്‍ ടെംബ ബാവുമ ബൗളിംഗ് തിരഞ്ഞെടുക്കുകയായിരുന്നു. നിര്‍ണായക മത്സരത്തില്‍ മാറ്റങ്ങളൊന്നും വരുത്താതെ ഇന്ത്യ ഇറങ്ങുമ്പോള്‍ മൂന്ന് മാറ്റങ്ങളുമായാണ് ദക്ഷിണാഫ്രിക്ക എത്തുന്നത്. ക്വിന്റണ്‍ ഡി കോക്ക്, മാര്‍കോ ജാന്‍സണ്‍, ലുങ്കി എങ്കിടി എന്നിവര്‍ അന്തിമ ഇലവനില്‍ ഇടം നേടി.

    അഞ്ചു മത്സരങ്ങളുടെ പരമ്പരയില്‍ ദക്ഷിണാഫ്രിക്ക 2-1നു മുന്നിലാണ്. അതുകൊണ്ടു തന്നെ ഇന്ത്യക്കു നാലാം മത്സരം ജീവന്‍മരണ പോരട്ടമാണ്. തോല്‍ക്കുകയാണെങ്കില്‍ സൗത്താഫ്രിക്ക പരമ്പര പോക്കറ്റിലാക്കും. അതിനാല്‍തന്നെ കൈയ്മെയ് മറന്നൊരു പോരാട്ടം തന്നെയായിരിക്കും റിഷഭ് പന്തും സംഘവും ഇന്നത്തെ കളിയിലും ലക്ഷ്യമിടുന്നത്.

    ഇന്ത്യ- ഇഷാന്‍ കിഷന്‍, റുതുരാജ് ഗെയ്ക്വാദ്, ശ്രേയസ് അയ്യര്‍, റിഷഭ് പന്ത് (ക്യാപ്റ്റന്‍ & വിക്കറ്റ് കീപ്പര്‍), ഹാര്‍ദിക് പാണ്ഡ്യ, ദിനേശ് കാര്‍ത്തിക്, അക്ഷര്‍ പട്ടേല്‍, ഹര്‍ഷല്‍ പട്ടേല്‍, ഭുവനേശ്വര്‍ കുമാര്‍, യുസ്വേന്ദ്ര ചാഹല്‍, ആവേശ് ഖാന്‍.

    സൗത്താഫ്രിക്ക- ടെംബ ബവുമ (ക്യാപ്റ്റന്‍), ക്വിന്റണ്‍ ഡി കോക്ക്, ഡ്വയ്ന്‍ പ്രിട്ടോറിയസ്, റാസി വാന്‍ഡെര്‍ ദസന്‍, മാര്‍കോ ജാന്‍സണ്‍, ലുങ്കി എങ്കിടി, ഹെന്റിച്ച് ക്ലാസന്‍ (വിക്കറ്റ് കീപ്പര്‍), ഡേവിഡ് മില്ലര്‍, കേശവ് മഹാരാജ്, ആന്റിച്ച് നോര്‍ക്കിയ, തബ്രൈസ് ഷംസി.

    ക്യാപ്റ്റന്‍ റിഷഭ് പന്ത് ഒഴികെയുള്ള ബാറ്റര്‍മാര്‍ ഫോമിലാണെങ്കിലും സ്ഥിരതയില്ലായ്മ ആശങ്കയാണ്. ഇഷാന്‍ കിഷനും റുതുരാജ് ഗെയ്ക്വാദും നല്‍കുന്ന തുടക്കവും അവസാന ഓവറുകളിലെ ഹാര്‍ദിക് പണ്ഡ്യയുടേയും ദിനേശ് കാര്‍ത്തിക്കിന്റെയും കൂറ്റന്‍ ഷോട്ടുകളും നിര്‍ണായകമാവും. ഹര്‍ഷല്‍ പട്ടേലിന്റെയും യുസ്‌വേന്ദ്ര ചഹലിന്റെയും ബൗളിംഗ് മികവും പ്രതീക്ഷ നല്‍കുന്നു.

    മില്ലറേയും ക്ലാസനേയും വാന്‍ഡര്‍ ഡസ്സനേയും പിടിച്ചുകെട്ടുകയാവും ഇന്ത്യയുടെ വെല്ലുവിളി. ബാറ്റര്‍മാരെ തുണയ്ക്കുന്ന വിക്കറ്റാണ് രാജ്‌കോട്ടിലേത്.
    Published by:Sarath Mohanan
    First published: