India vs Australia| താരങ്ങളെല്ലാം കോവിഡ് നെഗറ്റീവ്; ഇന്ത്യൻ ടീം പരിശീലനം ആരംഭിച്ചു

സിഡ്‌നി: ഓസ്ട്രേലിയൻ പര്യടനത്തിനെത്തിയ ഇന്ത്യന്‍ ടീം ശനിയാഴ്ച ആദ്യ ഔട്ട്‌ഡോര്‍ പരിശീലനത്തിനിറങ്ങി. ടീം അംഗങ്ങള്‍ക്കായി നടത്തിയ കോവിഡ് പരിശോധയിൽ എല്ലാവരുടെയും ഫലം നെഗറ്റീവ് ആയതോടെയാണ് താരങ്ങൾ പരിശീലനത്തിനിറങ്ങിയത്. യുഎഇയിൽ നടന്ന ഐപിഎൽ മത്സരങ്ങൾ പൂർത്തിയാക്കിയ ശേഷമാണ് മിക്ക താരങ്ങളും 12-ാം തീയതിഓസ്‌ട്രേലിയയിലെത്തിയത്.

താരങ്ങൾ14 ദിവസം ക്വാറന്റൈനിലായിരിക്കും. ഇക്കാലയളവില്‍ പരിശീലനത്തിനുള്ള സൗകര്യങ്ങള്‍ ഓസ്‌ട്രേലിയ ഒരുക്കിയിട്ടുണ്ട്. ജിം പരിശീലനം, ഓട്ടം എന്നിവയാണ് താരങ്ങൾ ശനിയാഴ്ച നടത്തിയത്. ഇതിന്റെ ചിത്രങ്ങൾ ബിസിസിഐ ട്വിറ്ററിൽ പങ്കുവെച്ചിട്ടുണ്ട്.

Two days off the plane and #TeamIndia had their first outdoor session today. A bit of 🏃 to get the body moving! #AUSIND pic.twitter.com/GQkvCU6m15

— BCCI (@BCCI) November 14, 2020

Once out, the boys also hit the gym!💪 pic.twitter.com/X3QL3uHQJy

— BCCI (@BCCI) November 14, 2020

ഋഷഭ് പന്ത്, ടി നടരാജൻ, ഷാർദൂർ താക്കൂർ, ഹർദിക് പാണ്ഡ്യ, കുൽദീപ് യാദവ്, രവീന്ദ്ര ജഡേജ, ഉമേഷ് യാദവ്, മുഹമ്മദ് സിറാജ് എന്നിവര്‍ പരിശീലനം ചെയ്യുന്നത് ചിത്രങ്ങളിൽ കാണാം.



സിഡ്‌നി ഒളിമ്പിക് പാര്‍ക്കിലാണ് ടീമിന്റെ പരിശീലനം.നവംബര്‍ 27-ന് ആരംഭിക്കുന്ന ഇന്ത്യയുടെ ഓസ്ട്രേലിയന്‍ പര്യടനം രണ്ടു മാസത്തോളം നീണ്ടുനില്‍ക്കുന്നതാണ്. നവംബര്‍ 27-ന് സിഡ്നിയില്‍ ആദ്യ ഏകദിന മത്സരത്തോടെ പര്യടനത്തിന് തുടക്കമാകും. മൂന്ന് ഏകദിനങ്ങളും മൂന്ന് ട്വന്റി 20 മത്സരങ്ങളും നാല് ടെസ്റ്റുകളുമാണ് പരമ്പരയിലുള്ളത്.