• News
  • Mission Paani
  • Sports
  • Films
  • Gulf
  • Life
  • Career
  • Crime
  • Photos
  • Video
  • Buzz
  • Live TV

India Vs New Zealand 2nd t20 | ന്യൂസിലാൻഡ് ബാറ്റിങ് നിരയെ പിടിച്ചുകെട്ടി ഇന്ത്യ; ജയിക്കാൻ 133 റൺസ്

രവീന്ദ്ര ജഡേജയുടെയും ജസ്പ്രീത് ബുമ്രയുടെയും മുഹമ്മദ് ഷമിയുടെയും മികച്ച ബൗളിങ്ങാണ് ന്യൂസിലാൻഡ് ബാറ്റ്സ്മാൻമാരെ പിടിച്ചുകെട്ടിയത്.

News18 Malayalam | news18-malayalam
Updated: January 26, 2020, 2:12 PM IST
India Vs New Zealand 2nd t20 | ന്യൂസിലാൻഡ് ബാറ്റിങ് നിരയെ പിടിച്ചുകെട്ടി ഇന്ത്യ; ജയിക്കാൻ 133 റൺസ്
jadeja
  • Share this:
ഓക്ക്‌ലന്‍ഡ്: ന്യൂസിലാൻഡിനെതിരായ രണ്ടാം ട്വന്റി20യില്‍ ‌ഇന്ത്യക്ക് 133 റൺസ് വിജയലക്ഷ്യം. നിശ്ചിത 20 ഓവറിൽ 5 വിക്കറ്റ് നഷ്ടത്തിൽ 132 റൺസെടുക്കാനേ കീവീസ് നിരക്ക് കഴിഞ്ഞുള്ളൂ. രവീന്ദ്ര ജഡേജയുടെയും ജസ്പ്രീത് ബുമ്രയുടെയും മുഹമ്മദ് ഷമിയുടെയും മികച്ച ബൗളിങ്ങാണ് ന്യൂസിലാൻഡ് ബാറ്റ്സ്മാൻമാരെ പിടിച്ചുകെട്ടിയത്. ഇവരുടെ പന്തുകളിൽ റൺസ് കണ്ടെത്താൻ ആതിഥേയർ നന്നേ വിഷമിച്ചു.

നാലോവറിൽ 18 റൺസ് മാത്രം വഴങ്ങി ജഡേജ രണ്ട് വിക്കറ്റെടുത്തു. ജസ്പ്രീത് ബുംറ നാലോവറിൽ 21 റൺസ് മാത്രം വിട്ടുകൊടുത്തു ഒരു വിക്കറ്റ് എടുത്തു. വിക്കറ്റ് നേടിയില്ലെങ്കിലും ഷമി നാലോവറിൽ 22 റൺസ് മാത്രമാണ് വഴങ്ങിയത്. ഷാർദൂൽ ഠാക്കൂർ, ശിവം ദുബെ എന്നിവരും ഓരോ വിക്കറ്റ് വീതം വീഴ്ത്തി.

Also Read- 'ഏഷ്യാകപ്പിന് ഇന്ത്യൻടീമിനെ അയച്ചില്ലെങ്കിൽ ടി20 ലോകകപ്പിന പാക് ടീം ഇന്ത്യയിലേക്കില്ല'

26 പന്തിൽ 33 റൺസ് നേടി പുറത്താകാതെ നിന്ന ടിം സീഫെർട്ടും 20 പന്തിൽ 33 റൺസ് നേടിയ മാർട്ടിൻ ഗപ്റ്റിലുമാണ് ടോപ് സ്കോറർമാർ. കഴിഞ്ഞ കളിയിൽ തകർത്തടിച്ച കോളിൻ മൺറേ 25 പന്തിൽ 26 റൺസെടുത്തുപുറത്തായി. ക്യാപ്റ്റൻ കെയിൻ വില്യംസൺ 20 പന്തിൽ 14, കോളിൻഡി ഗ്രാന്റ്ഹോം അഞ്ച് പന്തിൽ മൂന്ന്, റോസ് ടെയ്ലർ 24 പന്തിൽ 18 എന്നിവരാണ് സ്കോറർമാർ. തകർത്തടിച്ചു മുന്നേറിയ ഓപ്പണർ മാർട്ടിൻ ഗപ്ടിലാണ് കിവീസ് നിരയിൽ ആദ്യം പുറത്തായത്. സ്കോർ 48ൽ നിൽക്കെയാണ് ഗപ്റ്റിൽ മടങ്ങിയത്. ഓപ്പണിങ് വിക്കറ്റിൽ വെറും 36 പന്തിൽനിന്ന് ഗപ്ടിൽ – മൺറോ സഖ്യം 48 റൺസ് കൂട്ടിച്ചേർത്തു. ഇതിനിടെ ട്വന്റി20യിൽ ഗപ്ടിൽ – മൺറോ സഖ്യം 1000 റൺസ് പിന്നിട്ടു. ഈ നേട്ടം കൈവരിക്കുന്ന ഏഴാമത്തെ ജോടിയും രണ്ടാമത്തെ മാത്രം ന്യൂസീലൻഡ് സഖ്യവുമാണ്. ഗപ്ടിൽ – കെയ്ൻ വില്യംസൻ സഖ്യമാണ് (1151) ഇക്കാര്യത്തിൽ ഇവർക്കു മുന്നിലുള്ള കിവീസ് സഖ്യം. സ്കോർ 68ൽ നിൽക്കെ കഴിഞ്ഞ മത്സരത്തിലെ കിവീസിന്റെ ടോപ് സ്കോറർ കോളിൻ മൺറോയും മടങ്ങി.

നേരത്തെ, ടോസ് നേടിയ ന്യൂസീലൻഡ് നായകൻ കെയ്ൻ വില്യംസൻ ബാറ്റിങ് തെരഞ്ഞെടുക്കുകയായിരുന്നു. ആദ്യ മത്സരം നടന്ന ഓക്‌ലൻഡിലെ അതേ വേദിയിലാണ് ഇന്നത്തെ മത്സരവും. ഇന്ത്യൻ ടീമിൽ ഷാർദുൽ താക്കൂറിനു പകരം നവ്ദീപ് സെയ്നി ഇടംപിടിക്കുമെന്ന് പ്രതീക്ഷിച്ചെങ്കിലും ആദ്യ മത്സരത്തിലെ അതേ ടീമിനെ നിലനിർത്താനാണ് ഇന്ത്യൻ ക്യാപ്റ്റൻ വിരാട് കോലി തീരുമാനിച്ചത്. ന്യൂസീലൻഡും ആദ്യ മത്സരത്തിലെ ടീമിനെ അതേപടി നിലനിർത്തി. ഒന്നാം ട്വന്റി20യിൽ ന്യൂസീലൻഡ് ഉയർത്തിയ 204 റൺസ് വിജയലക്ഷ്യം പിന്തുടർന്ന ഇന്ത്യ അനായാസം ജയിച്ചുകയറിയിരുന്നു.

Follow Malayalam.News18.com on Facebook, Youtube, Helo, Sharechat, Twitter and Instagram

First published: January 26, 2020
കൂടുതൽ കാണുക
അടുത്തത് വാര്‍ത്തകള്‍