U19 World Cup 2020| ജയ്സ്വാളിന് സെഞ്ചുറി; പാകിസ്ഥാനെ തകർത്ത് ഇന്ത്യ ഫൈനലിൽ

തുടർച്ചയായി മൂന്നാം തവണയാണ് ഇന്ത്യൻ ടീം അണ്ടർ 19 ലോകകപ്പിന്റെ ഫൈനലിൽ പ്രവേശിക്കുന്നത്.

News18 Malayalam | news18-malayalam
Updated: February 4, 2020, 7:50 PM IST
U19 World Cup 2020| ജയ്സ്വാളിന് സെഞ്ചുറി; പാകിസ്ഥാനെ തകർത്ത് ഇന്ത്യ ഫൈനലിൽ
News18 Malayalam
  • Share this:
അണ്ടർ 19 ലോകകപ്പ് സെമിയിൽ പാകിസ്ഥാനെ തകർത്ത് തരിപ്പണമാക്കി ഇന്ത്യൻ യുവനിര. സെമി പോരാട്ടത്തിൽ 173 റൺസ് വിജയലക്ഷ്യവുമായി ഇറങ്ങിയ ഇന്ത്യ പത്ത് വിക്കറ്റിന് ജയിച്ചു. ഓപ്പണർ യാഷാസ്വി ജെയ്സ്വാളിന്റെ സെഞ്ചുറിയും (105)  ദിവ്യാൻഷ് സക്സേനയുടെ അർധ സെഞ്ചുറിയും (59) ആണ് ഇന്ത്യയുടെ ഫൈനൽ പ്രവേശനം ഉറപ്പാക്കിയത്.

ബൗളിംഗിലും ബാറ്റിംഗിലും പാക് നിരയെ തകർത്തുവിട്ടാണ് ഇന്ത്യ കൂറ്റൻ ജയം സ്വന്തമാക്കിയത്. തുടർച്ചയായ രണ്ടാം കിരീടമാണ് ഇന്ത്യ ലക്ഷ്യമിടുന്നത്. തുടർച്ചയായി മൂന്നാം തവണയാണ് ഇന്ത്യൻ ടീം അണ്ടർ 19 ലോകകപ്പിന്റെ ഫൈനലിൽ പ്രവേശിക്കുന്നത്. ഞായറാഴ്ചയാണ് ഫൈനൽ. ന്യൂസിലാൻഡ്- ബംഗ്ലാദേശ് സെമി മത്സരത്തിലെ വിജയികളെയാകും ഇന്ത്യ ഫൈനലിൽ നേരിടുക.

നാലു സിക്സും എട്ട് ഫോറും സഹിതം 113 പന്തിലാണ് ജെയ്സ്വാൾ 105 റൺസ് നേടിയത്. 99പന്തിൽ ആറ് ഫോർ ഉൾപ്പെടെ 59 റൺസാണ് ദിവ്യാൻഷ് സക്സേന നേടിയത്.

ടോസ് നേടി ബാറ്റിങ് തെരഞ്ഞെടുത്ത പാക്കിസ്ഥാൻ 43.1 ഓവറിൽ 172 റൺസിന് എല്ലാവരും പുറത്താവുകയായിരുന്നു. പാക് നിരയിൽ മൂന്നു പേർക്കു മാത്രമേ രണ്ടക്കം കടക്കാനായുള്ളൂ. ഓപ്പണർ ഹൈദർ അലി (56), ക്യാപ്റ്റൻ റുഹൈൽ നാസിർ (62) എന്നിവർ അർധസെഞ്ചുറി നേടി. 21 റൺസെടുത്ത മുഹമ്മദ് ഹാരിസാണ് രണ്ടക്കം കണ്ട മൂന്നാമൻ. ഇന്ത്യയ്ക്ക് വേണ്ടി സുശാന്ത് മിശ്ര 8.1 ഓവറിൽ 28 റൺസ് മാത്രം വഴങ്ങി മൂന്നു വിക്കറ്റെടുത്തു. കാർത്തിക് ത്യാഗി, രവി ബിഷ്ണോയി എന്നിവർ രണ്ടു വിക്കറ്റ് വീതം നേടി.

Also Read- രോഹിത് ശർമ്മ കളിച്ചേക്കില്ല; ന്യൂസിലാൻഡിൽ ഇന്ത്യൻ ടീമിന് കനത്ത തിരിച്ചടി

അഥർവ അങ്കൊലേക്കർ, യശ്വസി ജയ്‌സ്വാൾ എന്നിവർ ഓരോ വിക്കറ്റ് പങ്കിട്ടു. മുഹമ്മദ് ഹുറൈര (നാല്), ഫഹദ് മുനീർ (0), ഖാസി അക്രം (ഒൻപത്), ഇർഫാൻ ഖാൻ (മൂന്ന്), അബ്ബാസ് അഫ്രീദി (രണ്ട്), താഹിർ ഹുസൈൻ (രണ്ട്), ആമിർ അലി (ഒന്ന്) എന്നിവരാണ് പാക് നിരയിലെ മറ്റ് ബാറ്റ്സ്മാൻമാരുടെ സ്കോർ.

ടോസ് നേടി ബാറ്റിങ് തെരഞ്ഞെടുത്ത പാക്കിസ്ഥാന് മൂന്നാം വിക്കറ്റിൽ ഹൈദർ അലി – റുഹൈൽ നാസിർ സഖ്യം പടുത്തുയർത്തിയ അർധസെഞ്ചുറി കൂട്ടുകെട്ടാണ് കരുത്തായത്. രണ്ടിന് 34 റൺസ് എന്ന നിലയിലായിരുന്ന പാകിസ്ഥാനെ 96 റൺസിൽ എത്തിച്ചശേഷമാണ് ഈ കൂട്ടുകെട്ട് വേർപിരിഞ്ഞത്. വെറും 26 റൺസിനിടെയാണ് പാക്കിസ്ഥാന് അവസാന ആറു വിക്കറ്റുകൾ നഷ്ടമായത്. അവസാന നാലു വിക്കറ്റുകൾ നഷ്ടമായത് വെറും ഒൻപതു റൺസിനിടെയും.

ക്വാർട്ടറിൽ ഓസ്ട്രേലിയയെയാണ് ഇന്ത്യ തോൽപിച്ചത്. പാകിസ്ഥാൻ അഫ്ഗാനിസ്ഥാനെയും. 2010നുശേഷം അണ്ടർ 19 ലോകകപ്പിൽ പാകിസ്ഥാൻ ഇതുവരെ ഇന്ത്യയെ തോൽപിച്ചിട്ടില്ല.
First published: February 4, 2020, 7:46 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading