ധോണിയുടെ കള്ളനും പൊലീസും കളി വീണ്ടും

ചെന്നൈ: ആലിംഗനം ചെയ്യാനെത്തിയ ആരാധകനെ വട്ടം ചുറ്റിച്ച് വീണ്ടും എം എസ് ധോണി. ഐപിഎല്ലിന് മുന്നോടിയായി ചെന്നൈ സൂപ്പർ കിംഗ്സിന്റെ പരിശീലനത്തിനിടെയാണ് ആരാധകൻ ഗ്രൗണ്ടിലെത്തിയത്. ആയിരക്കണക്കിന് പേരാണ് ചെപ്പോക്കിൽ ടീമിന്റെ പരിശീലനം കാണാനായി എത്തിയത്.

Catch Me If You Fan #AnbuDen Version! #SuperPricelessThala @msdhoni and the smiling assassin @Lbalaji55! #WhistlePodu 🦁💛 pic.twitter.com/xvqaRKp9kB

— Chennai Super Kings (@ChennaiIPL) 17 March 2019

ചെപ്പോക്കിൽ സിഎസ് കെയുടെ പരിശീലനത്തിനിടെയാണ് ധോണിയുടെ അടുത്തേക്ക് ആരാധകനെത്തിയത്. ഇതിന് മുമ്പ് ഓസ്ട്രേലിയക്കതിരായ ഏകദിനത്തിനിടയ്ക്കും ഗ്രൗണ്ടിലെത്തിയ ആരാധകന് പിടികൊടുക്കാതെ ധോണി പിന്നാലെ ഓടിച്ചിരുന്നു. ഐപിഎല്ലിൽ നിലവിലെ ചാംപ്യൻമാരായ ചെന്നൈക്ക് വലിയ പിന്തുണയാണ് ഇക്കുറിയും. ഐഎസ്എൽ ഫുട്ബോൾ ഫൈനലിന് 8000ൽ താഴെ കാണികളെത്തിയപ്പോൾ പന്ത്രണ്ടായിരത്തിലധികം പേർ ധോണിയുടെയും സംഘത്തിന്റെയും ഞായറാഴ്ചത്തെ പരിശീലനം കാണാൻ മാത്രം എത്തിയെന്നാണ് കണക്ക്.

ഐപിഎല്ലില്‍ കപ്പടിക്കാനുറച്ച് ഡല്‍ഹി; പോണ്ടിങ്ങിനും കൈഫിനും പിന്നാലെ ദാദയും ക്യാപിറ്റല്‍സിനൊപ്പം

ശനിയാഴ്ച വിൽപന തുടങ്ങിയ ചെന്നൈ സൂപ്പർ കിംഗ്സിന്റെ ഹോം മത്സരങ്ങൾക്കുള്ള ടിക്കറ്റ് വാങ്ങാനായി വെള്ളിയാഴ്ച രാത്രി മുതൽ തന്നെ ആരാധകരുടെ നീണ്ട നിരയാണ് സ്റ്റേഡിയത്തിന് സമീപമുണ്ടായിരുന്നത്.