നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • sports
    • »
    • IPL 2022 |പുതിയ ഐപിഎല്‍ ടീമിനെ സ്വന്തമാക്കാന്‍ രണ്‍വീര്‍ സിങ്ങും ദീപിക പദുക്കോണും രംഗത്ത്

    IPL 2022 |പുതിയ ഐപിഎല്‍ ടീമിനെ സ്വന്തമാക്കാന്‍ രണ്‍വീര്‍ സിങ്ങും ദീപിക പദുക്കോണും രംഗത്ത്

    ഇതിനിടെ രണ്‍വീറിന്റേയും ദീപികയുടേയും പുതിയ ടീമിന്റെ പേരും ജഴ്സിയുമൊക്കെ ആരാധകര്‍ മനസില്‍ കണ്ടു തുടങ്ങിയിട്ടുണ്ട്.

    News18

    News18

    • Share this:
      ഐപിഎല്ലില്‍(IPL) പുതുതായി എത്തുന്ന രണ്ട് ഫ്രാഞ്ചൈസികളൊന്നിനെ സ്വന്തമാക്കാന്‍ ബോളിവുഡ് താരദമ്പതികളായ ദീപിക പദുക്കോണിനും(Deepika Padukone), രണ്‍വീര്‍ സിംഗിനും(Ranveer Singh) താല്പര്യമെന്ന് റിപ്പോര്‍ട്ട്. ഔട്ട്ലുക്കാണ് വാര്‍ത്ത റിപ്പോര്‍ട്ട് ചെയ്തിരിക്കുന്നത്.

      അടുത്ത സീസണില്‍ മെഗാ ഓക്ഷനിലൂടെ ടീമുകള്‍ മുഴുവന്‍ പൊളിച്ചടുക്കപ്പെടുകയാണ്. നിലവില്‍ എട്ട് ടീമുകളാണ് ഐപിഎല്ലില്‍ കളിക്കുന്നത്. അടുത്ത സീസണില്‍ ഈ എട്ട് എന്നത് പത്താക്കി ഉയര്‍ത്താനാണ് തീരുമാനം. പുതുതായി വരുന്ന രണ്ട് ടീമുകള്‍ക്കായി പല പ്രമുഖരും രംഗത്തുണ്ട്. ഇതില്‍ ഒരു ടീം സ്വന്തമാക്കാനാണ് ദീപികയും രണ്‍വീറും ശ്രമിക്കുന്നതെന്നാണ് റിപ്പോര്‍ട്ടുകള്‍ പറയുന്നത്. മാഞ്ചസ്റ്റര്‍ യുണൈറ്റഡിന്റെ ഉടമകളായ അമേരിക്കന്‍ ഗ്ലേസര്‍ കുടുംബവും ഐപിഎല്‍ ടീമിനായി മത്സര രംഗത്തുണ്ടെന്ന് റിപ്പോര്‍ട്ടുകള്‍ വന്നിരുന്നു.

      ബോളിവുഡും ഐപിഎല്ലും തമ്മില്‍ പണ്ടുമുതല്‍ക്കേ മികച്ച ബന്ധമാണുള്ളത്. ബോളിവുഡ് സൂപ്പര്‍ താരം ഷാരൂഖ് ഖാന്റേയും, ജൂഹി ചൗളയുടേയും സഹ ഉടമസ്ഥതയിലുള്ള ഐപിഎല്‍ ടീമാണ് കൊല്‍ക്കത്ത നൈറ്റ് റൈഡേഴ്‌സ്. അതു പോലെ തന്നെ മറ്റൊരു ബോളിവുഡ് താരമായ പ്രീതി സിന്റക്ക് പഞ്ചാബ് കിംഗ്‌സ് ടീമില്‍ ഓഹരിയുണ്ട്. ഇപ്പോളിതാ പുതിയ ഫ്രാഞ്ചൈസിയെ സ്വന്തമാക്കാനുള്ള നീക്കത്തില്‍ വിജയിക്കാന്‍ ദീപിക പദുക്കോണ്‍, രണ്‍വീര്‍ സിംഗ് എന്നിവര്‍ക്ക് കഴിഞ്ഞാല്‍ ബോളിവുഡും ഐപിഎല്ലും തമ്മിലുള്ള ബന്ധം വര്‍ധിക്കും.

      ഇതിനിടെ രണ്‍വീറിന്റേയും ദീപികയുടേയും പുതിയ ടീമിന്റെ പേരും ജഴ്സിയുമൊക്കെ ആരാധകര്‍ മനസില്‍ കണ്ടു തുടങ്ങിയിട്ടുണ്ട്. നിരവധി ട്രോളുകളാണ് ഇതിനോടകം തന്നെ സോഷ്യല്‍ മീഡിയയില്‍ ഉയര്‍ന്നിരിക്കുന്നത്. തന്റെ ഫാഷന്‍ സെന്‍സിലൂടെ പലപ്പോഴും ഞെട്ടിക്കുന്ന വ്യക്തിയാണ് രണ്‍വീര്‍. ഇതാണ് ആരാധകരുടെ ഭാവനയുടെ ഉറവിടം.

      2000 കോടി രൂപയാണ് പുതിയ രണ്ട് ടീമുകളുടേയും അടിസ്ഥാനവിലയായി ബിസിസിഐ നിശ്ചയിച്ചിരിക്കുന്നത്. നേരത്തെ 1700 കോടി രൂപയായിരുന്നു അടിസ്ഥാനവിലയായി നിശ്ചയിച്ചിരുന്നത്. എന്നാലത് 2000 കോടി രൂപയായി ഉയര്‍ത്താന്‍ ബിസിസിഐ തീരുമാനിക്കുകയായിരുന്നു.

      IPL 2022 |പുതിയ ഐപിഎല്‍ ടീമിനെ സ്വന്തമാക്കാന്‍ ലക്ഷ്യമിട്ട് മാഞ്ചസ്റ്റര്‍ യുണൈറ്റഡ്- റിപ്പോര്‍ട്ട്

      ഐപിഎല്ലില്‍(IPL) അടുത്ത സീസണില്‍ പുതിയതായെത്തുന്ന രണ്ടു ടീമുകളെ സ്വന്തമാക്കാന്‍ വന്‍കിട ബിസിനസ് ഗ്രൂപ്പുകളുടെ കിടമത്സരമാണ് നടക്കുന്നത്. പ്രീമിയര്‍ ലീഗ് വമ്പന്മാരായ മാഞ്ചസ്റ്റര്‍ യുണൈറ്റഡ്(Manchester United) ഗ്രൂപ്പ് ഐപിഎല്‍ ടീമിനെ സ്വന്തമാക്കാന്‍ ശ്രമിക്കുന്നതായി റിപ്പോര്‍ട്ട്. മാഞ്ചസ്റ്റര്‍ യുണൈറ്റഡിന്റെ ഉടമസ്ഥരായ ഗ്ലേസര്‍ ഫാമിലി പുതിയ ഫ്രാഞ്ചൈസിയെ സ്വന്തമാക്കുന്നതിനുള്ള ടെന്‍ഡര്‍ വാങ്ങിയതായാണ് സൂചന.

      ടെന്‍ഡര്‍ വാങ്ങാനുള്ള തിയതി ഇന്നലെ അവസാനിച്ചപ്പോള്‍ ഇന്ത്യന്‍ കമ്പനികള്‍ക്ക് പുറമേ വന്‍കിട വിദേശ ബിസിനസ് ഗ്രൂപ്പുകളും പുതിയ ഫ്രാഞ്ചൈസികള്‍ക്കായി രംഗത്ത് വന്നിട്ടുണ്ട്. മുന്‍ ഫോര്‍മുല 1 ഉടമസ്ഥരായ സിവിസി പാര്‍ട്ണേഴ്സും ടെന്‍ഡര്‍ ഡോക്യുമെന്റുകള്‍ വാങ്ങിയിട്ടുണ്ടെന്ന് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു.

      വിദേശ കമ്പനികള്‍ക്ക് ഐപിഎല്‍ ടീമിനെ സ്വന്തമാക്കാന്‍ വ്യവസ്ഥയുണ്ട്. എന്നാല്‍ അവര്‍ക്ക് ഇന്ത്യയില്‍ ഒരു കമ്പനി സ്വന്തമായി ഉണ്ടാകണം. എന്നാല്‍ വിദേശ കമ്പനി ബിസിസിഐയുടെ ടെന്‍ഡര്‍ ഡോക്യുമെന്റ് വാങ്ങിയത് കൊണ്ട് അത് ഫ്രാഞ്ചൈസി വാങ്ങാനാണ് എന്ന് പറയാനാവില്ലെന്നും ബിസിസിഐ വൃത്തങ്ങള്‍ പറയുന്നു. ഡിസ്നി ടെന്‍ഡര്‍ ഡോക്യുമെന്റ് വാങ്ങിയാല്‍ അത് ഐപിഎല്‍ ടീമിനെ സ്വന്തമാക്കാന്‍ വാങ്ങിയത് എന്ന് അര്‍ഥമില്ല. മീഡിയ റൈറ്റ്സ് മേഖലയിലെ കാര്യങ്ങള്‍ മുന്‍നിര്‍ത്തി കൂടിയാവും ഇത് എന്നും ബിസിസിഐ വൃത്തങ്ങള്‍ വ്യക്തമാക്കുന്നു.
      Published by:Sarath Mohanan
      First published:
      )}