ISL 2020-21 | ബഗാന് മുന്നിൽ ബെംഗളുരു വീണു; എടികെയുടെ ജയം ഒരൊറ്റ ഗോളിന്

പ​നാ​ജി: ഇന്ത്യൻ സൂപ്പർ ലീഗിൽ ഒടുവിൽ ബെംഗളുരു എഫ്.സിക്ക് അടി പതറി. ക​രു​ത്ത​ന്മാ​രു​ടെ പോ​രാ​ട്ട​ത്തി​ല്‍ എ​ടി​കെ മോ​ഹ​ന്‍ ബ​ഗാൻ മറുപടിയില്ലാത്ത ഒരു ഗോളിനാണ് ബം​ഗ​ളൂ​രു എ​ഫ്സി​യെ കീ​ഴ​ട​ക്കി​യ​ത്. ഇ​തോ​ടെ ഈ ​സീ​സ​ണി​ല്‍ ഇ​തു​വ​രെ പ​രാ​ജ​യ​മ​റി​യാതെ മുന്നേറിയ ബം​ഗ​ളൂ​രു​വിന്‍റെ ജൈത്രയാത്രയ്ക്ക് അവസാനമായി.

കളിയുടെ 13-ാം മി​നി​റ്റി​ല്‍ ഡേ​വി​ഡ് വി​ല്യം​സ് ആ​ണ് എ​ടി​കെ​-മോഹൻ ബഗാനുവേണ്ടി വിജയഗോൾ നേടിയത്. പെ​നാ​ല്‍റ്റി ബോ​ക്സി​ല്‍ ബം​ഗ​ളൂ​രു പ്രതിരോധനിരയെ ക​ബ​ളി​പ്പി​ച്ച്‌ വി​ല്യം​സ് തൊടുത്ത തകർപ്പൻ ഷോ​ട്ട് ബംഗളുരു ഗോളിയെ നിഷ്പ്രഭനാക്കിക്കൊണ്ട് ഗോൾവലയം ഭേദിക്കുകയായിരുന്നു. വി​ല്യം​സി​ന്‍റെ ഈ ​സീ​സ​ണി​ലെ ആ​ദ്യ ഗോ​ളാ​ണി​ത്.

Also Read- ISL 2020-21 | രക്ഷകനായി സഹൽ അബ്ദുൽ സമദ്; ബ്ലാസ്റ്റേഴ്സിന് ഈസ്റ്റ് ബംഗാളിനെതിരെ സമനില

ഗോൾ വഴങ്ങിയതോടെ ബെംഗളുരു ഇരമ്പിയാർത്തു. പ​ല ത​വ​ണ അവർ ഗോ​ളിലേക്കു ലക്ഷ്യം വെച്ചെങ്കിലും ശ്രമങ്ങളെല്ലാം വിഫലമായി. കൊൽക്കത്ത പ്രതിരോധവും മധ്യനിരയും ഒരുപോലെ ഉറച്ചുനിന്നതോടെ ബംഗളൂരുവിന് തോൽവി സമ്മതിക്കേണ്ടിവന്നു.

ഇ​ന്ന​ത്തെ ജ​യ​ത്തോ​ടെ എ​ടി​കെ പോ​യി​ന്‍റ് നി​ല​യി​ല്‍ ലീ​ഗി​ല്‍ ഒ​ന്നാ​മ​തു​ള്ള മും​ബൈ സി​റ്റി​ക്ക് ഒ​പ്പം എ​ത്തി. മും​ബൈ​ക്കും എ​ടി​കെ​യ്ക്കും 16 പോ​യി​ന്‍റ് വീ​ത​മാ​ണ് ഉ​ള്ള​ത്. 12 പോ​യി​ന്‍റു​മാ​യി ബം​ഗ​ളൂ​രു എ​ഫ്സി ലീ​ഗി​ല്‍ മൂ​ന്നാം സ്ഥാനത്താണ്.