ISL 2020-21 | വിലങ്ങുതടിയായി ടി.പി രഹനേഷ്; ബംഗളുരുവിനെതിരെ ജംഷദ്പുരിന് വിജയം

പ​നാ​ജി: കരുത്തരായ ബംഗളുരു എഫ്.സിയുടെ ആക്രമണങ്ങൾക്ക് മുന്നിൽ വിലങ്ങുതടിയായി മലയാളി താരം ടി.പി രഹനേഷ്. ഇന്ത്യൻ സൂപ്പർ ലീഗിൽ ബം​ഗ​ളൂ​രു എ​ഫ്സി​യെ മറുപടിയില്ലാത്ത ഒരു ഗോളിന് കീ​ഴ​ട​ക്കി ജം​ഷ​ഡ്പു​ര്‍ എ​ഫ്സി. പ്ര​തി​രോ​ധ താ​രം സ്റ്റീ​ഫ​ന്‍ എ​സ്‌​സെ​യാ​ണ് വി​ജ​യ ഗോ​ള്‍ നേ​ടി​യ​ത്. 79-ാം മി​നി​റ്റാ​ണ് ഗോ​ള്‍ പി​റ​ന്ന​ത്.

ഈ ​വി​ജ​യ​ത്തോ​ടെ ജം​ഷ​ദ്പു​ര്‍ പോ​യി​ന്‍റ് പ​ട്ടി​ക​യി​ല്‍ മൂ​ന്നാം സ്ഥാ​ന​ത്തെ​ത്തി. തു​ട​ര്‍​ച്ച​യാ​യ ര​ണ്ടാം തോ​ല്‍​വി​യാ​ണ് ബം​ഗ​ളൂ​രു​വി​ന്‍റേ​ത്. ഇ​തോ​ടെ ടീം ​നാ​ലാം സ്ഥാ​ന​ത്തേ​യ്ക്ക് വീ​ണു.

മലയാളി താരം ടി.പി രഹനേഷിന്‍റെ തകർപ്പൻ സേവുകളാണ് ഇന്നത്തെ മത്സരത്തിലെ സവിശേഷത. ബംഗളരുവിനെ ഗോൾ നേടാൻ അനുവദിക്കാതെ മികച്ച പ്രകടനമാണ് ഗോൾവലയത്തിന് മുന്നിൽ രഹനേഷ് പുറത്തെടുത്തത്. ഇന്നത്തെ മത്സരത്തിലെ ഹീറോ ഓഫ് ദ മാച്ച് പുരസ്ക്കാരവും അദ്ദേഹത്തിനാണ്.

മത്സരഗതിക്ക് വിപരീതമായാണ് ഫലം നിശ്ചയിച്ച ഗോളിന്‍റെ പിറവി. അനികേതിന്‍റെ പാസ് ബോക്സിലേക്കു ഡൈവ് ചെയ്തു തകർപ്പനൊരു ഹെഡറിലൂടെയാണ് എസ്സേ ഗോൾ നേടിയത്. പ്രതിരോധ താരമാണെങ്കിലും ഈ സീസണിൽ എസ്സേ നേടുന്ന മൂന്നാമത്തെ ഗോളായിരുന്നു ഇത്.