ISL 2020-21 | ഒടുവിൽ കരുത്ത് കാട്ടി കൊമ്പൻ; ബ്ലാസ്റ്റേഴ്സിന് സീസണിലെ ആദ്യ ജയം

പ​നാ​ജി: ഇന്ത്യൻ സൂപ്പർ ലീഗ് ഫു​ട്ബോ​ളി​ല്‍ കേ​ര​ള ബ്ലാ​സ്റ്റേ​ഴ്സി​ന് സീ​സ​ണി​ലെ ആ​ദ്യ വി​ജ​യം. ഹൈ​ദ​രാ​ബാ​ദി​നെ എ​തി​രി​ല്ലാ​ത്ത ര​ണ്ടു ഗോ​ളു​ക​ള്‍​ക്കാ​ണ് ബ്ലാ​സ്റ്റേ​ഴ്സ് തോ​ല്‍​പ്പി​ച്ച​ത്. മ​ല​യാ​ളി താ​രം അ​ബ്ദു​ള്‍ ഹ​ക്കു നെ​ടി​യോ​ട​ത്തും ഓ​സ്ട്രേ​ലി​യ​ക്കാ​ര​ന്‍ ജോ​ര്‍​ഡ​ന്‍ മ​റെ​യു​മാ​ണ് ബ്ലാ​സ്റ്റേ​ഴ്സി​നാ​യി സ്കോർ ചെയ്തത്.

മ​ത്സ​ര​ത്തി​ന്‍റെ 29-ാം മി​നി​റ്റി​ല്‍ ഹ​ക്കു​വാ​ണ് ബ്ലാ​സ്റ്റേ​ഴ്സി​നു വേ​ണ്ടി ആ​ദ്യം ലക്ഷ്യം കണ്ടത്. തകർപ്പനൊരു ഹെഡ്ഡറിലൂടെയായിരുന്നു ഹക്കുവിന്‍റെ ഗോൾ. പെ​റെയേറയെടുത്ത കോര്‍ണര്‍ കിക്കാണ്​ ഗോളിന്​ വഴിയൊരുക്കിയത്​. ഈ സീസണിൽ ഇതാദ്യമായാണ് ഹക്കു ആദ്യ ഇലവനിൽ സ്ഥനം കണ്ടെത്തിയത്.

മത്സരത്തിൽ തുടക്കം മുതൽ ആധിപത്യം പുലർത്തിയത് ബ്ലാസ്റ്റേഴ്സ് തന്നെയായിരുന്നു. ഒരു ഗോളിന് പിന്നിലായെങ്കിലും തിരിച്ചടിക്കാൻ കാര്യമായ ശ്രമം ഹൈദരാബാദ് നടത്തിയില്ല. ഒടുവിൽ മത്സരം അവസാനിക്കാൻ രണ്ടു മിനിട്ട് ശേഷിക്കെ മറെയും ഗോൾ നേടിയതോടെ ബ്ലാസ്റ്റേഴ്സ് പട്ടിക തികച്ചു. 88ാം മിനിറ്റിലാണ് ഓസ്​ട്രേലിയന്‍ താരം ജോര്‍ദാന്‍ മറെയാണ്​ രണ്ടാം ഗോള്‍ നേടിയത്​.

സമനിലയും തോൽവികളും മാത്രം നിറഞ്ഞ സീസണിൽ വൈകിയെത്തിയ ജയം മഞ്ഞപ്പട ആഘോഷിച്ചു. ഏ​ഴ് മ​ത്സ​ര​ങ്ങ​ളി​ല്‍​നി​ന്ന് ആ​റ് പോ​യി​ന്‍റു​മാ​യി ഒ​ന്പ​താം സ്ഥാ​ന​ത്താ​ണ് ബ്ലാ​സ്റ്റേ​ഴ്സ്.